ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

المشاركة الأصلية كتبت بواسطة سكون الورد k.a.u يتبع ...

نكمل ...
>> يالبى اللي يطلبووون التكمله فديتهن "حبيبات قلبي"
المهم ..
صارت الساعه 5 العصر .. وتجهزنا لروحة البحر ..
وخالتي وبناتها جهزن كل شي ..
>> بغيت افزع لهن بس ماخلوني اشك خيط بإبره الله يهداهن ..
جاء ولد عمي ونادى امه . وقال : يلا يمه نادي البنات كلهن نبي نكشت للبحر ..
هو معاه سياره مدري وش قصتها بس انها كشخه ... واعجبتني
ولونها بلاتيني لؤلؤي >> وش رايك تكتبين قصيده بالسياره
جينا نبي نركب السياره ..
طبعاً ابوي قدام ..
وخالتي وبناتها الثنتين وانا ورااا >> وش هالزحمه !!
لما جينا نبي نركب .. انا ابي اركب ورااا ابوي ..
بس خالتي الله يهداها اقرب باب لها تركب معه .. وانا انجنيت وين ابي اركب ؟؟؟>> مابي وراا ولد عمي "استحي"
المهم اتفقوا علي بنات عمي يخلوني اركب "بالنص"
عاااااد لو تجتمع الانس والجن على انهم يركبوني بالنص ماركبت هههههههههههه
>> مااحب الزحمه والحشره ابدااااا ..
طبعاً انا وقفت عند الباب وعيت لا اركب .. بس ماني عنده بالضبط ..
بعيد عنه >> عند تانك البنزين ههههههه
واقول لبنت عمي اركبي انتِ .. تقولي: لا انت ِ ...
>> هي بعد مثلي ..
قام ولد عمي وقام من مكانه.. وقال لأخته : اركبي ...
قالت : لا ، خلها هي تركب ..
انا طبعاً ياجبل مايهزك ريح .. رافضه اركب ههههههههههههههه
>> لو انا منهم كان اروح واخليهن يتهاوشن
قام ولد عمي ومسك يد اخته وقالها : ياحبيبتي اركبي عيب بنت عمنا ضيفتنا .. مايصير نسوي كذا ...!
>> انتي بعد مسويه زي " ضيف وحامل بيده سيف "
>> ورااا ماركبتي وريحتي العالم !!!
>> مااقدر طبعي مااقدر اغيره
اركبت بنت عمي .. وثمن ركبت اناااا .. لما قفلت الباب ..
الا وتجيني " قَرصـــه " عند الله خبرهااا .. قسماً بالله اني بلعتها بقوه
قمت انا ومديت يدي من تحت طرحتها وشديت شعرها
هههههههههههههههههههههههههههههههههههههههههههههههههه
>> وش هالاسلوب الغير حضاري !!!
>> هل هذا اسلوب جامعيات مثقفات ؟؟!!
>> اقووول عن البربسه الزايده وكملي السالفه
وحنا ماشيين بالطريق ( رايحين للبحر ) ..
قال ابوي لبندر : بندر ياولدي انا هونت عن البحر احس ان رجليني ماعادن يشيلني ..!!
>> افاااا هذا وانت عسكري ياااا سعادة اللواء ..!!!
>> نسيت اقولكم ان ابوي ترقى منذ مبطي ..
انا حسيت ان الامر به ريبه ..
بس قلت يابنت طنشي .. لعله صازّ خخخخخخخخخخ
قال بندر : لا ياعم انت باقي شباب وتهد جبال ..
>> قل ماشاء الله عااااد هذا ابوي واخاف عليه
اذا مالك نَفس بالبحر نشوف غيره .. المهم نستانس ونغير جووو ..
وبنات عمي : ياعمي وش بلاك هذا انت طيب مافيك الا العافيه
>> وانا ساااااكته مااقدر احتسي ولا اقدر انطق لان ولد عمي موجود
>> قمت ارسلت رساله لابوي قلت فيهااا ..
{افااااا يبه اشووف ماقامت عليك رجيلاتك الا ليامني طلبت البحر !!
