المكياج

[Alaa Al ghamdi]

ياعسل
بالنسبة لتنظيف الوجه بالبخار
الهدف منو انو تفتحي المسام وتتنظف البشره بعدين تقفلي المسام

اول حاجه لازم بشرتك تكون نظيفة من المكياج

استخدمي اي غسول للبشرة عندك عشان تنظف البشرة

بعدين استخدمي مقشر للوجه
عشان تحركي الدورة الدمويه وتفتحي المسمام

اذا ماعندك مقشر (من الصيدليه)

خذي شوية سكر وحطي عليه شوية زيت زيتون
وحطي على وجهك ورقبتك وافركي بطريقة دائرية بشويش مو بقوة

بعدين غسليه ونظفي وجهك

بكذا تكوني جهزتي بشرتك للبخار

اغلي موية شرب

وحطي عليها شوية موية ورد او كم ورقة نعناع
وبعدين عرضي وجهك ورقبتك للبخار
وغطي بمنشفة عشان البخار مايطلع
خليكي لمده 10 دقايق او ربع ساعه
اذا حسيتي انك انكتمتي افتحي المنشفة ثاوني بعدين ارجعي غطيها

بعد الربع ساعه
حتكون بشرتك عرقت
خذي قطنه وامسحي رقبتك ووجهك
بعدين اذا عندك ابرة الرؤوس السودا(من الصيدليه)استعمليها عشان تنظفي بشترك من الرؤوس السودا
هذي صورتها


لو ماعندك عادي لفي على اصبعك السبابه في يدينك الثنتين منديل ونظفي الرؤوس السواد بشويش بس مو الحبوب
انتبهي عشان مايصير في اثار حبوب في وجهك
‫,,,,,‬
بعد ماتخلصي تنظيف
غسلي وجهك سريع بموية بارد عشان تقفلي المسام
بعدين حطي قناع على وجهك ورقبتك
اي قناع من الصيدليه او دوري في النت على اقنعه طبيعيه تنعمل في البيت
وبعدين لمن ينشف القناع غسلي وجهك ومرري على بشرتك قطعه ثلج
بعدين خليكي كذا تقريبا نص ساعه
بدون كريم مرطب

بعدين خلاص عادي حطي اي كريم مرطب على وجهك ورقبتك
وانتهينا

حاولت اشرح بالتفصيل
لو عندك حاجه اسالي ياعسل..

[توووbearooيتي]

المشاركة الأصلية كتبت بواسطة حفيده الرسول يعطيكى الف عافيه يا أحلى توووbearooيتي ويع ـآفيك يارب ,, بس اذا تسمحيلى بكم سوال تأمري انتي من عينيآ ,, متى يفضل استخدام الاساسيات العاديه و الاساسيات اثنين فى واحد الاى قولتى عنها اتنين في واحد للزيارات وللخرجات العاديه ,, الاساس مع الباودر للمناسبات الكبيره والأماكن اللي بيكون فيها أنوار واضاءات كتيرة ,, وش البلاشر وين ينحط (مثل الظل) البلاشر هوهـ ( أحمر الخدود ) وبالنسبه للكحل يصير اعمل لونين ايوهـ تقدري متلآ تحطي جوة عينك أبيض ومن حواف الرموش أزرق ,, وش افضل لون للاضاءه افضل لون ليها ( اللولي ) والحواجن ما فى حاجه اشتريها معينه بصراحهـ الحواجب بحياتي ما أعمل فيها شي بيدي عند الكوافير وتقدري حتى انتي تعمليها عندها خليها تشقرها ليكي وتعملك صبغه ع حسب لون شعرك ادا كان اسود تصبغبها ليكي اسود وادا كان بني تعملها بني ,, بس روحي لوحده ثقه ما تخربها ليكي وتجلس تقريبا اسبوعين ,, يعني اعمليها مرتين في الشهر ,, وسوال اخير اشلون اعمل بخار تسخني مويه وتحطيها بزي الطشت صغير وتحطي فيها نص حزمه بقدونس وتبخري فيها وجهك بس انتبهي ذقنك خليه يكون للأعلى وتغطي بمنشفه وأجلسي من 10 دقايق لربع ساعه ,,, بعدها حتنفتح مسامات وجهك وجيبي من الصيدليه زي اللي قالت أختنا الاء ومشي فيها عل وجهك كولو وحتى أنفك يطلع الرؤوس السوداء والدهون المتراكمة في الوجه ,, وبعدين غسلي وجهك بموية باردة عشان تنقفل المسامات وأمسحيه بعدها بعسل طبيعي ,, وحتطلعي زي القمر ,,خليه ربع سعه نص ساعه اللي يريحك بعدين اشطفي وجهك بمويه عاديه فاترهـ لا هيا حاره ولا بارده ,, وابدأي اعملي المكياج .,,, ادرى ثقلت عليكى عادي حبيبتي لا تقاله ولاشي وآسفه بس كان عندي ظروف يوم ونص مادخلت المنتدى ,, الله يسعدك و يوفقك يا رب

وإياااااااااك يااارب ,,

[حفيده الرسول]

كنت جالسه اقلب في المواضيع الاي شاركت فيها و بصراحه و نعم الاخوات

يعطيكم العافيه حبيباتي

[حلاي من حلى روحي]

ماشاء الله تبارك الله تفاعل رائع من الاخوات ربي يجزاكم الجنه=)

تفضلي خيتو ان شاء الله تفيدك هالروابط

The first lesson of Make up♥||

The second lesson of Make up♥||

The last lesson of Make up♥||

موووفقه خيتو..

[حبي لذاتي قمة أولوياتي ~]

ترى يوتيوب فيها تعليم صوت وصورة وفيديو مررره روعة يعطيك حماس تصلحي نفسك بنفسك ~

[مى جده]

عكس التيار وانا مثلك وربي اجلس واحط مرة يظبط ومرة يخرب خخخخ واحلا شي للتعليم الى قالته الاخت التعليم من اليوتيوب ميلون مقطع يعلم وضعيت المكياج من الالف الى الياء

[توووbearooيتي]

يُؤؤؤ الموضُووعْ قدًيِمم إش مطلّعُووو

[حلاي من حلى روحي]

اهنن تويتي طالما فيه فائده للاخوات مافي مانع:)