تجارب و خبرة الطالبات مع أعضاء هيئة التدريس (ضبطي جدولك معانا و ارتاحي )

[charming lady]

المشاركة الأصلية كتبت بواسطة روحي لها جنحان... بنات تكفــــــــــــــــــــون اللي عنده فكرة عن هالمواد الله يوفقكم لا يبخل علينا بحوث عمليات ادارة استراتيجية ادارة اعمال دولية وايش تنصحوني آخذ من مواد التخصص مواضيع متقدمة والا ادارة قواعد بيانات ؟؟؟؟؟؟؟؟ تكفون ابي معلومات مفصلــــــــــــــــــــة مابي انخم واتورط مثل ما تورطنا بتحليل وتصميم مع هشام كتوعة ؟؟؟؟؟؟؟؟؟؟؟؟؟؟ مشكووووووووورين مقدما

حبيبتي سبق ورديت على وحده من البنات عن نفس المواد اللي تبغيها..شيكي على الصفحات اللي قبل

بحوث عمليات.. انا اخذتها مع امل تركستاني..شرحها كويس بس سريعه شويه.. مدري انا حسيت كدا..طبعا المذاكره من محاضراتها وانا عندي ملزمه لو حابه تاخذيها وتصوريها ماعندي اي مشكله والشهاده لله اني ذاكرة منها في الفاينل..لانه اصلا هيا نفس محاضراتها بالزبط..بالنسبه لاختباراتها عندها دوري اول وتاني من 20 درجه وتديكي واجبات طول السمستر عليها 5 درجات و واجب من النت واحد عليه 5 درجات ودوره اكسل عليها 10 درجات وبسسسسسسسسس..طبعا الحضور ضروري لانها تنزل حرمان ترا فأنتبهي

نصيحه لوجه الله.. الماده هذي بالذات ماهي صعبه لكن لو غبتي فيها راح تحسي نفسك ضايعه..لذلك لا تغيبي ابدا وذاكري اول بأول..هذا الشي اللي ندمانه عليه الى الان لاني ماشديت حيلي من البدايه فيها


اداره استراتيجيه.. خذيها مع غاده بفلح
اختبارين دوري اول وتاني عليهم 20 درجه وبحث عن شركه عليه اظن 10 درجات وحضور ومشاركه عليها 10 درجات.. والماده نظري مافيها اي شي عملي

ادارة اعمال دوليه.. لسه مااخذتها.. ان شاءالله السمستر دا


نجي لأسألتي انا

ابغى اعرف عن مادة مشاريع صغيره.. اخدها مع مين ؟؟؟ وكيف اسلوب الاستاذه ؟ وطريقة اسألتها كمان
انا سمعت عن استاذه عايشه الحسيني بس مااعرف كيف اسلوبها ابدااااااااااا.. اذا في وحده تعرفها او سمعت عنها ياليت تفيدني