هذا وانت البارح عطيتني كلمه والحين رجعت فيهااا .. الوكاد انك تبي تسوي فيني مقلب بس وشووو الله العالم } !!
رنت الرساله عند ابوي .. وقبل لايشوف منهو ضحك ههههههههههههههههههه
وقال : والله اني عارف منهو اللي يراسلني الحين ههههههههههههههههههه
قال ابوي : والله ودي اروح البحر ، بس تذكرت ان بنيتي تبي تروح السكن .. من البارح وهي تبي تروح علشان تسذا انا اقول نوديها السكن ، ثم نروح حنا البحر
>> افاااااااااااااا هماني اقولكم عرفت انه يبي يسوي فيني مقلب بس ماعرفت وشوو ؟؟
>> ابووووووي واعرفه ...!
اللي ضحكني بالموضوع .. ولد عمي يقول : لاااا ياعمي اما نروح كلنا ولا لانروح
مشكوووور ياولد العم هههههههههههههه
>> الاخت اخصائيه نفسيه ومايمر عليها اي حتسي ..
قال ابوي : بندر ووجع !! انت تراددني وانا عمك الكبير ؟؟!!
قال بندر : آسف بس ياعم .... !
ابوي : اقووول اسكت وود البنت للسكن ،، ولا يكثر الهرج
>> لاااا حمش يبه ههههههههههههههههههههههههه
وفعلاً ..
مشينا لَم السكن .. ونزل ابوي علشان يسويلي الاجراءات ويدفع المبلغ ..
وبنات عمي يبن يموتن من القهر ليش ابوي وداني السكن ..
وياحرآآآآآم الكل ساكت احتراماً لابوي ..
والبنات يرسلن لي رسايل وزعلانات ..
انا طبعاً مثل ابوي .. ماابين لأي احد وضعي سواء كنت راضيه ولا منرضه
ههههههههههههه
بينت ان الأمر عاااااادي جداااااا
>> علشان ابوي لايحس انه انتصر علي هههههههههههههههههه
>> دآآآآيم في تحدي مع ابوها (الله يطول بعمره يآآآرب)
نزلت السكن .. وجاء الحارس واخذ الشنطه ..
وسلمت على خالتي والبنات وسلمت على ابوي .. ورحت
وفعلاً دخلت السكن .. وخوياتي موجودات لهن يومين ..
ورحت لغرفتي وحطيت اغراضي .. ورتبتها ...
>> قلبي حااامي مااحب اقعد كذا .. لازم اخلص اللي علي ..
فتحت شنطتي ورتبت اغراضي واكسسواري وميك آبي >> ياسلاااام على اللغه .. وكل شي يخصني ..
نويت اروح آخذ شاور ..
الا وجوالي يــــرن ...
ومكتوب : الوالد
ياهلاااااا بأبو تركي .. يالله تحيي ابووووي .. ياهلاااا ومسهلاااااا
طبعاً ابوي مايمديه يقول : الوووو
الا وانا اهلي به وارحب ..
هاه يبه اشتقت لي صح ؟؟؟ والله ادري بس عاد شنسوي تخبر عاد مستقبلي وكذااا .. الخ
>> اهآآآيط فوق راس ابوي علشان ابين له اني صامده وعادي الامر وخير ياطير مارحت البحر وش بيصير يعني ..؟؟
قام قال ابوي : اكيييييد رتبتي اغراضتس وانتهيتي منها صح ؟؟ وناويه تذاكرين .!
قلت : ايه ، خصوصاً بعد التمشيه الحلوووهـ اللي من بيت ولد عمي للسكن .. صرآآآآحه تشكر عليها ياسعادة اللواء ..
ابوي يضحك مو قادر يسكت .. وقال : اطلعي هذا حنا برااااا
قلت : والله لانك عزيز وغالي يابو تركي نبي نطلع نشوف وش عندك .. رغم ان جدولي of بس عااااد تموووون هههههههههههههههههه
قال : اطلعي وعن البربسه الزايده ههههه
وفعلاً لبست عباتي .. وطلعت ..

