بحث مع طاهرة للي تعرف في الاكسيل تدخل ياهل الخير

[ام نيزار]

راح تفتحي الاكسل تحطي نتايج الاستبايان التلاتين للمتغير الاول والتلاتين للمتغير التاني جنب بعض
اول شي راح تطلعي المتسوسط الحسابي الانحراف التابين بيرسون وت الفروق
راح تكتبي تحت الارقام الخاصه بالعلاقه اللي هيا نتايج التلاتين طالبه للمقياس الاول وتلاتين للمقياس التاني
المتوسط وتحته الانحراف وتحته التباين اخر برسون حتكون مصطلحات تكتبيها بالانجليزي حاقولك عليها تحت
قدام كل مصطلح راح تحطي النتيجه حقته
اول شي تحددي الخليه اللي هيا المربع اللي قدام كل مصطلح قلتلك عليه وفيه حتطلعلك النتيجه
بعد ما تحددي الخليه تضغطي بس على المربع بالماوس بعدين تروحي بالماوس على نتايج العينه للمقياسين تحدديها كلها تروحي فوق في الشريط على اليسار في علامة كانها حرف e بس مقلوب هيا اخدناها في الاحصاء رمز جمع
بعدين حتلاقي المتسوط الحسابي مجرد ما تختاري وتكتبي موافق حتطلعلك النتيجه على طول في مكان الخليه اللي قلتلك علي وباقي الاساليب تطلعيها بنفس الخطوات
المتسوط الحسابي (AVERAGE)
الانحراف المعياري (STDEV)
التباين (VAR)
بيرسون PEARSON
"ت" الفروق (T) TEST
ونفس الطريقه حتتبعيها في احصاء الفروق
حتحطي نتايح المتغير اللي اخترتي تسوي عليه الفروق
حيكون تلاتين ادبي وتلاتين علمي على نفس المتغير الواحد مو زي العلاقه نتايج المتغيرين
ووتتبعي باقي الخطوات
اذا ما عرفتي ارسليلي كل الدرجات حق المتغيرين وانا اسويلك هوا