مقبلة على خطوة جديدة ومحتاجة نصايح اخوات =)

[حربية]

مين جربت مجموعة العروسة من نكتار و تحديدا الآيس كريم ؟؟

البنات يحطوه في .... عشانه يعطي المكان ريحه و لا أروع ،، اش رايكم ؟؟



ولا أستخدم مسك عبد الصمد القرشي سواء التولــة ـ الأسود ـ

أو الأبيض ـ اللي يبشر ـ و يصير أضيفه مع موية الورد



مررررة شايلة هم هالشي

[صوت الفجر]

المشاركة الأصلية كتبت بواسطة حربية صوت الفجر : الله يسعدك في الدنيا و الآخرة .. أبغى أسألك .. نفسي أستخدم الكريم الثاني ( فلورا ) بس ما أدري لو وقفته أرجع زي ما كنت ؟ و كمان هل مكتوب عليه هو لـ ايش عشان أعرف لازم أروح بنفسي و لا عادي أوصي أخويا هههه ؟ و هل مكتوب عليه طريقة الإستخدام ولا اللي في المحل يشرحلي ؟ سألتك بالله فــادك يعني فــادك ،، مو مصدقة و مرررة مبسوطة ههههه و الله لأدعيلك ليل مع نهار ^^

//


آهلين آختي

بالنسبة لـ هل ترجعي زي اول والله مالي علم بس صاحب المحل يمدح فيه وماقال لي عيوبة
وانا مو شايفه فيه اي عيوب والله :)


لا مايشرح لك شي عادي وصي اخوانك أنا خلص من عندي ووصيت آخويا كتبت اسم الكريمات بورقة واعطيته ،،

يعلم الله انها نصيحة من آخت لـ اخواتها ولو مافادتني ماكان قلت لكم ولاكان رحت اشتريتها مره ثانية ونتايجهآ روووعــــــــــــــــــــــــــة ..

لما تشتريها وتستخدميها وتفيدك راح تفتكري كلامي هذآ



..

[arkan minsseyh]

ما أنصحك بالكريمات لان مفعولها مؤقت يعني فترة وترجعي مثل ماكنتي وممكن تعدم بشرتك وتخليها أسوأ من أول
فنصيحه مني خليك ع الاشياء الطبيعيه افضل لك
بالنسبة للجسم أستخدمي مجموعة من الصوابين توحد لون بشرتك وكمان تنعمها وتصفيها اذا كان فيها أثار حبوب أو كلف
وكمان تقدري تستمري عليها دائماً حتى بعد الزواج ومرحلة الحمل
صابونة بابايا 4 في 1
2- صابونة دوف الورديه
3- صابونة بيزيلين
4- صابونة لايفبوي
5- زيت جنين القمح
6-زيت الجلسرين
7- 2 ليمون
اولاً تبشري الصابون كُله وتنقعيها بموية ورد علبة كامله لمدة 24 ساعه
بعد كذا تخلطيها بالخلاط وتحطي معها 5 ملاعق زيت جنين القمح + 5 ملاعق زيت الجلسرين + عصير ليمونتين
اذا حسيتيها ثقيله مرا وهي في الخلاط اضيفي لها موية ورد الى ماتصير مثل كريمة الدريم ويب
لاتطلعيها وهي لسه ما اتخلطت زين لازم تكون رقيقه زي الكريم عشان ماتتعبي وانتي تستخدميها
بعد كذا حطيها في علبه واحفظيها بالثلاجه
وكل يوم قبل ماتنامي حطيها على كافة اجزاء جسمك ماعدا الوجه
وتلقائياً بيمتصها جلدك علطول واتركيها على جسمك ونامي ولما تصحي خذي شور دافي الصبح وليفي المناطق الغامقه كويس
وبعد الشور استخدمي إي لوشن مُرطب عندك مثل جيرجينز حق تفتتيح البشره او ترطيب البشره او مثل لوشن بيزيلين وعندك كمان لوشن فازيلن زبدة الكاكاو إختاري اللي يناسبك
إنتي واستمري عليها وبعد شهرين راح تلاحظي الفرق
طبعاً بالاضافه لحمام السونا مره او مرتين بالشهروطريقة السونا موجوده بالنت بس اعملي سيرش بالقوقل وتطلع لك وفيه خيمة سونا تنباع بكامل عدتها ب 150 فقط
نجي لتقشير الجسم
التقشير قبل الشور تسويه أو في نهاية الشور على راحتك وهو مره وحده كل اسبوع
وطريقتة إنك تاخذي شوية سكرمطحون مع زيت زيتون مع شوي كريم جلسوليد الاحمر تخلطيهم
وتحطيهم على جسمك بشكل متساوي وافركيه بحركات دائريه وتركزي كثير ع المناطق الغامقه وبعد كذا غسلي جسمك بماء فاتر

