الطب .. حلمٌ تبخر وطاااار من زماان؟؟؟؟

[نوني جننووني]

هاااي ..
انا طالبة مسكينة من طالبات جامعة عزوز .. حلمي ادخل طب ,, بس اللي شايفته ان كل اللي معايا ف الكلاس ونص البنات اللي اعرفهم يبغوا طب ,, عشان كذا أحلامي تبخررت ..
بس أبغى أحد يعرف شي عن القبول ف الطب أو الأعداد المطلوبة أو الشروط أو اي شي ..
يعني في امل ولا خلاص احلم بشي تاني ,, خصوصا انو درجاتي ف الفيزيا والرياضيات احم احم الحمد لله <<< يعني زي وجهي ,, كلها c<< كمان ليا وجه ابى أدخل طب !!
المهم .. طمنوني ..
(مع العلم إنو نسبتي ف الثانوية العامة 99% واختبار القدرات 80 والتحصيلي 85 ) يعني مو معقول هذا كلو راااح بلوشي ؟؟
اتمنى تردوا عليا وتقولولي كل اللي تعرفوه ..شكرا ..

[أبـو فـيـصـل]

والله حرام وحده زيك تجيب 99 نسبه و80 قدرات و85 تحصيلي

والان تتمنى تدخل هندسه من درجاتها المتدينه

وهي المفروض تدخل طب

ظلموك وظلمونا وظلموا الكل

حسبي الله ونعم الوكيل

[HaMoDy]

بسم الله الرحمن الرحيم

نقلا عن معالي مدير الجامعه
أ.د. أسامة صادق طيب

في اللقاء الذي دعانا اليه ( طلاب السنة التحضيريه )

شروط الطب
1- معدل عام 4.5 على الاقل
2-فيزياء - كيمياء - احياء - انجليزي ( لازم الدرجات فيها +a - او حيزلو لل a , وال b+ ) يعني مفاضله
4-الثانويه العامة + القدرات + التحصيلي = هي اللي دخلتك الجامعه ( كلام معالي المدير )
يعني انتهت صلاحيتها ( كلامي )
5- التوفل غير مطلوب
6- الطاقه الاستيعابيه تقريبا 150 طالب

بالتوفيق للجميع

[بحر الغرام]

اااااااااااخ اختي لا تقلبي المواجع ..

انا نسبتي زيك بالضبط .. وحلم وانتهى ..لو اني قدمت على البعثة كنت دحين في الطب لكن قدر الله وما شاء فعل اني جيت في جامعة عزوز ..لكن مااقول غير حسبنا الله ونعم الوكيل فيهم وفي تعقيدهم


ااااااااااخ بس
الحمد الله على كل حال

[نوني جننووني]

اهئ اهئ اهئ ,, يعني خلااااااااااااااااااااص انتحر ؟؟؟
حسبي الله ونعم الوكيل ..
الله يسامح اهلي والله انقبلت ف الطب ف جامعة أم القرى ,, بس مخ !!
آآآآآآآآآآآآآآآآآآآآآآآآآآآآآآآآآآآآآآآآآآآآآخ يالقهر ..

[BaZizo]

انا حسب علمي عن موضوع الطب .. والي اتمنى اني ادخل فيه برضو ..

انو لازم يكون الاحياء والكيمياء والانجليزي a+ او a اما بالنسبة للفيزيا فهذي جديدة .. ولو كان كلام الفيزيا صحيح فحيكون صعب عليه الطب ( مو مستحيل ) لاني جايب العيد في الفيزيا

اما بالنسبة للمواد الثانية فيه ترفع المعدل فقط .. يعني بعد ما تجيبي a+ في المواد المذكورة تخشي في المنافسة على الـ 150 مقعد الي حتكون بالمعدل ..

وبالنسبة للقدرات والتحصيلي والثانوية فهذي وللاسف دخليت بيها الجامعه وراحت خلاص ..

بس اكيد اكيد اكيد حيغيرو النظام هذا لانو الدرجات مرة متدنية وحيكون في شروط ثانية انا منتظرها بفارغ الصبر ويارب تكون لصالحنا ونقدر نتوفق ونخش الطب يااارب بالتوفيق للجميع

[نوني جننووني]

طيب اخوي يعني الرياضيات والفيزيا مهي ضرورية ؟؟
لأنها كلها c << وربي اتحطمت .. أنا ممكن أشد حيلي في السمستر الجاي واجيب ان شا الله a في الاحياء والكيميا والانجلش ..
الله يريح بالك ويطمنك طمني ,, يعني في امل ؟؟ ولا أدبر نفسي من بدري واشوف لي اي صرفة ..ومشكووورين كلكم على الردود والإفادة ,

[~Sm!le ^_^ Face~]

كان الطب حلم طفولتي الجميل وكان حلم والدي وحلم اهلي في ان اصبح
دكتوره واتوضف في المستشفى اللي يشتغل ابويه فيه
ولكن السن التحضيريه حطمت كل احلامي كسرت كل مجاديفي
آآآآآآآآآآآآآآآآآىىه ياكلية الطب
وآآآآآآآه ياوالدي العزيز لم اسطع احقق حلمك
تقبلي مروري ... المتحطمه

[نوني جننووني]

عاااتي عااتي خيتو .. الحال من بعضو ..
هونيها وتهون ,, انتي كيف درجاتك ف الاحياء والكيميا والانجلش ؟؟
ان شا الله ما يضيع حلمك ,, وان شا الله نتقابل ف الطب واذكرك << هع هع مع نفسها تحسب الجامعة جامعة أبوها ..
خلاص حبيبتي لا تشيلي هم واللي فيه خير بيكتبوا الله ,, ولا تكوني محطمة بالعكس اتفائلي << في اكثر مني انا درجاتي خايسة ولسى ليا وجه أسأل عن الطب ههههههههه..
اتشرف بمعرفتك .. وياليت تقبليني اخت ليكي <<اشكيلي وابكيلك..هع هع هع

[~Sm!le ^_^ Face~]

المشاركة الأصلية كتبت بواسطة نوني جننووني عاااتي عااتي خيتو .. الحال من بعضو .. هونيها وتهون ,, انتي كيف درجاتك ف الاحياء والكيميا والانجلش ؟؟ ان شا الله ما يضيع حلمك ,, وان شا الله نتقابل ف الطب واذكرك << هع هع مع نفسها تحسب الجامعة جامعة أبوها .. خلاص حبيبتي لا تشيلي هم واللي فيه خير بيكتبوا الله ,, ولا تكوني محطمة بالعكس اتفائلي << في اكثر مني انا درجاتي خايسة ولسى ليا وجه أسأل عن الطب ههههههههه.. اتشرف بمعرفتك .. وياليت تقبليني اخت ليكي <<اشكيلي وابكيلك..هع هع هع

الله يسعك عالكلام حبيبتي
بإذن الله نتقابل في الطب
صحيح انهم حطموني بس ماراح اخليه يؤثر فيه راح احاول جاهده وبقدر المستطاع اني اجيب الفل مارك
في كل مواد خطه أ يقولوا سهله فنشد حيلنا والباقي على رب العالمين ...صح