بحوث العمليات جريدة عكاظ

[الحوووووووووووت]

هلا وغلا فيكم يا اخوان بالنسبة لهذا الموضوع كثر الكلام عنه ولكن زبدة الموضوع ان الدكتور وقهر انه دكتور والمفروض يستحي على وجهه دكتور اكاديمي واخطاء في تخصصه والله اني اشوف انها صعبة وفضيحه بالنسبة له وهذا ليس تقليل من حجمه كونه دكتور قديم ولكن هذي الحقيقة وللأسف كان غبي لأنه حط نفسه في موقف لا يحسد عليه وتسبب في احراج نفسه وتقليل شأنه امام زملائه الدكاتره وكذلك الطلاب وهذا يدل على انه مستهتر بالمادة وغير مبالي ولا يحترم عقل الطالب ولا يحترم المادة ولكن الادريسي انسان احتقر نفسه قبل ما يحتقره الطلاب والأدها من ذلك طالع على الطاوله بكل ثقه وبرود ويناقض نفسه اي دكتور واي احترام واي مادة الادريسي ترك بصمة عاااار في تاريخ الجامعة بتخبطاته الغبيه بفرد عضلاته على اقل منه مستوى تعليمي في رأيه وان هذا الصمود امام المادة الغثيثه سوف تدفعه للشهره وفعلاً ولكن بطريقه بيرت التي عكست اتجاه شهرته المشؤمه ..

[farashdi]

اولا: الله يوفقكم ويعينكم وينجحكم في هالماده وتعدون فيها ياااارب

ثانيا: انا اخذت هالمادة في الترم الصيفي وكانت عند الدكتور الحركان،، صحيح اني حرمت نفسي في رمضان من اشياء واجد ومدرس وزحمه وقلق ومصاريف الجامعة والسكن والمواصلات واجازة على حسابي الخاص لان الترم الصيفي ما يعطوني اجازة اختبارات ولا لقيت حجز من الشرقية وجيت بر الى جده ولكن الله يسرها بأسئلة كانت في قمة السهولة وصدقوني يوم شفت الاسئلة تحسفت اني جبت مدرس حتى السمبلكس ما جابها بالاختبار الا بكم فقرة نظرية فقط والله اني دعيت للدكتور في الحرم على ما شفته من تسهيل بالاختبار

ثالثا: حنا طلاب الانتساب نعاني وكثر الله خيرنا ان عندنا الرغبة بمواصلة التعليم على ظروفنا الصعبة مسؤوليات اسره ومحكومين في عمل والراتب يالله يغطي مصاريفنا واخرتها نلقى هالمعاملة من بعض الدكاترة وبعدين مادة مثل بحوث العمليات مادة صعبة من الاساس يعني لو الدكتور صعب اختبار في مادة نظرية وقراءة يمكن امشيها لانها ما تعتمد على فهم بس بحوث عمليات الواحد ما يوصل لقاعة الاختبار يختبرها الا جته الوسوسة وصار راسه كله سمبلكس وشجره ويجي دكتور بكل برود ينسف مجهوداتك،، الاحتجاج اشوفه من كل الطلاب اللي اختبروا ودام الطلاب اجمعوا معناته فيه شي غلط يجب على عميد الجامعة انه يقف على هالمشكلة مهوب طالب او طالبين انت قاعد تتكلم عن 1700 طالب،،

رابعاً: دعواتي لكم الله يعديلكم هالمادة على خير ونصيحة من اخوكم المواد اللي زي كذا خلها ترم صيفي اذا بتقدر تضغط على نفسك وتفتك منها ترا الصيفي يالربع يفكك من بلاوي، وتكون الاسئلة سهله والدكاتره يبون يخلصون ويمشون مالهم بوجع الراس


اخيرا

دمتم بود والله يحفظكم ويرعاكم وينجحكم

اخوكم فايز

[FCB]

العتريسي جاب العيد بدري