استفسار عن القبول بكلية الطب ساعدوني

[محمد الداود]

وعليكم السلام ورحمة الله وبركاته
ومعذرة منكم على التأخر في الرد فالمتلقى ما يدخله إلا القلة القليلة جداً من الطلاب

أول نقطة ،.
بدايةً مستوايات الانقلش اللي تدخل في حساب "أي" نسبة خاصة هيا 2 و3 و4
وحسب كل شخص من اي مستوى بدأفمثلاً بدأتي من 3
فيدخلك في معدلك 3 و4 وطبعاً ما فيها غبن وظلم على اي احد
لأن اللي بياخذوا 3 مستويات أو مستويين كحالتك ياخذوا [ المتوسط ]
فما في فرق بين اللي اخذ لفل4 فقط ، وبين اللي اخذ لفل 2،3،4
الفرق الوحيد يكون في عدد الساعات فقط

ثاني نقطة ،.
أولاً اش هيا النسبة الخاصة للطب ؟ واش موادها ؟
هيا ان يكون متوسط الدرجات في المواد
[ فيزيا + كيميا + أحيا + مستويات الانقلش اللي اخذها الطالب ] = 85 وأعلى
طيب جبت 85 وأعلى الحمدلله ،كذا أدخل في المنافسة على مقاعد الكلية
لو لاقدر الله جبت أقل من 85 ما أدخل في المنافسة أساساً >_<"

طيب اللي دخلوا في المنافسة مثلاً 300 طالب جابوا فوق 85 والكلية تبغى 200 فقط !
هنا يجي دور النسبة العامة أو الموزونة اللي هيا نسبة كل المواد
يشوفوا أعلى 200 نسبة موزونة
ويقبلوهم في الكلية :)