بخصوص ابتعاث الطالبات الى بريطانيا ( موضوع مهم جدا للجميع )

[Alaa Al ghamdi]

بنات جبتلكم الخبر الاكيد بنفسي
اختارو من المتقدمات 50 بنت فقط
عملية الفرز كيف تمت؟
اولا حسب درجات الانجلش
اخذو كل اللي متوسط مجموع درجات الانجلش b وفوق

بعدين من المجموعه هذولا
اخذو اعلى 50 معدل

بكرة حنروح نستلم اوراق استمارة يعبيها او يوقعها ولي الامر(عندكم من الوحده في 420 من الساعه 8الين 1 )وكمان بكرة حيتحدد موعد المقابلة الشخصية على مجموعتين
مجموعه 25 طالبة في يوم معين
و25 الباقيين في يوم ثاني

بالنسبة للقبول
بعد المقابلة الشخصية (راح تتم مع د.غاده)
را يختارو 30 بنت اساسيين
و20 بنت الاحتياط
وعلى كلام المصدر إن الرسايل خلاص انرسلت واللي ترشحو تبلغو

راح من بالي اسال عن نقطه اذا قبلو بنات من غير دفعتنا لكن مااتوقع لانو اكبر ظلم
بكرة نسال باذن الله
وكمان بالنسبة لاختبار الانجلش فهو فعلا بس للاولاد لانهم مستوى خامس مو زينا مستوى سادس وتقول افضلكم انو ماعملنالكم ,,وفضلنا متوسط الانجلش,,

الله يكتب لنا اللي فيه الخير

شيري تسلميلي حبيبي وانا زيك والله كذا كذا ماخذه صيفي متاخرررة مرة الله يعين بس
رورو تسلميلي ياقمر

بطوطة لو منتي متاكده لسه او تعرفي احد انقبل من ال50 ومو متاكد ياريت تبلغو المسؤولين عن قراركم لان زي ماقلتلكم الخمسين اللي جتهم الرسايل كلهم داخلين 30 اساسي و20 احتياط
فلو وحده منكم خرجت حتيجي وحده بدالها تنافس عالاحتياط او الاساسي
ياريت اللي مو متاكده من وضعها تقرر قبل وقت المقابلة لان في كثير من دفعتنا يستاهلو بسم الله ماشاء الله