كل من لديه خبرة في بحث وتدريب يفيدنا مشكوراً

[قيثارة الأمل]

المشاركة الأصلية كتبت بواسطة الماسه انا نفس الوضع وابي اعرف وش رايكم في د. خديجة الضباب لقيت اسمها نازل في الادوس تعطي بحث وتدريب وبالنسبة للتدريب وين الاماكن المقترحة لتخصص موارد بشرية وهل اتدرب قبل الدورة التاهيله ولا لازم بعد لان مافي وقت وانا في ترم التخرج وعندي مواد كثيرة

هلا بك أختي ..

بالنسبة لخديجة أنا زيك أخذت معاها مادتين ومرة ممتازة وأخذت معاها درجات

عالية الحمدلله وكان نازل لي بحث وتدريب معاها

بس سمعت أنها جداً مُملة في البحث ترفع ضغطك وتحب تتفلسف وتبين انها فاهمة

وهيا مو دارية عن الدنيا تخليكي تكره البحث وإلي أخترع البحث

بس في الدرحات كويسة .. غيرت شعبتي بعدها :)

أما أماكن التدريب / شركات وبنوك ومستشفيات ومدارس بس مو الكل يرضوا بالمدارس ..

بالنسبة لوقت التدريب لازم أول تاخذي ورقة موجهه من الجامعة لمكان التدريب بعد ماتاخذي

موافقة من مكان التدريب على أنك تدربي عندهم .. وورقتين تانية تكون فيها اسم الاستاذة

يعني لازم أول تعرفي استاذتك وشعبتك

موفقة يالغلا :)

[قيثارة الأمل]

المشاركة الأصلية كتبت بواسطة charming lady والله يبغالنا نسأل كتير بالموضوع دا المشكله اني سمعت انه كل استاذه تاخذ البنات اللي بتخصصها.. يعني.. استاذات التسويق ياخدو بنات التسويق.. واستاذات موارد بشريه ياخدو مو ارد بشريه.. ونظم معلومات كذلك ياليت احد يفيدنا

هلا فيك ..

ايوة صح يعني يحطوا استاذات معينات لكل تخصص ..

بس مثلاً يكون عندك في تخصص الموارد البشرية 5 استاذات تختاري إلي يناسبك منهم وهيك :)



بالتوفيق ياقمر

[غدا نلتقي]

للرفع

[الماسه]

المشاركة الأصلية كتبت بواسطة غدا نلتقي الماسة .. لوسمحتي..مع مين أختي نظام سياسي؟؟وكيف أسئلة الامتحان؟؟

اخذته مع د. زينب والاسئلة مره حلوة والمنهج جدا مبسط والدرجات ولا احلى

[الماسه]

المشاركة الأصلية كتبت بواسطة قيثارة الأمل هلا بك أختي .. بالنسبة لخديجة أنا زيك أخذت معاها مادتين ومرة ممتازة وأخذت معاها درجات عالية الحمدلله وكان نازل لي بحث وتدريب معاها بس سمعت أنها جداً مُملة في البحث ترفع ضغطك وتحب تتفلسف وتبين انها فاهمة وهيا مو دارية عن الدنيا تخليكي تكره البحث وإلي أخترع البحث بس في الدرحات كويسة .. غيرت شعبتي بعدها :) أما أماكن التدريب / شركات وبنوك ومستشفيات ومدارس بس مو الكل يرضوا بالمدارس .. بالنسبة لوقت التدريب لازم أول تاخذي ورقة موجهه من الجامعة لمكان التدريب بعد ماتاخذي موافقة من مكان التدريب على أنك تدربي عندهم .. وورقتين تانية تكون فيها اسم الاستاذة يعني لازم أول تعرفي استاذتك وشعبتك موفقة يالغلا :)

طيب انتي اخذتي المادة مع مين وفين تدربتي وكيف المادة فيها اختبار ولا بس بحث وخلاص ؟

[غدا نلتقي]

للرفع

[مشبب العمري]

السلام عليكم ورحمة الله

بالنسبة لنا الطلاب تقابلي الدكتور ويتم تحديد موضوع البحث وبعد ذلك يتم ارسال خطة البحث ( مثل الفهرس ) وبعد ذلك يتم كتابة البحث ويتم ارسالة الى الدكتور مع الفلاش مموري او السي دي اللي مكتوب علية البحث هذا اللي سار معي مع الدكتور الحبيب الطيب ( احمد زينه )

فية موضوع يوضح كيفية كتابة البحث وكذلك هاني عرب منزل بحثة في المنتدى استخدمي خاصية البحث وان شاء الله تحصلين ما تبحثين عنه

وبالتوفيق للجميع

مشبب العمري - الدمام

[قيثارة الأمل]

المشاركة الأصلية كتبت بواسطة الماسه طيب انتي اخذتي المادة مع مين وفين تدربتي وكيف المادة فيها اختبار ولا بس بحث وخلاص ؟

أنا أخذتها مع حياة صوفي .. وتدربت في مستشفى .. كنت في بنك الأهلي وقالوا لي أكتفينا

بعدها رحت المستشفى وتدربت فيه .. مافي أي إختبار في المادة بس تقديم تقرير .. بس ظلمتني

في الدرجة :)

موفقة أختي

[غدا نلتقي]

الله يبارك فيكم ويوفقكم يارب...

[الماسه]

مشكورة يا قيثاره الامل

انا في بالي شركة معينه ..

بس ودي اخص من التدريب قبل ايام الضغط الدراسي والمشكلة ما ينزل اسماء الدكتورات الا متاخر