هل العباءة (موضة) او (حجاب ساتر)

[.SuperGirl]

المشاركة الأصلية كتبت بواسطة da_joker ويا اخي خلي البنت تتزين وتفرح وتتشيك وتلبس زي ما تلبس لكن بضوابطنا وتعاليمنا والعفة والستر والحياء هدي كلها من صفات المرأة المسلمة لكن ما نبغاها متحجرة فارغة فكر وعقل ان شاء الله فهمت قصدي

طيب معليش ماقلنا شي تلبس وتتشيك وتفرح على كيفها وفي بيتها بس مو قدام الخليقه

هيا الضوابط والتعلميات انها ما تخرج عن الحدود
طيب ايش الحدود؟ الحدود انها ما تتزين ولا تتشيك للرجال الاجانب صح؟
(ولا يبدين زينتهن...) و(وقرن في بيوتكن ولا تبرجن تبرج الجاهليه الاولى)
طيب بالله عليكم العبي الملونة والمزركشة واللي تلمع واللي كلها كريستالات دي مو زينة؟



شي تاني قلتو عادي لو في العزايم والسهرات بس في الاماكن العامة لا ليش؟؟
فرقت يعني؟امكن صح في السهرات اهون شوية بس برضو يعتبر تبرج
لمن تروح زواج يعني محد حيشوفها ؟ ولا ماحتمشي في الشارع؟ولا ما حتمر برجال؟


الا حتمشي يكفي من السيارة لمكان الحفل ولازم تمر برجال واحد عالاقل
اللي يقعد عند الباب ويفتحو داك مو رجال
واللي يدلك عالقاعة مو رجال
واهل الزواج اللي رايحين جايين يدخلو ويخرجو من القاعة دولا مو رجال؟

ولا عادي عشانها سهرة يجوز لها انها تتبرج؟ عشانها سهرة محد حيطل ومحد حيفتن؟؟




اشكرك صمود على الطرح الرائع