ابغى مساعدة بخصوص التخصص في قسم علم النفس

[lamasat]

السلام عليكم ورحمة الله


كيف حالكم ؟

اتمنى انكم بخير


أنا إن شاء الله قررت السنه الثانيه اتحول علم نفس

بس سمعت معلومه وهي ان علم النفس يأثر في الي يدرسه يعني في نفسيته وكذا مع اني كنت ماصدقها و كان هدفي من اول مادخل الجامعه علم نفس بس الله كتب ادخل دراسات واللحين سمحت لي الفرصه

رغم اني قبل كنت اتجاهل هالمعلومه اني ممكن اتأثر بالكلام مثلا الامراض النفسيه وكذا
الا اني اللحين صرت اخاف انه يأثر فيني بالذات اني من النوع الي يتأثر على بسرعه ><


فهل المعلومه صحيحه في إنه ممكن مثلا : شخص يدرس مرض نفسي ويحس ان بعض الاعراض الموجوده موجوده فيه ويتوهم انه ممكن هذا المرض النفسي موجود فيه وكذا
هذا يأثر على النفسيه؟

وهل يوجد امراض كثيره ندرسها ؟

مع اني كنت قبل مالتفت في هذي الاشياء ابدا

اتمنى تساعدوني لأن هذي مسأله قويه

[εqαά αŀώάrđ]

وعليكم السلام ورحمة الله وبركاته

حياكِ ربي اخيتي ...
اول شي هالمعلومة جدا لاتطابق الواقع :)
تأثر على نفسيتك لكن بالايجاب الا لو الشخص نفسه خلاها تأثر بالسلب ...

بالنسبة لاستفسارك
مافي أي دراسة تدرسيها ماتتأثري فيها ومنها
إما ايجابيا أو سلبيا ... حسب تقبلك للتخصص والمادة العلمية وحسب تفكيرك

بالنسبة لي أرى علم النفس تخصص جميل جدا لانه تفهمي نفسك واللي يصير حولك وتطبقيه على نفسك قبل ماتطبقيه وتمارسيه على غيرك
تتعرفي على أشياء كثيرة انتي ماتدري عنها او اننا غافلين عنها
جدا التخصص ممتع ولله الحمد ..
حتى وان درستي نظريات وكذا في اشياء بتحسي انها فيكِ لكن انتي بتتعلمي كيف التخلص و طرق المعالجة وهكذا
اضافة الى انه في الجامعة في مركز الارشاد الجامعي
يفيد الجميع دون استثناء وخاصة المتخصصين في علم النفس تقدري تروحي عندهم وتطلبي استشارات ويساعدوك بأشياء كثيرة ان شاء الله

لانك لما تتخصصي علم نفس وفي المستقبل تكوني أخصائية أو دكتورة أو مرشدة
من الأفضل انك تعيشي تجربة العملاء أو المرضى اللي حيجوك وهكذا
فلما تعيشي التجربة في مركز الارشاد مثلا حتتعرفي وتفهمي نفسك أكثر ويصبح لديك نضج اكثر
بالتالي حتتستطيعي بإذن الله انك تتغلبي على اي شي عندك
وتتأثري بالشي لكن ايجابياً ليس سلبياً بمشيئة الله ...

وأتمنى اللي عدو كثيير في التخصص يفيدونك أكثر مني لان بتكون خبرتهم اكثر

إضافة بما انك انتظام وفي الجامعة أنصحك لو تروحي المركز الارشادي تاخذي موعد مع احد الدكتورات
عندك د.اميرة النمر ،، د. نسرين يعقوب د. ليلى آل غالب والكثثثير ماتحضرني اسمائهم
أختاري أي وحده فيهم وخذي موعد وإن شاء الله ماحتندمي و تطرحي عليهم هالمشكلة
والدكتورات هناك حيساعدوك أكثر و أكثر في اختيارك للتخصص دام عندك الرغبة في علم النفس لاتترددي
وحتقدري بعد كذا تحددي رغبتك بدون عوائق

بالتوفيق

[lamasat]

جزاك الله ألف خير الله يوفقك يارب
من جد اشكرك على كلامك الطيب
جعله الله في ميزان حسناتك
وفي حفظ الله

ودي اشوف اراء كل الي داخلين علم نفس