ارجوكم ردوٍ

[بدر العتيبي]

الله يعافيكم ممكن سؤال انا طلعت نتائج بعض المواد وللاسف رسبت هل احمل الماده ام اختبرها الترم الجاي او في الصيفيه ارجو الافاده الله لايهينكم انا طالب مستجد ولا اعرف النظام فظلا لامرإّ

[فتون القمر]

اخوي كم مادة وهل انت سنة تحضرية والنظام انك ممكن تحمل المادة الترم الجاي وتختبرها عادي وكانك تدرسها من اول وجديد ام لو سنة تحضيريه الظاهر لازم تدرسها حتى لو ترم صيفي عشان التخصص
تحياتي لك اخوي وان شاء الله موفق

[بدر العتيبي]

رسبت بمادتين للاسف وانا سنه تحضيريه

بس سؤالي هل احملها الترم الجاي

[الطامح]

تحملها الترم الجاي
وانا سمعت وماني متاكد ان الطلبة المستجدين الي يدرسون السنة التحضيرية لازم يخلصوها في 3اترام

[بدر العتيبي]

طيب اخوي الطامح الله لايقوله رسبت فيها مره اخرى اختبرها بالصيفي

[ALGNTL]

الله يوفقك لاكن الي سمعته انك تكملها في الصيف

[بدر العتيبي]

الله يعطيكم العافيه والله يعيني ويعينكم ومشكورين ولا قصرتو جميعأ

واللي عنده معلومات رجاء لايبخل ؟

[وجيـــــه]

أهم شي لا تبرد ونا خوك يعني واصل والله معاك ..
وترى اللي صار عادي لأن غالباً أول ترم يصير فيه كذا
بس كثير أعرفهم أول ترم جابو العيد ولكن من بعده
والله ما تقول إلا ما شاء الله عليه دكتور مادة ما هو طالب ..
شد حيلك وربي يبي يوفقك .. وحط عينك على المعدل
يعني لا ينزل عن 2 بأي حال من الأحوال ...
أما عن كلامك إنك جديد وما تعرف شي عن نظام الجامعه ..
أقول صدقت والله مافي أحد دخل أي جامعة بالمملكة ولقيته فاهم في أنظمتها ..
يعني لازم يطيح له كم طيحه عشان يعرف النظام ..
والعيب أكيد فينا وناخوك حنا نبي الشي جاهز ...
فالك الخير والبيرق يالذيب ...

[ماهر الوافي]

تاخذها معك الترم الجاي واذا رسبت مره ثانيه تاخذها الترم اللي بعده واذا رسبت مره ثالثه تاخذها الترم اللي بعده واذا رسبت مره رابعه تاخذها الترم اللي بعده ......... الى مالانهايه
والصيفي اذا تبي تاخذ صيفي عاد من حقك بس تدفع 3000 رسوم بس ماادري اذا السنه التحضيريه لها ترم صيفي او لا

والله يوفقك يارب

[كووودو]

مرحبا اخوي

خذها قاعدة المواد اللي تحملها نزلها بالفصل اللي بعده على طول إلا اذا كان عندك انذار أخير بالفقصل فدور غير المواد هذي ...


تحياتي لك


كووودو