| مواقفكم في الإختبـآرات |

[Aishah AL-farhah]

-

الاختبار : دوري
المادة : علم الصوتيات
الأستاذة : من النوع الي ماينفع معها يمه ارحميني
الحدث : إثارة شغب داخل القاعة
مسبب الحدث : فار
الشرداة الوحيدة اللي نطت من فوق الكرسي ونوتها شردة وحطت رجلها وورقة الاختبار بيدها " عائشة " الي هي محدثتكم

طبعًا أنا شفت البنات يتقافزون على كراسيهم ، ومدري وش السالفة ، يوم طالعت بجهتهم شفت شي منطلق عليّ عاد وش هو مدري من سرعته ما قدرت أميز إلا أنه شيء كبير منطلق عليّ ، المهم إن صار فيني فجعتين ، الأولى يوم شفت البنات يتقافزون ويصرخون والثانية يوم شفت هالشيء منطلق بسرعة 300 جهتي ، وكانت النتيجة شردة ألييييمة

لكن الأستاذة صرخت صرخة مدوّية خلتني أستوعب وضعي قبل ما أكمل الشردة ، وأوقف شوي وأشوف إن الهرجة فيها فار ، وهالفار شارد شردة أكبر من شردتي ثم رجعت لمكاني وأنا منحرجة كثييييير لأني الوحيدة الي شردت الباقيات صرخوا ورفعوا أرجولهم على الكراسي وبس

نعيش وناكل غيرها

[عموريAHLI]

هههه الله يهديك ياصقر

صراحة كل مواقفي تختص بالغش

في الصراحة راحة

ليلة سعيدة للأهلاوييين :)

[TURKI ALharbi]

من المواقف كان جنبي طالب باختبار العربي اظن او الثقافه
بسنه التحضيريه طبعا الطالب من القماعه اياهم خخخخخ << احد فهم
بعد ماوقع بورقه الحضور للاختبار قريت الاسم الا اشوف بنهايه الاسم ال سعود
المهم كنا نختبر والولد يغش فمسكو مراقب سعودي وقله اجيب لك ورقه جديده تختبر فيها
او محضر غش فالولد رفض الفكرتين وقال ماعملت شيء المهم المراقب شال الورقه وراح
مرت 5 دقايق مر الدكتور المسؤال عن القاعه ( مصري ) وسال الطالب فين ورقتو
الولد طلع بطاقته الشخصيه وراها الدكتور وقله ماعملت شيء بس هو سحبها
قام الدكتور بسرعه راح وجاب للولد نفس ورقتو خخخخخخخخخخخخخخ اظن حللو بقيه الاسئله كمان
صقيقي الى جنبي يقول لو كنا انا ولا انتا كان تلاقيهم مدبسيينا بكبرنا بمحضر للغش

[زمردة 2009]

آخ لاأنسى ...!

كان علينا إختبار وذاك اليوم طبعاً مواصله الحمدلله خلصت بسرعه لأني ماعاد أقاووم وأصك القلم وأحط راسي

كنت بس أبي أحط راسي وفجأه نمــت ..! بل وحلمت أيضاً ..!

من الطبيعي والذي لا يخفى عليكم إن الشخص أثناء نومه يتقلب ..!

الحلم كان بعد قووي وهو كأنه راح علي الإختبار وأنا قاعده أركككض ..!

تفاعلت مع الحلم وأنا بالقاعه فجأه قمت مسرعه وطربق راسي يخبط بالماصه ...آآآي

حزتها استوعبت إن السالفه حلم وأطالع إلا خلق الله متششققه من الضحك لاوأنا أقول ماعندهم سالفه ..!! >والله من قوة الفشله

[اميرة جده*]

ههههههههههههههههه


يااا اني مت من الضحك وربي مواقفكم وناسه


انا مايحضرني موقف مريت فيه
بس دايما اجي بمزاج زفت واعصاب مشدوده واحس اني مسبهه ومفهيه

كذا طبعي ,,

[غزاله ومايصيدونها]

هههههههههههههااا مواقفككم حلوه
انا موقفي مولم جدااا
اما عاد انا بسنه تحضيريه جا امتحان رياضيات
ومزاكره اخر مزاكره والا ادخل قاعه اشوف وحده تقرب لي
واردد في نفسسي ياليل مطولكـ الحين بتنشب وفعلا نشبت لي
وتوزعت اوراق واحل وهاذي غزاله ترفس رجالها بضهري سوال اول مدري وش
وانا طناش ماعرفت اركز جلسست ابكي جات دكتوره تقولي وش فيكـ
قلت ممكن تنقليني من مكاني مو عارفه اركز
وطلعت من امتحان زفت زفت ماعرفت احل
والقى هالنشبه وراي تقولي مالت خايفه ع ورقتكـ حسستيني انكـ مصريه
نرفزتني بغيت اتهور واضربها مسكت نفسسي ومشيت
انا وين وهي وغشش وين
وبنهايه حملتها يااني كرهت هالادميه من قلبي

