الخطاب الذي يتكلم عن سنة الامتياز ..

[دافئ الإحساس]

بيو قلتيلي اتصل ع هيئة الغذاء والدواء

فدقيت اليوم الين ما ردو عليا

طبعا بعد ما جننتهم اتصالات


قلتلو اش الشروط ..؟

قالي مافي شروط

قلتلو والمعدل ..

قالي لا تشيل هم .. وان شاء الله نقبل عدد كافي ووافي وكده يعني

قلتلو يعني حتى لو 1 ونص من 5

قالي المعدل يكون من 3 وفوق

طبعا دي سهــــــــلة للجميييع

لكن حاليا مافي وظايف


فسالتو متى ؟

قالي بعد 6 شهور .. قالي كده لني قلتلو اني متخرج وابا وظيفة

المهم

قلتلو قسم الكيميا الحيوي فين تقبلوهم قسم الدواء ولا الغذاء ..؟

قالي عادي ما في مشكلة

انتا قدم هنا وهنا وربك يسهلها

.......

والبنات طيب .. لهم مجال معانا يشتغلو ولا لا ..

قالي حاليا لا

بس حيكون لهم مجال

وقالي يمديهم من الان يقدمو يسير اول ما نعلن عن البنات

يكونو هما اول ما يختاروهم ..

وسالتو كم سؤال كمان وجننتو معايا وحققت معاه وخلاص

وبس ..