افيدوني

[مجـــرد حلـــم]

سؤالي بعيد كليآ عن الموضوعات المطروحة في المنتدى في هذا الوقت
بس أحتاج من يفيدني
سؤالي
هل أقدر أحضر محاضرات الانتساب من جالكسي تاب أو من الآي باد؟؟
حابه أشتري واحد وأبغى أتأكد عشان يصير أسهل و أخف من الابتوب
؟؟
مشكوريين مقدمآآ

[❤ α̲и̲єєи̲]

اهلين مجرد

اممم بالنسبة للايباد ماتقدري تحضري السنترا جربت
باكثر من متصفح والنتيجه واحدة انوو يستحيل تشغيلهاا

بس تقدري تشغلي محاضرات تحمليها من الموقع التاني الي فيه محاضرات
بس العملية مو مباشرة بالايباد
تحملي المحاضرات ع الاب وتحولي صيغة الفيديوو لام بي فور او ava
او كثيير صيغ يقبلهاا الايباد وتنقليها من الاب
لاحد برامج الايباد الي تستخدميهاا

العملية مممرا سسهلة بس بالكلام تبين طويلة
لوو حبيتي اشرحها لك بالصور
بسس اهم ششي انو يكون ففيه لاب


بالنسبة للسنترا تقدري تشغليهاا بطريقة ربط الايباد باللابتوب
فيه كم برنامج يعملوو كـ ريموت ديسك توب
وجربت الطريقة هادي اناا واشتغلت

في كل الحالات لازم اللابتوب يكون موجود كوسيط

وملفات البي دي اف والكتب والوورد والباور بوينت كلها تشتغل ع الايباد
وهادا اهم ششي عندي لاني من الناس الي مايسمعو السنترا
ولا المحاضرات بسس كانت مغامرات واحاول اشغلها

الجالكسي تاب برضوو مايشغل محاضرات السنترا جربت بنفسي
المشكله تتعلق في ان السنترا تتطلب الجافا
والجافا الي في الاجهزة اللوحية مختلفة تمامًا

نتطلع ان يتم النظر لهذا الموضوع من قبل الجامعة مستقبلًا
لان اغلب الجامعات يستخدمو البلاك بورد مو السنترا
والبلاك بورد موجود ع الايباد والايفون كمان وفيه كمان برنامج
ثاني حملته فيه اغلب جامعات المملكه بس جامعتنا للاسف مافي

ان ششاءالله في المستقبل يحلو الازمة هادي

>< كثثرت كلاام ادري بسس هوا يجي كدا هههه
مع الحماس

ان ششاءالله اكون افدتك

[مجـــرد حلـــم]

مشكووووووووووووورة حبيبتي
كفيتي ووفيتي
الله يعطيكك العاااافية ي رب

نتطلع ان يتم النظر لهذا الموضوع من قبل الجامعة مستقبلًا لان اغلب الجامعات يستخدمو البلاك بورد مو السنترا والبلاك بورد موجود ع الايباد والايفون كمان وفيه كمان برنامج ثاني حملته فيه اغلب جامعات المملكه بس جامعتنا للاسف مافي ان ششاءالله في المستقبل يحلو الازمة هادي

من جدد ي ليت بصير الوضع أخف وأمتع من الابتوب

[❤ α̲и̲єєи̲]

ايواا اخف بكثيير واريح

حتى انا كنت احاول ان يشتغل عليه
عشان اغير من حياتي
واسير اسمع المحاضرات
ولكن للاسف م اشتغلت
وانا تكاسلت اسمع المسجلة الي في الموقع التاني

وخلصت التحضيرية وانا يمكن ماحضرت فيها الا محاضرتين

بس الحمدلله والشكر عدت على خير ♥

مموفقه ي ررب