يتبع ...

[سكون الورد k.a.u]

المشاركة الأصلية كتبت بواسطة سكون الورد k.a.u وفعلاً لبست عباتي .. وطلعت .. يتبع ...

ركبت السيارهـ .. ونفس المكان .. ورا ولد عمي ..
عاد انا ابي ارفع عن عيوني الغطا وابي اشوف الدنيا ..
بس ماني قادره من ولد عمي .. اكيد بيشوفوني بالمرايا ..
المهم ..
اثناء ماحنا رآيحين بطريقنا للبحر .. >> مابي اقولكم اي بحر رحنا
وقف ولد عمي عند البقاله .. ونزل يجب اغراض وابوي راح معه ..
انا عاد استانست .. وفجأه بدون مااحس قلت : اشوااا فكه الحين اقدر ارفع البرقع >> وراح عن بالي أمه وخواته معي هههههههههههههههههههههههههههههههههههههههههههههههههه هههه
بس صراااحه موقف لا أحسد عليه .. قامت بنت عمي تقولي : مااالت عليك ِ .. قلت : وعليك ِ تسلمين حبيبتي >> قوية عين ههههههههههههههههه
ارجعوا وقمت غطيت عيوني بسرعه ... وهو الظاهر انه شافني وانا اغطي عيوني .. بدليل جاء يتبسم ووجه مشرق على قولة الكويتين (كنه البخت) ..
>> انا طبعاً ياجبل مايهزك ريح
وصلنا للبحر .. واللي ضحكني ان بندر يدور مكان بعيد عن الناس
هههههههههههه يعني بالله تحسب نفسك وين قاعد ؟؟ شلون تبي تلقى
مكان بعيد عن الناس بالبحر ؟؟ >> يحسب نفسه ببر القصيم ^.^
>> مافيه غير حنا والسحالي والضبان والضباع والوحوش هههههههههههههههه
>> الاخيره قويه ههههههههه
نزلنا وضبطنا الجلسه .. ونزلوا الاغراض وجلسنا وبدت السوالف والضحك .. والتريقه ..
طبعاً انا ساكته .. والمشكله اني مااحب اقعد ساكته اذا تم طرح احد المواضيع اللي تشدني .. بس شسوي
مشكلة ابوي .. اني عارفه وش يقصد بهذا كله .. بالرغم انها ماهيبـ طبايع ٍ له .. لكن له غآيه وانا كاشتفتهاااا .. واكيد انتم بعد كشفتوها مثلي
وقاموا استرسلوا بالسوالف والضحك .. وانا اسرق الضحكه سرقه .. ولا اقدر اضحك مثلهم >> ياحراااااام
وكان في نآس يمنا عائله مثلنا .. شباب وبنات وابوهم .. وامهم ..الخ
ومعهم واحد يدق عود >> يالبيه على لعب العود اموووت لاسمعت احد يلعب على العود ..
وقام يجر الألحان .. وانا استمتعت معه .. لدرجة في بنات حولنا راحوا يم اللي يدقن عود واجلسوا عندهم >> استعجب من الجرأه اللي بهالشكل !!
والشاب يدق والبنات يشجعوا .. خفت وحده منهن تقوم ترقص ..
خخخخخخخ بس اشواااا ماسووهاااا ..
طبعاً انا انطربت معهم بس من تحت البرقع ههههههههههههههه
واقول لبنات عمي .. شوفي شلون متمكن من اللعب على العود ..
وهن معاي يسمعن .. بندر ولع .. وقال : الجلسه اخربت من هالسملق
خخخخخخخخ وش رآيك ياعمي نروح لمطعم نتعشى .. ونقضي للبنات لو يبون شي ..
قال ابوي : مشينا >> وش هذا كل ماقاله بندر شي رد عليه ؟؟! ابوي الظاهر وقع تحت سحر بندر خخخخخخخ
ركبنا السياره >> طفشت من كثر مااركب بالسياره ههههههههههه
وقال ابوي : وين تبون أي مطاعم ؟؟ مكسيكيه ولا هنديه ولا لبنانيه ... الخ
انا فجأهـ قلت : يبه نبي مطعم إيطالي ...
قال بندر : اجل نتوجه لـ مطعم إل فيلاجو ..
قالت اخته : لاااااا انا ابي أكل لبناني ..
قالها : هذا حنا رايحين له هههههههههههههههههههههههههههههههههههه
>> يضحك على عقلها ههههههههههههه
انا بصراحه قعدت اضحك بصمت وهي حاسه فيني وانا اهتز من الضحك
وانقهرت وتقولي .. خلنا نرجع القصيم ان ماوريتك النجوم بعز القايله مااكون فلانه ..
قلت : اعلى مابخيلك اركبيه ههههههههههههههههههههههههههه
ومت ضحك هههههههههههههههههههههههههههههه وهي ولعت ياحراااام ههههههههههههههههههههه ..
وصلنا المطعم .. وكان بشارع فلسطين "اذا ماخانتني الذاكره كالعاده"
يتبع ....

