مع او ضد في التواصل بين الزوجين بعد (الملكه) وقبل (الزفاف)

[سكون الورد k.a.u]

انا مع التواصل بعد الملكه

(وقدام الاهل مع عدم الخروج من المنزل لحااالهم بدون وجود شخص راشد معهم اذا دعت الحاجه)

وانا عن نفسي .. صَعب علي اني انخطب لشخص ويملك علي ومااتواصل معه وبعد كم شهر يصير العرس ، والله يمكن اموووت من الرعب لاني اول مره اقعد معاه بحياتي ولحالي ويحل له ماحُرم على غيرهـ ..

علشان كذا انا اشوف انه يصير فيه تواصل بس مايكون اكثر من شهرين ومااشوفه غير مرتين خلال هالشهرين ، بس يكلمني كل يوم على الجوال علشان اتعود عليه ..

وبكذا مايكون للملل مكان مابينا ، والرهبه والرعب اللي فيني راح يخفون

مع العلم : ان ابوي ماعندهـ هالسوالف وكل ازواج خواتي بعد ماملكوا على خواتي قالهم ابوي بالحرف الواحد : كثر الروحات والجايات ماااااحبهااااا ولا اسمح بها ، وتقلل قيمة الرجل بعيني ، انت لك زوجه عندي ماتشوفها الا ليلة عرسك وغير هالهرج ماعندي

> هههههههه ابوي جداااااا متشدد ومايحب هالسوالف ، وفعلاً مايجون نهائياً ولا يقعدون مع خواتي ، بس يتكلمون بالجوال ...

شكراً لك بنت الوطن ..

دمتم بود