بخصوص البطايق | والبناطيل ؟! ( عنوان مبهم )

[LeLou]

السلام عليكم و رحمة الله و بركاته..
أهلين يا عسل...

معليش اسمحيلي و مع احترامي الشديد أنا شايفة أنه الموضوع مو مستاهل دا كله..

مسألة البطاقة دا نظام الجامعة و إنتِ لك فيها كم سنة و عارفة دا الشي..
أنا ريحت نفسي من دا الموضوع و اشتريت تعليقة للبطاقة و صرت ألبسها عشان مو كل شوية أطلعها..
+
بإمكانك تطلعي البطاقة و تخليها في يدك و إنت في السيارة لما توصلي قدام البوابة..
ما له داعي تستني إلين توصلي لهم بعدين تحوسي الدنيا تدوري عليها و لا عشان تطلعيها..

بالنسبة لموضوع البناطيل،، هما سمحوا بالبناطيل مع بلايز طويلة..
و هذا الشي مستور و حلو،، ليش ما نلتزم بيه..
أيام ما كانت البناطيل ممنوعة البنات كانوا يصارخوا هنا و هنا اسمحوها حتى لو مع بلايز طويلة..
و الحين انسمحت و مو عاجب برضو..
وما راح أتدخل بالحكم الشرعي لأني مو مفتية و أظن الكل عارف الحكم و كلنا كبار و عارفين أننا راح نتحاسب..
الله يهدي الجميع..

أعتذر إن كان كلامي قاسي شوية بس هذي وجهة نظري..
بالتوفيق يا حلوة||~