تجمع نقل اخبار الدورة التاهيليه للمستويات 3-4-5 ( طالبـــــــات )الفصل الاول 2012

[مروره]

طالبات المستوى الثالث
بالنسبه للإستماع يابنات ...فيه قواعد معينه في الكتاب لازم تذاكرها كمان ممكن يجي منها في الإختبار اللي هيا كيف تطلعي السبب والنتيجه وكيف تعبري عن قبولك ورفضك بلباقهagree &disagree
وأيضا قاعدة نطق s وبقية القواعد لأنه الإختبار يحتوي على القواعد الأخرى اللي اخذناها بالإضافه stress&syllable واللي قالته الأخت روح الله يسعدها
اسمعوا كثير الأيام هذي من الموقع اللي حطته روح
http://www.esl-lab.com/
واتعلموا كيف تطلعوا نوت للي بتسمعوه ..
في الإختبار قالت حتطلب مننا نكتب نوت للي بنسمعه والنوت مايتطلب تكتبي كل كلمه تسمعيها بس تكتبي المهم
يعني مثلا وهذا مجرد مثال انتي ماراح تكتبي التحيات اللي تصير بين الأشخصاص وكيف حالك والكلام هذا
بس لو مثلا اتطرقوا لموضوع مهم مثلا فين درسوا في اي سنه ...اكتبيها وقت ماتسمعي باختصار بدون ماتكلمي الحروف حق الكلمه كلها عشان تلحقي تكتبي بسرعه و مايضيع الوقت
وبعد ماحيخلص الشريط حترجعي تكتبيها بدون الإختصارات(عشان كذا وانتي تكتبي الإختصارت في البدايه اكتبيها بوضوح بحيث انك لو رجعتي تفهمي اش كتبتي عشان تعدليه ) اللي سمعته من مس ريم انه الإختصارات تفيدك انتي بس وماتضيع وقتك بس هيا تبغي الإجابه في ورقة الاختبار بدون اختصارت
طبعا ماننسى انها قالت حتجيكم اسئله ع القطعه اقرؤوها قبل لاتسمعوا الشريط عشان هذا حيسهل عليكم لما حتسمعوا حتركزوا ع المطلوب من الأسئله


الريدنق
ركزوا ع الإستراتيجيات ....كيف تطلعوا الجواب من القطعه
كيف تسووا سمري والآوت لاين والميدن أيديا وبرافريز وكيف تسووا مسح للقطعه لو طلبت منك مثلا تذكري من صاحب الإقتباس عن طريق المسح تطلعي المعلومه ...(تمري بسرعه ع البراقرافات بعينك وحتطلعي الجواب بإذن الله )
لو مثلا تجيب لك ضمير من براقراف معين وتطلب منك لمين يرجع هذا الضمير ..
عموما يابنات حاولوا تركزو كمان على قطع الكتاب والأسئله ع القطع لانه ممكن تجيب منها او شي يشبهها ...

حاولوا تركزوا على التمرين اللي يطلب منك توضعي الكلمه المناسبه في الفراغ المناسب ...هذا ركزت عليه ....حاولي تعرفي الجمله اش تحتاج وهذي اتعلمناها في الإستماع والقراءه وان شاء الله يثمر فينا بس
لانه لما تعرفي الجمله اش تحتاج حتطالعي في الخيارات الموضوعه أمامك وحتقلصي الخيارات وحتعرفي انه مو اي كلمه ينفع تحطيها ومن ثم توصلي للجواب المناسب بإذن الله
وبقية التمارين اللي ركزنا عليها في الدوره التاهيليه
ولاننسى كتاب الفوكابلري اللي عليه 30 درجه ...ذاكره كله
والكلمات اللي في كتاب القراءه (الكلمات الاكاديميه )...هذه ماني عارفه اش المطلوب منها بالزبط بس اهم شي تعاريف الكلمات مو معانا ......اللي فهمت اش معانا بالزبط من كلمات الريدينق تقلنا ...يعني مثلا العكس والمرادف ...ولانراسل مس آلاء ونسألها ؟؟


بنات أنا لسا ماخلصت مذاكره بس حبيت افيدكم باللي اقدر عليه .....دعواااااتكم