ل كل الطلاب والطالبات ما قبل التخرج والتخرج

[loly]

السلام عليكم
ما أدري كيف أبدا موضوعي
بس مافي أحد رح يعرف يرد على اللي في بالي غيركم


انا مستوى سادس يعني كمان باقيلي 4 مستويات
لكن المشكله معدلي من دحين بدا ينزل يعني بدا على 3

وانا من خلال دراستي في الحاسب شفت انه في ناس ظالمين كتتتتتتتير والله
اللي ترسب البنات واللي تعطي على سؤال صفر عشان البنت حلت السؤال في الخلف
واللي تجيب أسئلة من برا الكتاب
واغيرها كتييييييييييير

وجاتني فكره
والفكره

ايش رايكم أحول من الحاسب والله حرام أيامي تضيع على الفاضي وأذاكر وأتعب وفي النهايه ألقى ظلم ما يعلم بيه غير الله

ولا أكمل و معدلي بيرتفع والمواد الجايه أسهل ولا كيف

ولا العب في الخطة و أغير المواد عشان ارفع المعدل ؟؟ وهل لو لعبت في الحطة رح أندم ولا عادي ؟

أبغى رايكم وتجاربكم بصراحه

يعني المفروض ايش اعمل
انا حابه الحاسب وبأذاكر والله وأتعب نفسي لكن ظلم

يعني صحباتي في باقي الأقسام ينامو وما يذاكرو ويعطوهم ملازم إلا احنا ويراعوهم
ماأبغى أخد صدقة من حد بس أبغى الحق


ولا تبخلو عليا بالردود



شكرا ً

[Silent Hill]

اختي والله كلنا بنعاني..والصبر مفتاح الفرج..

صدقيني لو تحاولي تروحي لمكاتبهم وتلزقي فيهم وتكثري بالاسئله عليهم..

ويكونو عارفين اسمك وتكوني دايم بالمحاظره في الصف الاول تفرق كثير مثل هالامور..

بس الظاهر ان النظام عندكم مو زي العيال..

مافي تقدير ابد للي بيجتهد بناء على الي بشوفه من ردود البنات..

ورأيي لك ولاتفكري انك تحولي نهائيا..

بداية الفشل موضوع انك تحول من قسم لاخر بعد مادرست فيه كذا ماده..

بالعكس خليه دافع لك وحاولي وصدقيني الله مابيضيع تعبك...

انا عانيت بالبدايه بس الحمد لله حاليا معدلي فوق 4 بفضل من الله ثم بفضل العزيمه..

ولاتحسبي انو لازم الواحد يقطع نفسه بالمذاكره لا والله..

انا عادي جدا ان لم اكن مهمل بس اهم شي ياخذو فكره حلوه عنك الي بيدرسوك..

بتفرق في الدرجه حتى لو خبصت في الاختبارات..

بس نصيحه من اخو وشفت تجارب ناس كثير يحولون ويقعدو طول العمر وهما من قسم لقسم..

لاتحولي واذكري الله..والله يوفقك يارب..

[كرزه]

لا تشكيلي فأبكيلك
يا قلبي وانا كمـــــــــــــــــــــــــــــان معدلي مدحدر بسرعه جنوووونية نحو 3 ومو عااااااااارفه ايش اسووووووي
ابغى ابكي ويا ويلي من ابووي لو يدري ح يبهدلنـــــــــــــي
مع اني اذاكر ومقطعه حيلي بالمذاكره بس ما ادري ايش السوااااااااااااااات << مع هذا كله والله ما جااء على بالي احوووووووووووول لقسم تاني
ماهمني المعدل قد ما يهمني اني اتعلم شي احبه ... وشوكرا

[صٍعٍـ آلمٍـزآٍجٍ ـٍب]

نصيحه اختي لاتفكري في التحويل

وشدي حيلك والله يوفقك ان شاء الله

[Nosa]

والله زي ما قالوا كلنا بنعاااااني .. بس الحمد لله على كل حال

المشاركة الأصلية كتبت بواسطة loly وانا من خلال دراستي في الحاسب شفت انه في ناس ظالمين كتتتتتتتير والله اللي ترسب البنات واللي تعطي على سؤال صفر عشان البنت حلت السؤال في الخلف واللي تجيب أسئلة من برا الكتاب واغيرها كتييييييييييير

ترا كلنا مرينا بدا الشي واسوأ كماان!!
اللي بتحط سؤال وتطلع هيا نفسها مو عارفة اجابته!!
واذا لسه ما اخدتي مع الهاشمي حتشوفي هوا كمان كيف اسلوووبه صعب!! يا تحلي السؤال كله صح او تاخدي صفر!! والاسئلة مو على قد الوقت!!
والي وهيا بتصحح بتجلس تقيس من اجابة البنت وتتخييل ازا كانت فاهمة او لا .. بعدين تحط الدرجة على دا الاساس!!
واشياء عجيييييبة كتيير
مو قصدي اخوفك او احطمك .. بس لازم تكوني قووية وواثقة من ربك اولا انه ما حيضيع تعبك
ومن نفسك ثانيا انه ما تسمحي لاحد ياثر عليكي دامك فاهمة وبتسوي كل اللي عليكي

