~~ شــــــتــــــات ~~ ♥ مُصرهـ علـى قــراري ♥..

[مصره على قراري]

امس كنت في (تويز ار اص)

عشان اشتري العاب لعيال اخوي
بصراحه تفاجئه من شغله وخلتني افكر فيها للحين وبدون انقطاع

الي هي((تجسيد الخيال))

لما كنا صغار كانت العابنا محدودة الامكانات
واحنا نكملها بخيالنا

العرايس كمثال كانت ..... صامته وثابته واذا مره تطورت تمشي وتصدر صوت واحد<<اغنيه او نشيد
واحنا كنا نرسم على محدودية القدره الي فاللعبه تفاصيل اكثر
نتخيلها تبكي ونتخيل دموعها
ونتخيلها تقول ماما وبابا .... الخ

الحين العروسه تفاجئنا بقدرات مو موجوده في خيالنا اساسا

صايره تجسيد كامل لطفل حقيقي
بغض النظر عن الحكم الشرعي في ذالك

لكن الاطفال ما صار عندهم خيال
ولا يقدرون يسرحون بخيالهم ويضيفون قدرات على العابهم
هي مجسده وخالصه

خرجت من المحل بفكرتي هذي وقلت لازم اختبرها

طبعا اشتريت احد(العرائس) الفووول اوبشن <<على قولتهم

وحطيتها قدام (مرح) بنت اخوي <<راعية العود تذكرونها^_^

المهم
قلتلها مروحه هذي كيف تبكي؟؟
مسكت يدها وضغطتها..... <<ماعندها خيال اصلا يتصور الصوت الي ممكن تصدره العبه

كملنا

مروحه كيف تضحك؟؟
ضغطت اليد الثانيه .....<<نفس المشكله

مرح مشي النونو حرام ما يمشي

قالت: هو كذا ما يمشي شوفي ...... <<حتى ما حاولت تبتكر حلول عشان تمشي العروسه


وفي تفاصيل كثير لمستها عن (محدودية الخيال عند الاطفال بسبب التجسيد الكامل لخيال الطفل واكثر منه احيانا)


ما اعرف اذا كان هالشي فعلا رح يسبب مشكله للجيل الحالي
او مجرد افكار جات في بالي واعطيتها ابعاد اكبر منها


عموما مارح اهمل هالملاحظه ورح ابقى اتابعها لحد ما تظهرلي تنائج تأكدها او تنفيها

وعينات المتابعه

عيال اخواني واخواتي الله يحفظهم^^

وسوف اوافيكم بالنتائج<<اموووت انا يا مراسلة سكاو في بيتكم
ههههههههههههه

//