ليش التخصص مرتبط بالمعدل ؟؟!!

[Engr.Sam]

المشاركة الأصلية كتبت بواسطة قسوة زمن ّ~ ! يا عزيزي هناك فرق بين من يريد ان يعلم الطلاب , و من يريد ان يتحداهم بدون ذكر اسماء , أحد دكاترة الماتلاب كان يوبخ احد الطلاب و يقول "انت مبرمج و يجب عليك ان تتعامل مع اي برنامج تواجهه" . كلامه سليم و لكن المشكلة في ان التعامل مع الطلاب سيء , مش بالطريقة هذي تعلم الطالب ابدا , الطالب يحتاج التى صقل و تمرين و تدريب حتى يتقن , لا يمكن أبدا ان يتعلم اي شخص بدون اخطاء بل ان الخطأ هو اساس التعلم فكلام الدكتور سيء و ينبئ عن تحدي !

ياعزيزي انت جبتها عالجرح

انا عندي مادة 300 ليفيل هالترم ونتعامل مع اللاب بشكل أساسي ومدرس الماده يتواجد اثناء عمل اللاب ف دائما اسئله عن الصغيره والكبيره يارجل حتى اسئله كيف تلون الرسم البياني يعني هو يجي من الوضع الافتراضي أزرق انا اقوله لا ابيه اسود وابي اتفنن فيه ماقالي مو لازم ولا قالي بعديين ولا قال هالاشياء مو مهمه قال طيب
وجاني عالكمبيوتر الي انا اشتغل عليه
سو كذا ثم كذا وبكذا تختار هنا اللون عرض القراف ووووو
اعطاني اكثر من معلومه بسؤال واحد

للمعلوميه اصله إيراني ولكن عاش بأمريكا 20 سنه واقسم بالله العظيم ودي بعض الاحيان اجيب البعض من الشرذمه الي عندنا في الوزارات والجامعات واخليه يخيس بامريكا عشان بس يتعلم كيف يتعامل مع مختلف الاجناس والاعراق والديانات

ما أقول الا ياصبر الارض لي رجعت احس اني بأت...ل العافيه

[قسوة زمن ّ~ !]

المشاركة الأصلية كتبت بواسطة engr.sam ياعزيزي انت جبتها عالجرح انا عندي مادة 300 ليفيل هالترم ونتعامل مع اللاب بشكل أساسي ومدرس الماده يتواجد اثناء عمل اللاب ف دائما اسئله عن الصغيره والكبيره يارجل حتى اسئله كيف تلون الرسم البياني يعني هو يجي من الوضع الافتراضي أزرق انا اقوله لا ابيه اسود وابي اتفنن فيه ماقالي مو لازم ولا قالي بعديين ولا قال هالاشياء مو مهمه قال طيب وجاني عالكمبيوتر الي انا اشتغل عليه سو كذا ثم كذا وبكذا تختار هنا اللون عرض القراف ووووو اعطاني اكثر من معلومه بسؤال واحد للمعلوميه اصله إيراني ولكن عاش بأمريكا 20 سنه واقسم بالله العظيم ودي بعض الاحيان اجيب البعض من الشرذمه الي عندنا في الوزارات والجامعات واخليه يخيس بامريكا عشان بس يتعلم كيف يتعامل مع مختلف الاجناس والاعراق والديانات ما أقول الا ياصبر الارض لي رجعت احس اني بأت...ل العافيه

نصيحتي لك لا ترجع

اقسم لك بالله تعامل اقل ما يقال عنه "زبالة" مع احترامي لك و للقارئين

اليوم في اختبار الماتلاب كان مستوى الطلاب في حل الاختبار متفاوت بحسب المستوى التدريبي للدكتور تبع كل شعبة

فيه سؤال ما يحله اي شخص , يحله شخص متمرس و فاهم المادة

بعض الطلاب المتمرسين عند دكاترة كويسين أجابوا عليه , و البعض أجابوا على نصه , و البعض مو عارف اساسا عن ايش يتكلم السؤال !!