[سكون الورد k.a.u]

المشاركة الأصلية كتبت بواسطة سكون الورد k.a.u وصلنا المطعم .. وكان بشارع فلسطين "اذا ماخانتني الذاكره كالعاده"

المشاركة الأصلية كتبت بواسطة سكون الورد k.a.u يتبع ....

وحنا بالطريق ارسلت لابوي رساله وقلت فيها ...
"يبه ، لو سمحت ابي نتعشى انا والبنات لحالنا يعني خذوا طاولتين ..
لاني ماراح اتعشى وابو الشباب معنا !!!"
هههههههههههههههههه ابوي طبعاً يضحك كالعادهـ بعد مايقرا رسالتي ..
وَلف علي وقال : منهو اللي يقوله اننا راح نتعشى على طاوله وحده ؟؟!!!
>> ياويلي ويلاهـ فضحني ابووووي قدام الربع ؟؟!!
قالت خالتي : >> أخيراً تكلمت خالتي من الصبح وهي ساكته ماغير تقولي : يابنيتي وانا خالتس >> شلون يابنيتي وانا خالتس افهم بس ؟؟؟!!! هههههههههه
اقعدي عندنا وروحي اختبري .. لاتروحين السكن .. انت ِ تبين النآس تآكل وجيهنا تاركينك بالسكن وبيت عمك مفتوح ؟؟؟
>> عآآآآآد فرصه وجاتني علشان اقلب مخططات ابوي ..خخخخخخخ
>> داااايم اقول له : يبه الله سبحانه يقول (ان كيدهن عظيم) .. فاحذر هالكيد !! بس عاد ماهو متعظ ابو تركي الغالي شنسويله عاد ؟؟
قلت : بصوت منخفض جداً .. والله ياخاله شوري بيد ابوي عندك إياهـ ، انا العبد المأمور يوديني يمين ولا شمال ماناقشته .
>> ابوووووي قام يتنحنح >> ولاتنحنح اعرف انه تضايق هههههههههههه
المشكله خالتي مااسمعتني ... والظاهر حتى ابو الشباب يبي يسمعني ..
بدليل انه قفل شباكه وخفف من سرعته >> بس على مَن ههههههههههههه
قالت خالتي : ماسمعتس وش تقولين ؟؟؟
همست بإذن بنت عمي وقلت : عيدي لها كلامي اخوتس قاط اذنه عندنا ههههههههههههههههههههههههههههه
فعلاً عادت لها السالفه .. وخالتي شبت مابينها ومابين ابوي ..
هههههههههههههههههههههههههه وانا اضحك هههههههههههههههههههههههه
>> بس اضحك بالسر ^.^
طبعاً ابوي اكبر اخوانه .. وشخصيته قويه جداً >> لايُشق له غبار ابو تركي
ولا قال : خلاص انتهى لااحد يناقشني بالموضوع مرتن ثانيه ...
معناها خلاص حط لسانك بفمك وابلع العافيه ههههههههههههههههههههههههه
وفعلاً خالتي المسكينه اسكتت وماتكلمت وانا مانيبـ قادره اسكت
هههههههههههههههههههههههههه مت من الضحك ... على منظر ابوي ..
>> المشكله ان بالي انشغل وشلون اطلع نفسي من هالموقف قدام ابوي ههههههه ، قلت لنفسي : يابنت الحين روحي تعشي وعيني من الله خير .. والوالد محلول امرهـ .. دمعتين على كسرت خاطر ويمشي الحال ههههههههههههههههههههههه
وصلنا المطعم ...




