أبشــــــــركم فتحوا هندسة للبنات

[Waah Fdatek]

الله شي جميل .. وأخيرا فتحولنا تخصص عدل غير الطب ..

ما اتوقع انو حيكون مجال العمل نفس عمل الرجال ..
يعني مو تطلع تحت الشمس وتشتغل مع الرجال أو مع قروب مهندسين أو مهندسات ..
عاد تخيلوا بس مهندسات مجتمعات مع بعض وهاتك ي السوالف ..
فوق تأخير مشاريعنا هنا نجيب بعد ناس تأخرها زيادة ..
المهم نرجع لمحور الحديث ..
أتوقع حيكون مجال عملها مكتبي أو مجرد إشراف وهذا استبعده حاليا ..
أو ممكن تصميم مباني وأشياء زي كذا والإشراف على تنفيذها ..
وياليت لو يفتحوا هندسة كهربائية ..
والله يجنن هالتخصص .. عالأقل يكون فيه مجالات عمل أكثر ..
تخيلوا بس لو فتحوا هندسة كهربائية ..
راح يصير مجمعات خاصة للمهندسات .. وكل وحده عندها شي خربان .. شالته و ودته عند المهندسة ..
والمهندسة تفنن فيه .. مو أقعد استنى الرجال لين ما يجي ويوديه ..
هذا إن ما سحب علي وقال كلي تبن ماني موديه ..
عاد لو البنات تخصصوا في الهندسة .. راح يصير مجال التنافس قوي جدا ..
وأسعار إصلاح الاجهزة بتنخسف .. لأن البنات يبون يتكسبون ..
وراح يكون شي جدا جميل ..

ولو فتحوا هندسة معمارية أو هندسة داخلية ..
الله الله حتكون الدنيا في قمة الجمال و الروعه والرقة ..
عاد البنات مافي أحد احسن منهم في الذوق والفن و تقدير الشخصيات وفهمها ..
يعني تجيك وحده هي وزوجها وكل واحد فيهم ذوق وفكر ومنطق غيييير ..
ويقولون صممي لنا بيتنا ولا غرفة نومنا ولا أي شي ..
وهالحبايب كل واحد ناشب في فكرته إلا وإلا يسويها ..
هنا تقدر البنت تتحاور مع المهندسة بأريحية تامة ..
والرجال من الحيا بيسكت أكيد ..
بس المهندسة راح تراعي الاختلاف بينهم وتوفق وجهات النظر .. وتصمم شي غاية في الجمال ..

أقول أنا لو كملت كلام .. عادي عندي .. ترى أسهب في الكلام واسترسل ..
لو ماني خايفة اتفقش منكم .. ولا تقولون وش بلاها هالمتفلسفة قاعده على قلوبنا ..

لكن عموما مجال الهندسة جدا راااااااائع وماله حدود ..
الله يوفق الجميع ..