اختيار المواد الحره ؟؟ '-'

[hot cocoa]

انا طالبة محاسبه
ومو عارفه اختار المواد الحره على اي اساس
فإيش المواد الحره الكويسه

ابغى مواد يكون فيها فهم اكتر من الحفظ
حتى لو كانت حفظ بس تعتمد على الفهم مو مشكله
يايرت تساعدوني

في بنات قالولي علم نفس وفي قالوا امومه وطفوله
او اخد فن الاقناع (مو متاكده من الاسم) او سيره نبويه 221
او اي ماده استفيييد منهاا في علم النفس او الاجتماع

ارجوا المسااعده

[CrAzY]

حبيبي اختاري مادة تضمني فيها الاي بلس .. نصييييييحة . وبصراحة ما اعرف مادة حرة في علم النفس .. بس ازا لكي في ( الفلك خديه ) ان شاء الله مضمون

....

وبليز اللي حيردووو الله يسعدكم ابغ ماده حرة مضمونة خالص خالص .. أضيفها الترم الجاي بأذن الله

[أنا وبس]

ياااااريت احد يفيدناا

؟؟؟؟؟؟

[banoota mnkoosha]

امممم انا اخدت مادة اسمها ( الارشاد والتوجيه ) من كلية الاقتصاد المنزلي مع د.منى هبد ,,,

مادة رااااااااااااائعة كلها عن الاطفال كيف تعاقبيهم وكيف تحلي مشاكلهم وخطوات التربية ... وزي كدة

حتنبسطي فيها ,, والدكتورة كمان مرة لزوزة وبالراحة تاخدي +a

[ظل الياسمين]

أنا كتبت موضوع بالعلوم عن مادة الفلك ومدحوهااا حيل
وقالوا الامتياز مضمون بهالمادة بعد عون الله واجتهادنا

والحين بعد التوجيه والارشاد جذبتني .. شكلها كيوت وأنا أحب الاطفال بعد
عاد بس عندي سؤال المادة منهجها طويل ولا لا ؟؟
لأن عقدتي النفسية المنهج الطويل إلي ماله داعي

[CrAzY]

يسعدك نكووش وسؤالك وجيه ظل الياسمين ..

يعني باين حلوة المادة .. بس كيف المنهج .. وكيف طريقة دراسته .. فيه تكاليف واجبات او اختراعات كثير ؟؟؟ وكيف طريقة الاسئلة ..

[hot cocoa]

ياقلبي عليكم

مررره شكرا

طب مادة الفلك مع مين اخدها

[banoota mnkoosha]

لا المادة قليلة حجم الكتاب زي كتب الثقافة وبعدين مع . منى لاتخافو ابدا !!
تحذف عالفاينل بس مو مرة كثير ,, واسألتها حلوة تجيب مفتوح بس اشياء سهلة ..
واهم شي تعاملها رائع ما شالله :)

ولازم تقسمو نفسكم قروبز وكل قروب يعمل بحث ؛ يعني انا وصحباتي عملنا عن العناد ...
وضروري في البحث تجيبي قطعة انجليزية لها علاقة بالموضوع ,, طبعا تكتبيها في البحث بالعربي بس بعدين تحددي لها انو دا النص مترجم وهذا الاصلي ( اللي هوا بالانجليزي ) وقتها رحنا المكتبة المركزية واخدنا كتب عربي وانجليزي :)

وكمان مرة دقيقة في الحضور والغياب ..

[banoota mnkoosha]

مادة الفلك سمعت انو الاستاذ المصري خلاص بطل يدرس ومافي الا السعودي !

اعرف وحدة اخدتها دا الترم مرة ماحمستني اخدها ...

[أنا وبس]

انا ابغى ماده حره تكون الاسئله فيها اختياري وصح وغلط

>>>>>> مافيها تداكر اوفر طفشت من المقالي

ياريت اللي تعرف تكتب كمان رقم الماده ورمزها ومع مين ؟؟