نجي لبشرة الوجه
تستخدمي قناع القرفه مع العسل وتحطيه على وجهك لمدة نص ساعة تعملي مساج بحركات دائريه بشكل خفيف
راح يقوم بدور التقشير والتفتيح للبشره تسويها مرتين بالاسبوع اذا كانت بشرتك مو مره تحتاج تقشير
وكمان أنصحك بقناع العسل مع الزبادي يفتح البشره وينعمها
ونفس الشيء قناع الشوفان مع العسل
إنتي شوفي اللي متوفر عندك ويناسبك وسويه بس لاتسويها يومياً حتى ماتترهل بشرة وجهك
وكلها تتركيها بعد الاستخدام نصف ساعه وتغسلي وجهك بماء فاتر
وكمان اذا تعرفي تسوي تنظيف البشره الطبيعي سويه كل شهر مره أوكي
صابونة الوجه صعبة افتي لك فيها على حسب نوع بشرتك اذا جافه او دهنيه وياليت لو تخلي دكتوره توصفها لكِ

نجي لمنطقة الأكواع والركب اذا كانت غامقه عندك إستخدمي ليمون وزيت زيتون مع ملح وافركي المناطق يومياً
خلال شهرين بيختلف لونها وبتصير لون جسمك تماماً بس لازم تستمري
وحاولي لما تصلي صلي على سجاد من اللي فيها اسفنج عشان مايخرب تعبك بعدين
بالنسبه لليد سوي لها غسول خاص
تجيبي تقشير المشمش
وصابونة دوف مبشورة
زيت جنين القمح
وزيت الجلسرين
عصير ليمونه
تخلطيهم وتحطيها بعلبة تغسلي فيها يدك وتستغني عن الصابون تماماً
راح تنعم يدك كثير وترطبها لان الصابون العادي بيجففها ويخليها منظرهآ مُرهق وشاحب
المهم اشتري لوشن اليد من فازلين لونة وردي وكل ماغسلتي يدك بالغسول اللي فوق حطي من هذا اللوشن
واذا كان عندك مناطق غامقه باليد سوي لها ليمون مع ملح وزيت وافركيها بشكل شبه يومي بعدين البسي من قفازات النايلون واتركيها على يدك بقدر ماتتحمليها لانها مُزعجه شوي وتطفش بعدين فكيها وروحي غسلي ايدك
ويدك بتصير ان شاءالله مثل القطنه من نعومتها لو استمريتي على هذا البرنامج

والأقدام نفس الحكايه بس دائماً رطبيها بالجلسوليد مع ليمون والبسي شراب الله يكرمك لما تجي تنامي
واعملي لها تقشير بالملح والزيت والليمون نفس اللي تسويه باليد والركب

الشعر :
تستخدمي زيوت اصليه من المعاصر
وافضل زيوت جربتها وللأن ماشيه عليها
زيت الأملج < يكثف الشعر ويطوله وينعمه
زيت الخروع + زيت الزيتون + زيت السمسم << يوقف تساقط الشعر
كلهم تخلطيهم بالخلاطه بعدين تحطيها بشعرك واعملي مساج لفروة الرأس
وغطي شعرك لمدة ساعه وبعدين خذي شور<< لاتتركي إي زيت بشعرك اكثر من ساعه لان بتتوسع مسامات الشعر
عندك وبيتساقط
المهم بعد هيك غسلي بشامبو الاطفال لأنه بارد ع الشعر وكمان مافيه مواد كيميائيه وهذا الكلام قاله دكتور
اخيراً تسوي الزيوت هذي لشعرك اربع ايام ورا بعض
وبعدين كل اسبوع تسويها مرتين وبعد الشور رطبي شعرك بإي كريم خفيف
وإن شاءالله تدعيلي
واخيراً انا مجربه ومُستمره على كل الاشياء اللي ذكرتها لك والنتائج روعه بس أهم شيء ماتتكاسلي وتستمري
خلال شهرين بتلاحظييييين كل شيء تغير فيك

والله يوفقك يارب ويتمم لك على خير ويسهل أمورك

[little Angel]

بنات نصيحة الليزر ماينفع للمنطقة الحساسة لأن في بنات عملوها وندموا قد شعر روؤوسهم لأن هذا الشئ أثر علي علاقتهم الزوجية مع أزواجهم فهمتوني أكيد طبعآ ...هذا بعد بحثي حصلت تجارب البنات وممكن تقولوا لا روعة ولكن هالشئ يبان عالمدي البعيد...اللهم بلغت اللهم فأشهد..