>> جبت صورة مطعم الفيلاجو من الشيخ / قوقل ....
ودخلنا المطعم >> طبعاً هو عبارهـ عن مدينه ايطاليه "عدة مطاعم ببعض"...
واختاروا لنا طاوله منزويه وبعيده عن الزحمه ويمنا طاولة ابوي وبندر ..
اخذنا المنيو .. وقعدنا نطلب ..
خالتي تسأل : عندهم اكل ٍ زين ولا خرطي ؟؟!!
قلت : لاياخالتي ماعندهم لاقرصان ولا جريش ولا هريس ولا ... الخ
قالت : اجل وشوله فاتحين ؟؟؟!!!
هههههههههههههههههههههههههههههههههههههههههههههههههه هههههههههههههههههههههههههه
قوووويه ياخالتي مرررررهـ ماتترقع عآآآآآد
هذا كلام تقولينه عآآآآد ياخالتي ..؟؟!! يلا ضحكتي البشريه عليك ِ هههههههههههههههههههههه
عاد خالتي صوتها عآلي شوي ..!! وبندر سمعها.. قال : يمه انا اختار لتس ماعليتس مالتس الا اللي يرضيتس
>> اي شخص اشوفه يدور راحة والديه ورضي فيهم "والله احترمه اشد الاحترام"
المهم .. انا لعبت بحسبة خالتي كل الجلسه .. والبنات مايردوني ولا يسكتوني >> قاعدات يضحكن معي هههههههههههههههههههههههههههههههههه
خالتي آخر شي قامت تسبنا هههههههههه >> وانا تقولي : اوريتس ان شاء الله يصير خير
>> كل البشريه تتحلف لي ،، مدري وش مسويه انا هههههههههههههههههههههههههههه
>> حرآآآآم ماسويتي شي ...
تعشينا ... وحلينا ...
وثمن روحنا وركبنا السيارهـ >> ياربي رباهـ من هالسيارهـ ماتلاحظون كل الوقت نركب وننزل من السياره هههههههههههههههههههههههه
>> بس عاد والله سيارته كشخه واعجبتني بس مااعرف وش اسمها ابسأل اخواني ^.^
وطبعاً ارسلت رساله لابوي ..
وكتبت فيها بس كلمه وحده : ( يبه )
فتح الرساله وقال : وحطبــــــــــــــــــه
>> مقهور مني لسااا ههههههههههههههههههههههههههههههههههههههه
عاد انا عارفه انه زعلان فقلت : ماله داعي اكتب له معروض خلني اجرب بكلمه وحده واشوف وش ردة فعله هههههههههههههههههههه
وفعلاً ردة فعله كالعاده ومتوقعه خخخخخخخ
قمت ارسلت له رساله ثاني مرهـ .. وقلت : مشكووور يبه .. ويلا الله يسامحك ..
هذا وانا اخر العنقود تقولي تسذا.. وتبي تسافر وتخليني هنا لحالي .. كل البنات ابوهم معهم الا انا لحالي >> ماسمعت ولا وحده ان ابوها قاعد معها كلهن بالاسكانات هههههههههههههههههههههه
حزن ابوي علي وسكت ... ههههههههههههههههههههههههههههههه
وصلوني للسكن ...
وسلمت عليهم ونزلت للسكن ....
وقالي ابوي .. بكرهـ السبت امر عليتس الصبح ان شاء الله علشان تروحين للسوبر ماركت تتقضين اللي تبينه .. لان طايرتي المغرب ان شاء الله ..
قلت : طيب
وفعلاً من ثاني يوم رحنا وجبت اللي ابيه ...
وسافر ابوي للقصيم ....
وابتلشت باختباراتي ... وانتهيت منها ...
وفي آخر يوم من اختباراتي .. جاء ابوي ورحنا لمكه ... وخذينا عمرهـ ولله الحمد ..
واستانست بالحرم >> اسعد لحظات عمري لما اكون بالحرم ..
وثمن رجعنا لجدهـ .. وكانت رحلتنا الساعه : 1:00 ص ...
ورحنا المطار ...
وسافرنا للقصيـــــــــــــــــــــــــــم
وتوته توته ... خلصت الحدوته ...