[[ إضاءه مع عضو]] رحبوآ بضيفنــآ (؟؟) الحلقة الخامســة ~

[خلود 99]

يعطيك العافية صوت ...
ما عندي اي أسئلة لـ ضيفنا
اتمنى لك التوفيق اخوي

[Life as Game]

المشاركة الأصلية كتبت بواسطة o-dody-o الله الله ايش الخلفيه الحلوه دي شي يفتتتتتح النفس والله اسئلتي لصاحب الظل الطويييييييييل اول شي.. ليش مازلت تشجع الاتحاد وهوا مستواه طاااااااح جداً جداً (حتى هيا اتحاديه ولسا صابره على مستواه الميؤوس منو )؟؟

وعليكم زيو ..اهلا جزيلا

ايش تقولي بس ..وقسم بالله لو يقفلو نادي الاتي كامل ما تركت تشجيعو ..
واروح كمان اشتري كل القمصان اللي انتجوها ..
عشان مافي يوم انساه

تاني شيييي.. شوووووو رايك بفكرة انو الملاعب تسير في جزء للبنوتات الحلوات اللي زينا ...؟؟

ضد الفكرة تماما ..انا يادوب اتحمل الشباب هناك لما اروح اشجع ..
ولو مو حوب العميد ما دخلت المدرجات ..

تاااالت شيييي .. احس بصراحه صورة الادمي اللي انتا حاطو كدا كأنو واحد مو مهتم بنفسو وانسان محد يقدر يعيش معاه (اقصد مافي حرمه تقدر تعيش معاه بسبب عدم اهتمامو بنفسو) وكدا احسو كأنو حق مخدرات ...ايش اللي عاجبك في الادمي دا..؟؟ <لقااااااافه <برا

ادا قصدك الشخص اللي في التوقيع ..
اكيد مافي حورمة تبغى تعيش معاه لانو قرصان ..
فضلا ان القراصنة يعتبروا النساء وجه شؤم وما يركبوهم السفن ..
وادا ما كنتي تعرفي افلام قراصنة الكاريبي اللي هوا دا بطلها جاك سبارو ..اجالي ماشوفتي في حياتك فلم مغامرات ..
شخصية القرصان خبيثة ملعونة جدف ..ودا اللي عاجبني فيه

اما لو قصدك الشخص اللي في الرمزية ..دا جوني ديب اللي مثّل انو القرصان اللي في توقيعي..
وانا اشوفو مرة شيك ..شوفي مسكتو للسيقار و النظارة في نفس الوقت ,,
وكانت لو صورة جيدة في توقيعي زبطتها عسكريمة الله يديها الف عافية ,,بس انتهت مدتها

طبعاً طبعاً انا ما بعرفك ولا بتعرفني بس اشوفك في الرابطه دااااااايماً حتى اول انسان رحب فيا في الرابطه انتا <احسك حارس امن

مع نفسسسسك ..الله لا يقولها حارس امن ؟؟..

المهم وهدا ايش اسمو بصراحه بصراحه (عمرك فكرت تسير هكر) <متأكده انك هكر..؟؟

فكرت كتير ..والحمدلله اللي ما حقق ليا الامنية الغبية دي ,,
وانا مو هكر الله لا يقولها ,,
بس اتابع اخر اخبار الثغرات وكدا عشان احمي اجهزتي,,

بصراحه نكك مااااااررررررررره حلو .... بس ايت لعبه بالضبط بلايستيشن ولا ويييي ولا اكس بوكس ولا قيم بوي ولا ايش بالضبط..؟؟

الله يسلمك ,,

لعبة الحياة محد يقدر يختارها
والا كان اخترت اكون بريطاني ثري ..اقوم الصباح اجري في حديقتي الفاخرة ,,
وفي الظهر اتغدى مع حورمتي اللي من الطبقة المخملية زيي ,,
والعب مع اولادي شوية ,,وفي العصر اروح العب قولف ,,
وفي المغرب العب شطرنج مع اصحابي ..وفي الليل اعزف على قيتاري و ادخن السقار الفاخر,,
بعدها اخد حورمتي نروح نتعشى في مطعم فاخر ..ونسهر شوية بعدين اروح انام ,,
واكرر نفس السابق مع اختلافات بسيطة لين اموت ..

