التحويل من كليه لكليه ؟

[هيفاء العتيبي]

السلام عليكم كيفكم؟

انا منتسبه بكلية الادب من اهل الرياض اروح اختبر بجده

سمعت ان الي يحول لكلية رابغ يقدر يختبر بمنطقته الي هو فيها الرياض الشرقيه القصيم من تبع كلية رابغ ممكن احد يفيدني اذا عنده اي معلومه لا تبخلوووون علي


وكيف اقدر احول ينفع عن طريق الادوس
شكرا لكم على تعاونكم

[3sola]

صح عليك ممكن تختبرين بالرياض ان شالله بس ما ينكبونا

اممم انا حولت من الادارة والاقتصاد الى كلية رابغ بعد عناء الصدق قعدوا سنة كاملة وانا اراسلهم لين حولوني اول شي ارسلت معاملاااات الكترونية لين تعبت ولا احد رد علي ارسلت لدكتور مشاط اول شي رد علي بس ما فادني بشي ارسلت للدكتور ساعاتي اللي هو عميد كلية رابغ ما رد علي ارسلت لمدير الجامعة الدكتور اسامة طيب حول الايميل لدكتور مشاط وساعاتي انتظرت شهر ما احد عطاني وجه اخر شي مرة عصبت وارسلت لمدير الجامعة انو انتو ضيعتوا علي سنة وانا انتظر وانوا انا ما طلبت الا حقي وانو خبروني اذا تبون تحولوني والا انقل لجامعة ثانية لان حرام اللي قاعدين تسوونه وكذا برضو حوله لدكتور مشاط وبعدها دخلت الاوديس لقيتهم حولوني .. اممم الصدق اختي لو انتي مشيتي يعني مستوى رابع خامس كذا كملي لان في امل يعتمدوا نظام المناطق لان كليات رابغ جديدة وعللللة ما احد يرد عليك مستحيل لو تكسري تلفوناتهم الصدق ما جربت الايميل وكذا بس انا كانت لي تجربة قريب عن معادلة المواد في مواد انا درستها بكلية الاقتصاد نفسها بالضبط حتى نفس المنهج بكلية رابغ ولما كلمت الجامعة قالوا لازم تجي الجامعة وانا من الرياض سافرت لجدة ولما رحت هناك ولاشوية تعاون قالوا لي ما لنا دخل تفاهمي مع كلية رابغ ولاني جربت كلية رابغ ما احد يرد قلت اروح رابغ دامي بالغربية ورحت رابغ تخيلي اخرتها عطوني ايميل اتواصل معهم ولي اسبوع وشوي للحين ما عادلوا لي مادتين مع ان الموضوع سهل وعندهم يعني بالعربي اقضبي قردك لو انتي عديتي كويس بالجامعة لو توك استخيري وحولي اذا تشوفين هذا انسب



معليه طولت عليك بس حبيت افيدك ولو عندك اي سؤال حاضرة

[هيفاء العتيبي]

يعطيك العافيه ماقصرت وضحتلي الفكره

اي انا مستوى خامس وتعبت من السفر والمصاريف

يعني تروح مني ساعات انا قسم دراسات اسلاميه مو نفس الخطه الي ماشيه عليها الحين

[الحمادي2009]

الله يكون بعونك اختي هيفاء

[3sola]

المشاركة الأصلية كتبت بواسطة هيفاء العتيبي يعطيك العافيه ماقصرت وضحتلي الفكره اي انا مستوى خامس وتعبت من السفر والمصاريف يعني تروح مني ساعات انا قسم دراسات اسلاميه مو نفس الخطه الي ماشيه عليها الحين

من رأيي كملي بكليتك اذا لك رغبة بالتخصص والله يعين كلها سنة باذن الله وتهون حرام تضيعي سنة عالفاضي .. ان شالله يعتمدون نظام المناطق
واستخيري وربي بيكتب لك الخير وبيخليك ترتاحين له وتسوينه

[الشاكي123]

انا بعد تعبت من السفر و المصاريف ما عاد اتحمل المفروظ كل الاقسام يكون لها اختبار مناطق جميع الجامعات يوجد بها اختبار المناطق و ببلاش الرسوم الجامعه اقل الصراحة الجامعه تتعامل مع الطلبه با أستقلال