دورة اعداد المدربين وكيف اعرف سبب عدم قبولي في الماستر

[زعلانه :(]

السلام عليكم ورحمة الله

حبايبي وصلتني الرساله لم يتم قبولك في ماستر اداره عامه ربي كريم ينقفل باب ويفتح لنا عشر ابواب ان شالله
بس ابغى اعرف السبب عشان اقدر اصلحو المره الجايه لمن اسجل نو استسلام
يعني انا عندي كل شي كامل من ناحية الانقلش فوق الدرجه المطلوبه والقدرات كمان فوق المطلوب ومعدلي جيدجدا وبس مو طالبين دورات ف ابغى اعرف فين اطور نفسي عشان تسير فرصتي اكبر المره الجايه فهمتوني

وكمان عشان ماستر مهارات الاتصال ابغى لمن يفتحوه اكون جاهزه من مجاميعو مطلوب دورة اعداد المدربين مدري ايش بليز قولولي فين اخدها وكدا يعني

وشكرا جزيلا

[mazen7610]

[shada_Ak]

المشاركة الأصلية كتبت بواسطة زعلانه :( السلام عليكم ورحمة الله حبايبي وصلتني الرساله لم يتم قبولك في ماستر اداره عامه ربي كريم ينقفل باب ويفتح لنا عشر ابواب ان شالله بس ابغى اعرف السبب عشان اقدر اصلحو المره الجايه لمن اسجل نو استسلام يعني انا عندي كل شي كامل من ناحية الانقلش فوق الدرجه المطلوبه والقدرات كمان فوق المطلوب ومعدلي جيدجدا وبس مو طالبين دورات ف ابغى اعرف فين اطور نفسي عشان تسير فرصتي اكبر المره الجايه فهمتوني وكمان عشان ماستر مهارات الاتصال ابغى لمن يفتحوه اكون جاهزه من مجاميعو مطلوب دورة اعداد المدربين مدري ايش بليز قولولي فين اخدها وكدا يعني وشكرا جزيلا

ربنا يعوضك بخير واحسن

ممكن يكون مش تخصصك الاساسي

وزي ما قلتي ربي كريم لمن يتقفل باب يفتحلنا عشره غيرو واحسن

[بيلف]

من نفس المركز أخذتها هالدورة ب 600 ريال!!!

[mazen7610]

المشاركة الأصلية كتبت بواسطة بيلف من نفس المركز أخذتها هالدورة ب 600 ريال!!!

معقوله , فرق السعر مره كبير

حاب أستفسر متى أخذتيها و هل هو نفس المدرب

لأني بآخذ الدورة معاهم و من كثر ما دورت في مراكز التدريب
يعتبر هذا السعر مقبول .

و شكراً

[عماد الحسن]

عليكم السلام ورحمة الله ونرحب بكم في المنتدى

الله يعوضكم خير لعدم القبول وهذا نصيبكم في التقديم الحالي
عدد كبير من الطلاب تم قبولهم وعدد أكبر لم يكن لهم نصيب في هذه الفترة

في بعض الأقسام كان العدد المتقدم كبير والمطلوب عدد بسيط
لمعرفة ترتيبك في الاحتياط يجب مراجعة الكلية والأمل موجود إن شاء الله.

أما دورة المدربين فهي تعتبر مكسب كبير لكم في كل الأحوال
انصحكم بدراستها في أي مركز علماً بأن عندي بحمد الله ستة دورات مدربين
بعضها ترشحت لها من العمل وبعضها حضرتها بمبلغ 5000 و4000 ريال
أما مركز الفلق فهو ممتاز ويمكن الدراسة فيه مع محاولة الحصول على التخفيض منهم
ولا أنسى أن أشكر أخي مازن وبقية المشاركين في الموضوع.

[mazen7610]

الله يعطيك العافية أستاذ عماد
و جزاك الله ألف خير

[باحثة للعلم]

السلام عليكم ورحمة الله وبركاته

الله يوفقك بالنسبة لدورة اعداد مدربين افضل من يقدمها الان بالسعودية المهندس سمير بنتن والدكتور علوي عطرجي بشهادة اى مركز اسالى وشوفى خاصه الناس الا يعرف في مجال التدريب ولهم وقت طويل هذان افضل من الجميع مع احترامى وتقديرى لكل وشكرا

[زعلانه :(]

شكرا لكل اللي ردو عليا بس 3500 مررررره كثير خصوصا اننا عاطلين يعني ولا حافز يغطيها ان شالله انها بعد شهرين اكون جمعت وشكرا

[أبوهمام]

أخذتها فمكة مركز إبداع الأصيل 1450
وانا من جدة ولكن كانت الأرخص
طبعاً لب الدورة واحد ولكن تفرق
بما يضاف لها من المحاضر وعدد الساعات
والشهادات الإضافية الا الحقيبة واحدة
فأنصحك شوفي ارخصهم لمجرد استيفاء
الشرط الجامعي اما في حالة الرغبة في
ممارسة التدريب فمالك غير بنتن او الدوسي
ع فكرة كانت 5 ايام ب25 ساعه
ونص العالم حضرت يومين بس
كذلك أنصحك بموقع مجلة تطوير الذات
وعندك الشيخ قوقل والله مايقصر
بس حطي اسم الدورة.......