شوفوا ايش وصلني على الواتس اب =) بخصوص الاختبار النهائي الحوسبه

[ೋ ĴỮṦṰ ŜḾĨŁE]

من اول احاول اتجنب اني ادخل في موضوع الجدول بس للأسف ايدي تحكني ...
بنات اعرف انكم طفشتوو ..
و يأستوو و رضيتوو بالجدول ...
بس فجأه جاتي فكره اذا مس نعيمة مو راضيه تأجل ليش ما نكلمها تقدم الاختبار الخميس الاسبوع الاول ...
ازا ما تبغوو ترا مرااا عاتي <<<لا احد ياكلنـــــي ^^
لاني بصراحه مرا خايفه من الستات و الاساليب اكتر من البرمجة و الحوسبه >>>>كف
بس واللهي أ. فريده و أ. سمر الحمد لله مرا بيشرحوا و بأمانه ...اما المواد التانيه فنحنا اللي بنبذل مجهود في المزاكرة و الفهم
,
على العموم في جميع الاحوال لازم ترضو بقسمه ربنا ما تعرفو سبحان الله يمكن بالجدول دا الاستاذات يراعونا و نجيب درجات اما لو كان عندنا وقت ممكن ما يساعدونا او ممكن يحصل شئ لا سمح الله و يضيع وقتنا في غير المزاكره ...
على العموم ازيد على كلام اختي امووله و اقول انوو لازم نقوي ايماننا بالله لانو هوا " الحكيم " و هوا " العليم " ...
فإذا نحنا كل يوم بنروح عشان العلم و عشان نخدم مجتمعنا و امتنا و نعز ديننا بالعلم ربنا بإذن لله حيساعدنا ....
.
تفائلوو و هونوها تهووووون ...
و اكثرو من الاستغفار يمكن ينفتح لنا باب و نحنا ما نعرف ...^^
و بث ..