[بنت العروبه]

مساء الخير اخواتي

اسفة على الغيبة دي >>>> ظروف خاصة

الخلطات اللي كتبتها كلها جربتها سواء فيني او في احد من اهلي

بس زي ماقالو الاخوات العزيزات
الخلطات الطبيعية يبغالها مدة شوية طويلة حتى تبان نتائجها

والاشياء الطبيعية اذا ما طلعت نتيجتها ما راح تندمي لانك بدي الطريقة خليتي جسمك يسفيد ومافي اي اعراض جانبية لها

تحياتي لكم جميعا

[لصممتي حكممه]

اول شئ الف مبرووووووك الله يوفقك في حياتك ,..

بالنسبه للاشياء اللي استخدمها لنفسي كثيييييير بس للاسف مااستمر لكن اللي مررره جابت نتيجه زيت جلسرين وزيت اللوز اللي موجود حلو او مر مع ليمون طبعاالمقادير اللي يكفيك حطيها على جسمك قد ماتقدرين ساعه ساعتين جدا راائع لتوحيد اللون ,..

بخااخ موية ورد تحطينه فوق التسريحه وكل ماشفتيه بخي على وجهك يعطي نظاااره ,..

فيه كثيير اشياء لي رجعه باذن الله ,..

[حلاووووي]

أول شي ياقلبي الف مبروك شوفي ياحبيتي انا مو مخطوبة ولا مملكة لكن بقولك طريقة تتفحك ومفيدة للبشرة وهاذي الطرق من ستي الله يحفظهاا
سر من اسرار الاسبانيات والاتراك في جعل بشرتهم نضرة وخالية من الحبوووب ومشدوودة الي هو
زيت الزيتووووووووون (ستي من يوم هي صغيرة تعشق الزيت الزيتون ودايما تحكيني انها تدهن فيه جسمها ووجها والله العظيم انها ماعمرها استخدمت الة لازالة الشعر سبحان الله اصلا حتى جسمها مافيله شعر
ونصيحه مني لاتشتري كريمات ومادري كلها كذب ف كذب
2_ زبادي للوجه رووووووووعه

3_ ابعطيكي سر من اسراري (ماء الرز للبشرة روووعه يفتح الوجه (طريقته لما تغسلي الرز لاتكبي الماء احفظيها ف علبة وحطيها بالتلاجه واستخدميها كل يوم غسلي فيه ووجهك)
4- رز مطحون مع ماء ورد فظيع للوووجه
ا

[المشتاقه لخالقها]

اقرئي هذا الكتاب يكفيك

http://www.skaau.com/vb/showthread.php?t=512047

>>من تجربة شخصية ... فيه كل شئ وشامل


اتمنى لك التوفيق يالغاليه

والله يسعدك يارب فالدنياء والاخرة ياعروستنا

وبالله التووووفيق:)

[بنت العروبه]

عدت لكم بأشياء إن شاء الله تعجبكم

وبصراحة كلها مجربة

اولا:بعض الطرق لتخفيف الالم::::

1)لتخفيف الالم و ازاله الجلد الميت و الشعر الصغير جدا.....تخلطين خميره مع عسل ويخفف قليلا بماءورد وليمون...... تدهننين المنطقه الي تبغين تشيلين فيها الشعر و تتركيها الى ان تنشف وبعدين تفردين الحلاوه وتبدئين في الشيل

2)تأخذ ثلاث ملاعق سكر وتذوبها في نصفكوب ماي ......مع قرص من الخميره وتحركها جيدا وتمسح به المنطقه المطلوب ازالتها وتنتظر عليها لتجف .....بعد كذا تأخذ الحلاوه ... وتمددها على نفس المنطقه اللي سبق وطلتها و شيلي

3)و ممكن حتى لا تشعري بالالم ان تدهني المنطقة المراد نزع الشعر منها بقليل من زيت القرنفل

4)و المفاجاه هي..........معجون الاسنان!!!!!يوضع على المنطقه الحساسه او الوجه او الابط لمده 5 د .......و من ثم تمسح تماما و تجرى عمليه الازاله.........و سوف يصبح الالم لديكي ضعيف او حتى ليس له وجود



في مرة كنت اتكلم مع حرمة وقالت لي عيالي لما اجيبهم وهما اطفال قبل اروشهم اجيب حمص مطحون ومخلوط بشوية موية
اكرر هدي الخلطة كل ما تشوف نفسها فاضية
ولما يكبرو ما فيهم شعر في جسمهم
مررة عجبتني الحرمة دي