في الحقيقة انو القدر منسوج بطريقة متقنة عجيبة غريبة سبحان كاتبه
ولو كل واحد تفكر شوية في الاقدار اتحداه بعد ما يخلص ما يسجد لله اللي خلقو مسلم ,
في ابسط الحاجات ما قد فكرتي ليش الله خلقك بنت من العايلة كدا في المدينة كدا في الزمن دا ؟؟
ما قد فكرتي كيف تعرفتي على وحدة من صاحباتك وليش ما كانت وحدة غيرها ..
ما قد سألتي نفسك لو كنت تأخرت ساعة او ما حظرت المناسبة دي هل ممكن اني اتعرف على صاحبتي دي ؟؟
اوووبس سوري انا متأكد لو اكمل حاصيبك بالجنون

وووووو يارب ما تكون اسئلتي مالها داعي <برا

لا عادي ..استمتعت فيها ..
الله يحييك مرة تانية
شرفتي

المشاركة الأصلية كتبت بواسطة خلود 99 يعطيك العافية صوت ... ما عندي اي أسئلة لـ ضيفنا اتمنى لك التوفيق اخوي

امين واياك ..

شرفتي

[.,.نيــــــــــــــــــــران.,.]

المشاركة الأصلية كتبت بواسطة life as game ايوه حطوني ضيف في كرسي الاعتراف ..بس خلوني اخر واحد .. مع نفسهم والله ..نجم الوناسة يحطوه اخر واحد .. وبعدين قلت لهم لا احد يصوت ,,يعني بس عناد مو عشاني

هذا الرد ضحكني جدااا

بروح انسخ الاسئلة كلها اللي هناك احطها لك هنا تجاوب عليها >> ايش رايك في ذكائي

---

- ياترى ايش سبب الفشل اللي تتكلم عنه في أجاباتك؟؟


- مارأيك في عادات وتقاليد مجتمع المملكة العربية السعودية بشكل عام وعادات وتقاليد مجتمعك العائلي إنت بشكل خاص ؟؟


- هل أنت مع ممارسة الفتاة للرياضة ؟؟




تحياتي :)

[Life as Game]

المشاركة الأصلية كتبت بواسطة .,.نيــــــــــــــــــــران.,. هذا الرد ضحكني جدااا

الشماتة مو حلوة ,.

بروح انسخ الاسئلة كلها اللي هناك احطها لك هنا تجاوب عليها >> ايش رايك في ذكائي

كاااااك ..بإنتظارك

- ياترى ايش سبب الفشل اللي تتكلم عنه في أجاباتك؟؟

الفشل اولا ..هوا معدلي في الجامعة
اسباب الفشل مرة بسيطة..
ما ابغا ازاكر ما ابغى ما ابغى
كلها حفظ و دش كأن تخصصي احياء والا شريعة ,,تخيلي 150 سلايد لمادة وحدة في اختبار الفيرست بس ..على 15 درجة ..
عاد احسبي بقية المواد
بس يبغوني اجي اسمع عالورقة الله يهبلهم قنبلة

- مارأيك في عادات وتقاليد مجتمع المملكة العربية السعودية بشكل عام وعادات وتقاليد مجتمعك العائلي إنت بشكل خاص ؟؟

بالنسبة للمجتمع ..لو سألتي نفسك اسباب فشل وانحطاط مجتمعنا ..تلاقي السبب الرئيسي (العادات والتقاليد)
اي مشكلة تشوفيها في المجتمع حتلاقي العادات والتقاليد جذورها ..تقريبا
..
رأيي فيها واضح ..حأمسحها عن بكرة ابيها لو بيدي..يا يطبقوا الاسلام ..والا ما حيتحسن شي

طبعا ما ادعي للعلمانية لانها بالمفهوم العربي هي ( قيادة المرأة وعملها )..لكن بالمفهوم الاساسي لها افضل بكثييير من العادات والتقاليد ..

بالنسبة لعيلتنا شبه متشددين شوية ,,وانا في فلك يسبحون ..
حتى اني اسحب على صلاة العيد عشان ما اسوي الطقوس حقتهم اللي بعد الصلاة
قبل كل شي اشوف العادة دي ايش هيا من الاسلام ..اولويات ..اساسيات ..ثانويات ..غير كدا ما اعترف
اميل للفكر والمنطق,,اما علوم القبايل والشيبان ..لتذهب للجحيم

- هل أنت مع ممارسة الفتاة للرياضة ؟؟

سؤالك شامل شوية ليتك خصصتيه ..

ادا قصدك ممارسة شخصية ..نعم ..الشخص بغض النظر ذكر او انثى لازم يهتم بنفسو من جميع النواحي .
وادا قصدك منافسات و بطولات زي الغرب ..لا ..

تحياتي :)

شرفتي ,,
على فكرة كنت زمان ما افرق بينك وبين الامبراطورة و ايقاع المطر ,,