مدة اصدار اخلاء الطرف

[crowzing]

سلام عليكم حبيت أسأل لو أنا أبغا أخرج من الجامعة وأبغا أقدم بعثة أنا عارف أنه لازم أجيب اخلاء طرف
طيب اخلاء الطرف لو أبغا أجيبه في اي مكان من الجامعة يكون؟
وكم المدة اللي ياخذها علشان يصدر؟
ياليت تفيدوني وشكرا

[su1tan]

وعليكم السلام ورحمة الله وبركاته

اول شي الله يوفقك ان شاء الله فالبعثة ويبعد عنك كل شر ويوفق لك كل خير
بالنسبة لسؤالك عن اخلاء الطرف ان شاء الله ما ياخذ وقت يعني تقريبا 2-3 ساعات وانت مغلق
تروح لعمادة القبول والتسجيل ويعطيك ورقة تروح تختمها من كم جهة فالجامعة وترجع لهم ويعطونك ورقة موقعة من العميد ومختومة والله معاك ان شاء الله

[crowzing]

واو
والله فاجأتني ههههههههههههه
كيف عرفت اني ابغا اروح بعثة؟
احب أشكر اهتمامك ويارب تتوفق في تخصصك
على فكرة أنا انقبلت في البترول والمعادن وارامكو بس ما ابغا اروحهم ابغا طب ان شاء الله
المشكلة داحين لازم اجيب منهم اخلاء طرف ولا لا؟ وانا كنت ارسلت لأرامكو صورة من الشهادة الاصل
داحين ايش اسوي؟ هههههه سامحني انا ما أعرف شي لسع طازة
ولو ابغا اضمن اني هدخل طب في البعثة ايش اسوي؟ هم يحددو من المقابلة الشخصية ولا ايش؟
وانا اسمع أنها 5 سنوات بس هي من جد كدا؟ يعني معروف ان الطب 7 سنوات ليش للبعثة 5 سنوات؟ وايش الفرق؟
وشكرا

[su1tan]

المشاركة الأصلية كتبت بواسطة crowzing واو والله فاجأتني ههههههههههههه كيف عرفت اني ابغا اروح بعثة؟ احب أشكر اهتمامك ويارب تتوفق في تخصصك على فكرة أنا انقبلت في البترول والمعادن وارامكو بس ما ابغا اروحهم ابغا طب ان شاء الله المشكلة داحين لازم اجيب منهم اخلاء طرف ولا لا؟ وانا كنت ارسلت لأرامكو صورة من الشهادة الاصل داحين ايش اسوي؟ هههههه سامحني انا ما أعرف شي لسع طازة ولو ابغا اضمن اني هدخل طب في البعثة ايش اسوي؟ هم يحددو من المقابلة الشخصية ولا ايش؟ وانا اسمع أنها 5 سنوات بس هي من جد كدا؟ يعني معروف ان الطب 7 سنوات ليش للبعثة 5 سنوات؟ وايش الفرق؟ وشكرا

هههههههههههههه كيف عرفت يعني اكيد العصفورة علمتني لا امزح حبيبي لكن انت كاتب انك تبي تقدم على البعثة اما سؤالك عن لازم تاخذ ورقة اخلاء طرف ولا لا اكيد لازم لان اصلا اي جامعة او بعثة اذا شافت الشهادة مختومة تطلب من ورقة اخلاء الطرف لان تثبت انك خلاص امورك منتهية من جامعة عزوز اما الاسئلة الباقية والله ودي افيدك لكن ما افهم في هالشغلات لكن ان شاء الله يفيدونك الطيبين

[crowzing]

والله مخي ضرب هههههههه
انا علشان ناسي الدنيا ومشغل السماعات عالأغاني ومنسجم معاها ممكن بسببها نسيت هههههههه
طيب شكرا أخي الله لا يحرمنا منك
وعلى فكرة انا ولد مو بنت هذا الحساب مشترك بيني وبين أختي بس انا دايمن اقعد عليه ههههههههههه
ياليت اذا احد من المشرفين شاف تعليقي يعدل الجنس حقي
وشكرا مرة ثانية :)

