الاستاذ خالد محمود حسن القطناني " بخصوص المحاسبة الاداريه

[روقي راقي]

سمن على عسل مرورك

وليت بعض الناس تصير مثلك لانهم من كتاباتهم حرام يكون خريج ثانوي!

ماقلنا شيء للناس حرية الرأي

ولكن تقبل اراء الاخرين مسئوليه عليك مثل ماتريدهم يتقبلوا رأيك

بالتوفيق يالذة الصعود وان شاء الله الفل مارك

[روقي راقي]

ههههههههههه صدقت ي سالم ماضحكت علينا الا ابو45 صفحه

وياكم شخص راح ضحيه

[نوافــ]

ههههههههههههه لبى قلبك يالروقي

اخبرك الترم الاول شعله في المواضيع والافاده ماقصرت

واشهد لك بعد لكن الترم هذا احس انك ماسلمت هههههه امزح ..

ياطويل العمر انا حليت الاختيارات وصح وخطأ ولله الحمد يمكن جبت اغلبها صح

اما اخر صفحه اللي هي حقت الموازنه ابشرك الورقه نظيفه

كتبت فيها قانون موازنة الانتاج وشخمطت في اول فراغات جدول موازنة الانتاج

يعني عشرين درجه طايره

اصلا يوم شفت اخر صفحه بغت تدمع عيني على الورقه والله اول مره تحصل معي

رغم اني مفللت اخبطها وتمشي لكن هالترم نويت ارفع المعدل وذاكرت من قلب

الله يستر تحطيم من اولها والله يستر من الجزئي اللي يوم الربوع مافتحته بسبب المحاسبة الادارية

[يعني اني]

و الله ان الإختبار كأنه من منهج ثاني ,,, بلا سنترا بلا بطيخ

ما نقول الا حسبنا الله و نعم الوكيل

بصراحه الدكتور كأنه ما يبينا ننجح او نجيب معدل ,, مو معقول هالدش اللي كان بالأسئلة حتى الساعه و نص اللي اخذناها ما كفت

و انواع اللخبطه اليوم بالقاعات ,, لا ترتيب و لا تنظيم و على حسابنا دخلنا الاختبار على الساعه 5 و سحبوا الاوراق 6 و نص مأساة هالترم الله يستر بس تحطيم من اولها

اللهم اجرنا في مصيبتنا و اخلف لنا بخير منها

[nmj2020]

الدكتور خالد قااال ركزوووو زييين في محاظرة السنتر
بالتوفيق للجميع

[f@h@d]

السلام وصباح الخير شباب ليش odus مايفتح اليوم

[دارس1431]

وعليكم السلام ورحمة الله وبركاته


أهلاً بأخوي محمد حياك الله وعاش من شافك ^^

للأمانه الأسئله كانت صعبه وفيه ملاحظه في السنترا

إذا دخلت برقمي الجامعي على السنترا يطلع المحاضر ( محمد يوسف عزب ) وهو بنفسه يقول ذاكروا من السلايدات واللي حاب يتأكد يرجع للمحاضره الخامسه في أول الدقائق
أما إذا دخلت بـ المعرف العام (cob) يطلع المحاضر خالد القطناني ومثل ماقالوا الأخوان في المنتدى أن خالد القطناني حدد لهم ملخص من أربعين صفحه أو أكثر

وصراحه صار عندي إزدواجية هل أنا أدخل برقمي الجامعي واتابع محمد يوسف عزب وأذاكر من السلايدات او ادخل بالمعرف العام واتابع محاضرات الدكتور خالد القطناني وأذاكر من الملخص !!

على العموم معظم الأسئله كانت من خارج سلايدات الدكتور محمد يوسف عزب

أتمنى التوفيق للجميع ، والحمد لله على السلامه ياولد روق


تحيتي

[سباعي]

فديت الطله والله يالروقي عسى الله يوفقك من العام واناادعيلك بسبب الملخصات اللي نزلتها وهالحركات عالعموم والله اني جايب العيد وان الربيع العربي بيمر علينا لامحاله والله الللي يشوفنا يقول وش هالدوافير اسئله خلها على ربك بس

عسى ربي يوفقنا وياكم وجميع المسلمين

[روقي راقي]

هلا والله ي نواف

زين انك حليت انا والله احل ولا ادري وش الصح من الخطأ

الله يستر ياراجل

----------
هلا هلا بالشيخ دآرس عاشت ايامك يابعد راسي

صعبه صعبه صعبه .. انا اعرف خريج محآسبه دبلوم اختبر هالماده ويصيح!! هذا وهو سبق درس محاسبه..

التناقض دايم في الجامعه نشوفه مدري ليش كل واحد يبي يمشي رايه واسألته!!

لكن الله يصبرنا عليها ويخارجنا منها

سعدت بطلتك يابعدي


-------
هلا هلا بالعم سباعي حيوه

الله يسلمك ويقبل دعاك ولك بالمثل ان شاء الله

الله يستر من هالربيـع بدآل مايصير فالمدير صآر فآلطآلب :*)

[ابو ريفاد]

انا نزلت مذكرة ب 88 صفحة وجت أكثر الأسئلة منها وهي نفس ما كان الدكتور خالد يحاضر منها وحتى يوم كلمته بالجوال قال ركز على المذكرة ونبهت في اكثر من موضوع في هذا المنتدى ان المذكرة القديمة فيها نقص كثير وكم شخص راسلني ونزلت له المذكرة وإلي ما هو مصدق يرجع للمذكرة سؤال هامش الأمان والسؤال الأخير بالأضافة إلى سؤال حجم المبيعات نفس ما هو موجد في المذكرة وبنفس الأرقام

والله يوفق الجميع في بقية المواد