الي بيسألو كتير عن ال cpr اتفضلو معايا هنا

[Dr.Passed]

السلام عليكم

كتير بيسأل عن ال CPR دحين وناس مستجدين لازم تاخد الكورس و شايله هم ( موضوع فعلا بسيط ان شالله )حاولت اشفلكم اشياء في النت و ابحث وكده وانا صراحه كان نفسي نسوي دوره هنا نفتح موضوع ونسوي دوره أونلاين بس كتيره المواضيع شويه يبالها شغل و انا مره مشغوله دحين الا ازا في دكاتره هنا ماخده الكورس وحابين نقسم المهام والمواضيع و بعدين نجمعها ونزلها بحيث نشرح للمستجدين شرح متكامل حيكون مجهود يستحق صراحه ....غير كده ازا لسا تبغو انا أحاول جاهده اني اسوي الموضوع هادا بس حآخد وقت

حاليا حابه انو المستجدين يطلعو على دا الرابط حسيت انو ازا انقرأ بتمعن و تركيز حيفيدكم مره قبل ماتخشو الدوره ...اتفضلو
http://www.choa.org/health-professio...date_2010.ashx

وعادي أقرو وكده و ازا تبغو تسألو اسألو و إحنا نحاول نلتم ونجاوبكم بالي نقدر عليه

هادا الي طلع معايا من نتائج البحث حاليا

[Dr.Passed]

http://www.choa.org/health-professio...date_2010.ashx

[Dr.Passed]

يا جماعه الرابط يفتح و لا لأ؟ :/
مهو راضي يحمل على الجهاز عشان ارفع الpdf على طول ...شوفو يفتح؟

[متخرجة مع مرتبة الشرف..]

الدوره جدا سهله انا حصلت عليها قبل سنه
موفقين

[Dr.Passed]

كمان ازا حابين عندي ال CPR حق المجتمع حلو تقرو ( بس مهو موسع) برضو استنو عليا أحاول اعمل scan

[Dr . B E B O]

يب يب دكتور باااسد
يفتح الرابط مريت ع السريع كدا
مرااا ظريف و بسيط و كمان
الصور تقرب الفكرة
يعطيكي الصحة

[Dr.Passed]

بيبو اهلا بيكي =)

طيب كويس

[ζ ـــږۉف الـتـ’ـمـيـــزْ]

يعطيك العافيه

يادكتوره

جاري القراءه

[moleta]

جزاكم الله خير وربنا يديكم العافية يارب

[sara g]

الله يسعدك يا دكتورة ان شاء الله اروق عليه واقرأه الله يعطيك الصحة والعافية