[ريتشارد]

المشاركة الأصلية كتبت بواسطة crowzing ولو ابغا اضمن اني هدخل طب في البعثة ايش اسوي؟ هم يحددو من المقابلة الشخصية ولا ايش؟ وانا اسمع أنها 5 سنوات بس هي من جد كدا؟ يعني معروف ان الطب 7 سنوات ليش للبعثة 5 سنوات؟ وايش الفرق؟ وشكرا

خمس سنوات فين والعالم نآيمين
الدول الاوروبية والامريكية والكندية
من اشد الدول المعقدة في دراسة الطب
دراسة الطب في كندا ممكن توصل 10 سنوات
سنة لغة + 3 سنوات تتخصص في كُلية علوم ( احياء ، كيمياء ، فيزياء إلخ .. )
او في الـ
Health Science +إذا حصلت قبول ( 5 سنوات طب ) + سنة إمتياز

بس قبل يقبولك لازم تأخذ درجة عالية جدا في الايلتس او التوفل
وتأخذ درجة عالية في إختبار MCAT
( يقيس قدراتك وهو اختبار لطلاب الطب وحتى امريكا ما تهون عن كندا عندها هذا الإختبار )
وبعدين في كندا احد الشروط بالقبول ان الطالب يكون كندي
او تكون امه كندية او شيء زي كذا المهم يعني مو فريش بلود
ويتركوا مقاعد محدودة جدا جدا للأجانب ،
تسألني مين الاجانب ؟ ياباني امريكي هندي باكتستاني سعودي مصري إلخ ..
انا سمعت في 2010 ان السعودية تعاقدت مع جامعات كندية لتوفير مقاعد
بس ما اعتقد تكون الا للزمالة وهكا


شطحة عشان تستفيد
اخوي تجاوز الشروط بجدارة وقدم على جامعة دالهاوسي في كندا
وجامعتين كمان ما تحضرني اسمائهم وما حصل قبول
بعدها اضطر يدرس طب في المانيا ، نظامهم بالقبول اسهل
بس الدراسة باللغة الالمانية ، إذا حالتك المادية ممتازة قدم عليها
عندك كمان الصين دراسة الطب رخييييصة مقارنة بكندا وامريكا والدراسة بالانجليزي

طبعا ما ادري اذا برنامج الابتعاث يرسل الطلاب هذي الدول حاول تشيك على موقعهم ،
عن نفسي اخترت الطريق المختصر ..
طب في جامعتنا
والزمالة والتخصص إن شاء الله اتزوج واكمل برا ، هذا اسهل وافضل طريق في نظري


طبعا ما يزعلك كلامي أعلاه
انا مااقصد اثبط من عزيمتك معاذ الله
بس إذا تبغى تحقق حلمك لازم تكون واعي بالطريق اللي حتمشي فيه
فكر بكل الخيارات اللي تقدر عليها
وخلي دراسة الطب بالسعوية واحد من خياراتك
لأن البكالوريوس م حتفرق اخذتها هنا ولا برا

موفق ..

[noonz]

المشاركة الأصلية كتبت بواسطة crowzing ولو ابغا اضمن اني هدخل طب في البعثة ايش اسوي؟ هم يحددو من المقابلة الشخصية ولا ايش؟

حجاوبك بما أني كنت ناوية عالبعثة السنة اللي فاتت !
كانو مشترطين للتخصصات الطبية أنو تكون 80+ سواء فالقدرات أو التحصيلي
وتكون نسبتك فالثانوية ماتقل عن 90
وكمان الايلتس لازم تكون جايب درجة معينة 4.5 أو 5 آي ثينك :/
يعني في دا الرينج
والمحرم بالنسبة للفتاة :/

دي الشروط اللي فاكرتها يمكن دي السنة يغيروا فيها أو تبقى على حالها !
موّفق إن شاء الله