بنات مو قادره اذاكر ساعدوني

[لميندا جده]

السلام عليكم
بنات مره ماني قادره اذاكر الين دحين مافتحت ولاكتاب ومابقى شئ عالاختبارات
كل مإافتح الكتاب يجيني نوم ولاكسل ولا اسرح
والمشكله اني حامله الانجليزي وخايفه منو مره
يمديني اختم الخمس كتب بشهر وكيف ابدأ اذاكر والله مره تعبت ماكنت كذا!

[غرام جدة]

وعليكم السلام ورحمة الله وبركاته

ان شاء الله يمديكي تختميها بس اهم شي تبدأي من دحين اضغطي على نفسك وذاكري المواد اغلبها درسناها في المتوسط والثانوي انتي بس افتحي الكتب وحتلاقيها اعاده للي درستيه والانقلش اهم شي القرامر والكلمات احفظي معانيها والقطعه حتكون قدامك انتي بس تطلعي الاجوبه منها يعني حتى لو ماذاكرتيها بتعرفي تحلي لكن القرامر والكلمات لو ماذاكرتي ما حتعرفي تحلي ذاكري من الكتاب وراجعي من الملزمه واذا مافهمتي من محاضرات السنترا حملي المحاضرات المسجله وذاكري منها الله يوفقك ويسعدك

[لميندا جده]

الله يسعدك ويوفقك ياعسل
ويسهل عليا وعليك اختبارتنا

[نبيلتــ القلب والأحساس]

وعليكم السلام....
العني الشيطان وأتركي عنك الكسل والتفكير وتوكلي على ربك
وأن شاءالله مايضيع تعبك
أبدائي بالأصعب عليك ولو حددتي لكل ماده 4 او 5 ايام بأذن الله تقدري تختميها ...
ولكلــ مجتهد نصيب
واذا تبغيني أذاكر لكــ .... في الخدمه ماوراي أي شي
بالتوفيق