و بعض الأسئلة فيها اخطاء منطقية , و افكار ما تدري من وين تجي

مالفائدة المرجوة من هذا كله ؟ هل راح يحسن مستوى الطلاب ؟ هل التعامل بهذه الطريقة يبني مبرمجين متمكنين ام يدمر الطلاب ؟

شيء فظيع .. ابعد عن الشر و لا ترجع

[السمكري]

ههههههههههههههههههههه والله موضوع مضحك و مؤلم في نفس الوقت حبيبي للاسف هي الفكره اساساها الكم و ليس الكيف حتى لو كان على حساب جودة المخرج اللي حيكون عندك بمعنى انه شخصك الكريم عند الكليه عباره عن رقم من 5 لكن انت ايش امكانياتك ايش قدراتك ايش تحصيلك العلمي الحقيقي هذا كله ما له قيمه عندهم و الله في طلاب بمعدلات 4 و انت طالع لكن ما في راسهم علم كله بالغش و الخصوصي و التسليك لو تبغى العدل ضروري تحط الطلاب كلهم في نفس الظروف يعني مو معقول انا اخد الماده الفلانيه عند دكتور لا يشرح و لا يغرف درجات و غيري ياخدها عند شريح و لا واحد يغرف و تقارنا ببعض و مو معقول كمان اني اخذ الماده في ترم يكون فيه تعمد للترسيب او تخفيض درجات الطلاب و غيري ياخدها في ترم متساهلين فيه و يجيب درجه عاليه فين العدل في ده كله و فين العدل في انك تفتح اقسام لا لها وظائف و لا لها دعم و بامكانيات متواضعه و اقسام اخرى لها جميع ما سبق يعني و الله حرام نوويه و طيران و تعدين دول ايش فايدتهم تخيلوا يا جماعه احنا نوويه شغلنا على مفاعلات في الاخير ندرب في مستشفى و جايبين لنا دكاتره متهالكين و ظروفهم الصحيه تعبانه اية عدل تتكلموا عليه هادول المسؤولين اللي عدوا على الكليه همهم مصلحتهم ما في غير كلام و غرف من الميزانيه يرضي مين الفلوس اللي تندفع في الابيت هادي لييييييش يعني تبغوا تقنعوني انكم زي ام اي تي او كليات الهندسه اللي في امريكا اللي تصنف على مستوى العالم يا اخي و الله الواحد من قهرو ما صار عارف ايش بيقول.......

[Eng.Ashraf]

عشان يخلوك تتحسر على معدلك النازل طول فترة دراستك كنوع من العقاب

[MLR]

المشاركة الأصلية كتبت بواسطة eng.ashraf عشان يخلوك تتحسر على معدلك النازل طول فترة دراستك كنوع من العقاب

فعلا سبب منطقي يدل على سعة افق التفكير عند المهندسين

وكمان ما شاء الله عارف معدلي وعارف انه طايح !!

[السمكري]

المشاركة الأصلية كتبت بواسطة eng.ashraf عشان يخلوك تتحسر على معدلك النازل طول فترة دراستك كنوع من العقاب

ههههههههههههه و الله كلام يضحك ترى ما في شي يستاهل اننا نتحسر عليه كل شي خير ان شاء الله لكن يا حبيبي الفكره اللي احنا بندعوا لها انه الطالب لما يدخل تخصص ما يرغبه ما حيعطيك شي لا ابداع و لا اتقان و الكليه او بالاصح الوطن حيخسر شخص لو اتيحت له فرصته المناسبه لكان كسبت منه الكثير يعني المبدء المطبق هادا كلها خساره في خساره ...............
و بعدين حبيبي ترى الواحد مننا تعب 12 سنه و سهر وذاكر و اجتهد و تفوق اذا مجهود 12 سنه ده يروح في الاترام اللي قبل التخصص علشان تدني المعدل اللي بسبب ظروف قولناها قبل كده هادا قمه الظلم ..........

[MLR]

الحمدلله بعد قراءة جميع المشاركات تبين انه الكلية متخلفة وانظمتها رجعية وفعلا مافي سبب يربط التخصص بالمعدل مجرد قرارات تعسفية من اصحاب القرار

مالنا غير حسبي الله ونعم الوكيل

[Eng.Ashraf]

ردي كان من باب المزاح المسموح به شرعا .
لأني لا أرى و لا اسمع و لا احس بوجود سبب يربط التخصص بالمعدل غير المسائل التنظيمية و اختصارا لاوقات اللي ممكن يضيعها البعض في التنقل بين الاقسام , فلو بأقول شئ ما بأقول غير حسبي الله ع الظالم و المفتري