المشاركة الأصلية كتبت بواسطة silent hill صدقيني لو تحاولي تروحي لمكاتبهم وتلزقي فيهم وتكثري بالاسئله عليهم.. ويكونو عارفين اسمك وتكوني دايم بالمحاظره في الصف الاول تفرق كثير مثل هالامور.. بس الظاهر ان النظام عندكم مو زي العيال.. مافي تقدير ابد للي بيجتهد بناء على الي بشوفه من ردود البنات..

ترا في ناس عندنا يجوا بدا الاسلووب واكيد قد مروا عليكي!! حتى لو جبتي العيد وهيا تعرفك انك مجتهدة .. رح ترفعك .. ترا بيحطوا الدرجات من راسهم!!
وفي ناس اخدت معاهم 100 ولا هم داريين عني ولا عن شي!!
وفي ناس ما تاخدي الا اللي جبتيه لو مين ما كنتي!!
وفي ناس ما تاخدي الا اللي هما يبغوه لو اش ما جبتي

اولا واخيرا انتي لازم تسوي اللي عليكي .. وشوفي كل وحدة كيف تجي ومشي حياتك -_-

المشاركة الأصلية كتبت بواسطة silent hill بداية الفشل موضوع انك تحول من قسم لاخر بعد مادرست فيه كذا ماده.. بالعكس خليه دافع لك وحاولي وصدقيني الله مابيضيع تعبك...

من جد والله!!
نصيحة من قلب لا تضيعي نفسك بالتحوييل

لا تسمعي من احد ولا تسمعي لكلام البنات
ازا بنات جابوا احسن منك في مادة مو معناه انه هما احسن منك!
وازا ما مشيوا في مادة مو معناه انك برضو ماحتقدري تمشي فيها!
الناس قدرات .. واللي فشلوا فيه ممكن تبدعي فيه والعكس

خلي دا الشي تحدي ليكي وانتي قده باذن الله

اتمنى ربي يختارلك اللي فيه الخير .. وازا تحتاجي اي مساعدة في شي لا تترددي

[d7ommy]

المشكلة المعدل في اولسنتين ينزل ويطلع بسرعة مرة
ومن تالت سنة يبدأ يطلع وينزل بشويش والله قهر
يعني اهم شي تزبطي معدلك من البداية

[loly]

مررررررررررره شكرا ً لكل اللي ردو عليا ,, وشكرا ً عشان خليتيوني أشيل فكره التحويل من راسي
بس محد قلي كيف رح يترفع معدلي يعني ألعب في الخطة ولا بلاااااااااااش ؟؟

[dr.yaser]

ما يفرق اللعب في الخطة من عدمه في رفع المعدل ..
ألعبي زي ما تبغي .. بس أهم شي .. لا تاخدي مادة إلا لما تتأكدي إنك أخدتي متطلبها .. لا تاخدي مادة برمجة المستوى الثالث مثلا بدون إنك تاخدي المستوى الثاني ..
وبالتوفيق إن شاء الله ..

[Nosa]

والله ما انصحك تلعبي بالخطة لانك ما حتستفيدي شي
وعندنا مشددين مو زي عند الطلاب
اللي مو على الخطة ينعدوا على الاصابع .. يا بتكون محولة او حاملة مادة
غير كدا ما تقدر الا بصعوبة
ولو ما كنتي على الخطة رح تتعبي بعدين معاهم في ترتيب مواعيد الامتحان والمحاضرات وتسليم المشاريع ووو ...
فبلاش تدخلي معاهم في وجع قلب

دا رأيي وانتي استخيري وشوفي اللي يناسبك :)

[mind glance]

كويس انك شلتي فكرة التحويل من القسم
طالما انت حبيتي الحاسب...توكلي على الله وكملي طريقك

وزي ما يقولوا
خلي الاستاذة تعرفك
اجلسيلها في الصفوف الاولى في المحاضرة وشاركي وناقشي واسألي
وروحيلهم الساعات المكتبية << صح ما اعملها لكني مؤمنة انها مفيدة جداً

بالنسبة للخطة
انصحك مثل ما نصحتك نوسا
لا تلعبي فيها
هم البنات اللي على الخطة وبالقوة ممشين حالهم
اذا غيرتي رح تتعبي في تضارب مواعيد المحاضرات وتسليم المشاريع
وان كان كله تعب في تعب...لكن الموت مع الجماعة رحمة زي ما يقولوا
وعموماً عندنا مشددين...غالبا ما تقدري تلعبي كثير في جدولك