شباب بنات محتاج رأيكم / المشاركة في قناة فضائية أو الرفض ؟؟؟؟؟

[إحساس ناجح]

السلام عليكم ورحمة الله وبركاته كيفكم إن شاء بخير تقبل الله صيامنا وصياكم آمين يارب في موضوع من أول بطرحه وأبغى رأيكم فيه بس كونت متردد كتير ودحين راح أقوله وأبغى رأيكم ندخل على طول بسم الله قبل شهر جاني إتصال من رقم دولي رديت نعم وكان صوت المتصل فتاة من الشام المتصلة : السلام وعليكم أنا : وعليكم السلام المتصلة : كيفك أستاد أحمد >> ول كيف عرفت اسمي! ! ! أنا : الحمد الله - مين معاي المتصلة : معاك المذيعة فلانة من قناة lbc اللبنانية أنا : أهلا وسهلا المتصلة : إحنا شفناك في أول ظهور لك على شاشة mbc في برنامج التفاح الأخضر مع الإعلامية هويدا أنا : صحيح المتصلة : كان ظهورك وذكر تجربتك مع الصرع جميل أنا : شكرا المتصلة : وإحنا نبارك لك أستاذ أنا : اختصري لو سمحتي أنا مشغول المتصلة : إحنا نوجه الدعوة لك لمشاركتنا في إحدى برامج lbc الطبية وبدنا تعيد تجربتك وراح يكون موقع التصوير في جدة وتعيد للمشاهدين تجربتك مع الصرع على مدار 18 عام أنا : لاشكرا ماراح أشارك المتصلة : بنعطيك مقابل المشاركة 30 ألف ريال أنا : شكرا المتصلة : راح يكون معاك شباب وصبايا >> شوفو الإغراء أنا : أعتذر عندي دراسة ومو فاضي المتصلة : أستاذ إذا مايناسبك السعر بنرفعه لك أنا : شكرا لك وما أفكر في المال المتصلة : فكر في الموضوع إلى بعد عيد الحج وبنرجع نتصل عليك أنا : طيب وإنتهت المكالمة وبعدها استشرت ناس كتير وكانو مؤيدين ومعارضين وأهلي هم الوحيدين اللي ماعنهم خبر بالموضوع دا إتصلت على الدكتور اللي عمل لي العملية وفاجأني وقال نبغاك تشارك في مجلة المستشفى بعدين ووافقت لأن الدكتور دا ما أقدر أرده لأنو سبب تغير حياتي بعد الله أخيرا أنا ما كتبت الموضوع إلا لأني أثق فيكم كأخوان وأخوات أتمنى كل واحد يعطيني رأيه أشارك في القناة اللبنانية ولا لا سبب رفضي لأخت المتصلة في البداية لأني تدكرت قصة المجاهر بالرذيلة أنا قررت في نفسي قرار وأعطيته 50% وأترك نص القرار الآخر لكم أتمنى من المشرفين عدم الحذف لأنو يهمني كتير شاكر لكم تعاونكم محبكم / إحساس

[AnwaRoozo]

اخوي احساس ..
ممكن بس تفهمني ؟؟

ايش قصدك بالمجاهر بالرذيلة وهو عبارة عن برنامج طبي اكيد بيكون فيه نساء ورجال زي برنامج التفاح الاخضر ؟؟

[بيو كيميائية ^_^]

بغض النظر عن كل شيء

إنت راح تكون ملهمـ إلى أشخاص كثر يائسين

وراحي تعطيهمـ الأمل

مو بس مرضى الصرع لكل المرضى

كونكـ ولد وكون البرنامج طبي فعادي

[إحساس ناجح]

المشاركة الأصلية كتبت بواسطة anwaroozo اخوي احساس .. ممكن بس تفهمني ؟؟ ايش قصدك بالمجاهر بالرذيلة وهو عبارة عن برنامج طبي اكيد بيكون فيه نساء ورجال زي برنامج التفاح الاخضر ؟؟

هلا أخوي انا هدا اللي جاء في بالي في وقتها
وطبعا أنا ما أكذب عليك صراحة ما داخلة عقلي فكرة القناة
لأنها قالت تجربتك راح تكون على 10 حلقات
وأنا عندي ضغط جامعة من محاضرات وكمان عندي مراجعة مستشفى
لاتنسى إني مافتحت سيرة مع الأهل

أتمنى تقولي رأيك
وشاكر لك مشاركتك

[إحساس ناجح]

المشاركة الأصلية كتبت بواسطة بيو كيميائية ^_^ بغض النظر عن كل شيء إنت راح تكون ملهمـ إلى أشخاص كثر يائسين وراحي تعطيهمـ الأمل مو بس مرضى الصرع لكل المرضى كونكـ ولد وكون البرنامج طبي فعادي

هلا بيو ألف شكر لك على إبداء رأيك
نفس الكلام اللي قالوه في التفاح الأخضر
لأنو في mbc كان معاي الدكتور ووافقت
لكن دحين لوحدي يعني فيها تفكير تاني

شاكر لك بيو
وبالتوفيق

[AnwaRoozo]

المشاركة الأصلية كتبت بواسطة إحساس ناجح هلا أخوي انا هدا اللي جاء في بالي في وقتها وطبعا أنا ما أكذب عليك صراحة ما داخلة عقلي فكرة القناة لأنها قالت تجربتك راح تكون على 10 حلقات وأنا عندي ضغط جامعة من محاضرات وكمان عندي مراجعة مستشفى لاتنسى إني مافتحت سيرة مع الأهل أتمنى تقولي رأيك وشاكر لك مشاركتك

اخوي العزيز .. البرنامج طبي وطبيعي محا يكون فيه اي مجاهر بالرذيلة ..
وبعدين لازم تكلم اهلك عن الموضوع ..

واذا حاولت تنسق بين المحاضرات والبرنامج .. روح والله .. لانها قبل كل شي منها خبرة وتنفع سيرتك الذاتية قبل الفلوس ..

[إحساس ناجح]

المشاركة الأصلية كتبت بواسطة anwaroozo اخوي العزيز .. البرنامج طبي وطبيعي محا يكون فيه اي مجاهر بالرذيلة .. وبعدين لازم تكلم اهلك عن الموضوع .. واذا حاولت تنسق بين المحاضرات والبرنامج .. روح والله .. لانها قبل كل شي منها خبرة وتنفع سيرتك الذاتية قبل الفلوس ..

أوك يعطيك ألف عافية أخوي
أنتظر بقية الأعضاء

[إيمآن عبدآلله]

طيب آنت نفسك تشآرك ولآلآ < آنت يآآحمد

[صوت الفجر]

//

بصراحة آسم القناة لوحدهـ حط عليه الف خط ..
آبدآ ما اثق فيها ..

والله يوفقك،،


’’

[كيان طفلة]

؛

؛


وعليكم السلآام ،،


اخوي قببل كل شي ..

لازم تقول لـ اهلك همآا اولى بانك نخبرهم وتاخذ رأيهم ..

وقبل استخيير ربك هو اعلم بكل شي ...

اذآ كانت اضآفة البرنامج في جدولك حيكون ضغطط فــ بلاشي منو
اهم شي دراستك.. واذا كآان لا فـ الله يوفقك

<< من وجهة نظري ..


والله يكتبلك الي فيه الخييير ..



؛
؛