محتار في هذه التخصصات "ادارة مستشفيات ، قانون ، تربية" ؟؟ [مُع ـدل]

[Dr.Sarro]

جدن رااائع تخصص التربية الخاصة بس لازم تدعم شهادتك بالدكتوراه والماجستير فيهم ^^
ولي مستقبل ..

بالنسبة للقانون اعتقد انو للبنات لي مستقبل كبير
في تخصص قانون تجاري رائع جدن للرجال برايي ، تشتغل في شركات لحدت تكون نفسك وتفتح مكتب باسمك وزي كدا ..
التربية الخاصة والقانون كل واحد فيهم يناسب شخصية بطريقة وزاوية معينه
شوف انتا ايش ميولك ..
وايش يتناسب معاك :)
الاتنين مستقبلهم رااائع
بالنسبة لادارة المستشفيات هوا مرا حلو ...
بس دكتور الاسنان اللي كنت اروحلو زمان قال انو كان يبغا تخصص ادارة المستشفيات بس اللي حوالينو مانصحو بي لان عندنا هنا اي احد عندو شهادة في الادارة وكدا يشغلو ويحطو فيها . . .
يعني لمن سمعت دا الكلام ماعجبني

كمان على تخصص الاشعة والمختبرات ماشجعني علي يقول انو تحتاجي شهادات تخليكي المديره عليهم في القسم مو تكوني اخصائيه في .. اضافة انو الناس سارو ممكن تدخل كلية العلوم تخصص كيميا حيوية او احياء مع كم دورة وتشتغل في المختبرات
اعرف اخر كلامي مالي علاقة بموضوعك بس حبيت افيدكم باللي سمعته واعرفه ..
بالتوفيق جميعا :)