الله لايحط مسلم بمحل مثله تعبي راح ع فاضضي بسبت هالعله

[* تركي *]

/




- طَيب. أنا ما سَبق قَبل هـَ المرة وَ غشيت أبد ، بعيد عَن الحرام أو الحَلال .. مدري الشغلة مَادخلت مزاجي . المهم ، صَورت كَم صَفحة بـ الآيفون وَ دخلت الإختبار ، حَطيته ع الصامت وَ فتحت القفل الآلي وَ أخفضت من السطوع وَ حطيته بـ وسط ثوبي فـ (اللاب). رغم إن الإختبار (أوبن بووك) إلا إن أغلب الكلاس غشاشين خَلاص إيدهم تحكهم 12 سنة من الغش المتواصل وَالله لو نجيب لهم الحل بـ ورقة مع الأسئلة مايطلون إلا بـ براشيمهم هههه. أما الفطاحلة فـ الغش فـ هذول بـ الخلف حيل. المهم ، كان المراقب (هندي) وَ الهنود أذكيا يلقطون أي شيء بـ هـ النظرات ، شافني وَ شفته ، عين بـ عين ، يفكر وَ أنا أفكر ، واقف ابعيد بدون ملامح يروّع وَ أنا حاولت أجمد بـ ملامحي لكن مافيه إلا وإيدي تتحرك بدون ماشعر أخذت الجوال وَرجعته بـ الجيب . بعدها صَار يحوم حولي مَا خلاني أحل عدل :( ، راح الإختبار وَ راح جوالي وَ رحت أنا وَجبت 2 من 10 . عوضت كل شيء بـ الدوري الي بعده وَ وداعية لـ الغش الي مَا أعرفله وَ لا يعرفلي !












::

[ارتويتك عشقا]

المشاركة الأصلية كتبت بواسطة غزاله ومايصيدونها هههههههههههههااا مواقفككم حلوه انا موقفي مولم جدااا اما عاد انا بسنه تحضيريه جا امتحان رياضيات ومزاكره اخر مزاكره والا ادخل قاعه اشوف وحده تقرب لي واردد في نفسسي ياليل مطولكـ الحين بتنشب وفعلا نشبت لي وتوزعت اوراق واحل وهاذي غزاله ترفس رجالها بضهري سوال اول مدري وش وانا طناش ماعرفت اركز جلسست ابكي جات دكتوره تقولي وش فيكـ قلت ممكن تنقليني من مكاني مو عارفه اركز وطلعت من امتحان زفت زفت ماعرفت احل والقى هالنشبه وراي تقولي مالت خايفه ع ورقتكـ حسستيني انكـ مصريه نرفزتني بغيت اتهور واضربها مسكت نفسسي ومشيت انا وين وهي وغشش وين وبنهايه حملتها يااني كرهت هالادميه من قلبي الله لايحط مسلم بمحل مثله تعبي راح ع فاضضي بسبت هالعله

له له حملتي المــآده من هالشيء

يَ الله من هالحركآت آوكِ آنــآ مَصرية وآنتِ وش ترجعين بـَ الله ؟!

آنآ كذآآ بالثآنوي كنت مآآغش بس آغشش <<

عـآد آخر سنة معدت آعطي آحد وجه لـآني لو سهرت هم نآيمين<<

بس لمن آحس آنهــآ مسكينه كنت آرحمهــآ هههه<<مَ غير وحده بثلـآث سنين نفسهــآ ورآي

بس الجآمعة خلـآص حركآت مفترض مآتنعــآد

ربي يعينك يَ قممري ,,

بس عندي سؤال<<مو بمحله

الحين إلي يحمل مآده وش يصير فيه ؟!

بشكل عـآم يرجع يآخذهـآ ولـآ كآنه صـآر شيء ؟

والله يسهل آمرك غزآلتي

..

يسلمووو صقققر :)

لي بــآك آكيد :$

[خلود 99]

المشاركة الأصلية كتبت بواسطة ارتويتك عشقا بس عندي سؤال<<مو بمحله الحين إلي يحمل مآده وش يصير فيه ؟! بشكل عـآم يرجع يآخذهـآ ولـآ كآنه صـآر شيء ؟

ايوا ترجعي تأخذيها عادي

[ارتويتك عشقا]

قصدت مو كذآ لآنه آكيد يرجع يآخذهــآ<<آشوف الي حوولي

قصصصدي درجته,معدله !

لو فرضـآً حملهـآ المره الآولى والثآنيه آخذ a+ ؟!

فيه فرق ؟!

ولآ ينزل المعدل !