مستجدة إدارة و اقتصاد

[girl.k.s.a]

المشاركة الأصلية كتبت بواسطة ‪ώзd‬ السلام عليكم و رحمة الله و بركاته هلا وعليكم السلام ورحمة الله وبركاته أنا قدمت حاسب رغبة أولى و ما أنقبلت و الثانية ادارة و ها أنا هنا و لله الحمد الحمدلله خيرهـ لك بإذن الرحمن وألف مبروك لك عندي شوية أستفسارات أتمنى تفيدوني أبشري بما أني ضيعت السنه الي فات و إلي قبلها في البحث عن الحاسب و اوراق الحاسب و سيديات و هكذا مآ عليك عآدي أكيد أستفدتي وأتثقفتي ما علينا , أول شيء كم نجلس مستجدين ؟ حتجلسوآ 3 سمسترات يعني سنة ونص من السمستر التالت إلى السمستر الخامس وإنتوا مستجد أعمال عام كيف حنسجل موادنا ؟ رآح ينزل لكم جدول وبعد كدآ تدخلي الأوديس <(موقع الجامعة) يصير إدآ لقيتي موآد مآ عجبك وقتها تحذفيها وتضيفي الوقت البديل بس لآزم تركزي وتنتبهي إنو الشُعب دائما تكون (فُلْ) لو الدكاترة كآنوآ كويسين وأحيان (فُلْ) عشان الأوقات يعني نصيحتي لك إنك تدخلي من دحين على الشعب الدراسية وترتبي جدولك بنفسك وتكتبيه على جنب ولما ينزل جدولك ويبدأ الحذف والاضافة تكوني جاهزة ولاتنسي تحطي شعب بديلة كمان أبغى تخصص نظم إدارية ما لقيت هنا منتدى حقه هو نفسه الأنظمة ؟ نظم معلومات إدارية تقريباً زي الحاسب يعني حلو الحمدلله بإذن الله ربي يكتب لك الخير فيه لالالا الأنظمة هوآ ( قسم القآنون) وهآدآ قسم إداري مو علمي ومستقل. مين أفضل الدكاترة للمواد إلي حنسجلها ؟ تقدري تشوفي الموضوع اللي يتكلم عن أفضل الدكاترة والدكتورات في بدآية القسم الموضوع مثبت باللون الأحمر متى يبدا تسجيل المواد ؟ قبل الدوآم بإسبوع تقريباً تنزل الجدآول وتقدري تحذفي وتضيفي من يوم الثلاثاء تقريباً اللي قبل الدوآم الى الاسبوعين الأولى من الدوآم بطايقنا متى و وين نغيرها ؟ تغيريهآ من عمادة القبول والتسجيل ، صرآحة احتمال يمرمطوكم زيّنآ بس عآدي. الوقت امممممممممم تقريبا على نص أو نهاية السمستر لكن الأفضل إنو تسألوآ العمادة في أول اسبوع عشآن ترتبوآ أوقاتكم نروح عند مين أول ما نداوم ؟ لو جدولك كويس وأمورك سليمة خلاص دوري على الكلاسات تبعك أما لو احتجتي لإضافة مادة ما قدرتي تضيفيهآ من الأوديس مثلا فهادي الحالة راح تروحي للشؤون التعليمية في مبنى الكلية (مبنى 2) وهما يعدلوآ الجدول وممكن يقولوآ لك أطلعي لمرشدتك وبعد كدآ تنطلقوآ لـ كلاساتكم وغالباً أول يوم مآفي كلاس بس ممكن في دكتورات يجو من تآني يوم، يوم الأحد سمعت ناس تتكلم مرات و انا ماشيه مرشدة و ما مرشدة كيف نعرف المرشدين حقونا ؟ أيون صح الكلام كل بنت رآح يكون لها مرشدة تضبط وضعها مع المواد ، رآح تلقي أسماء كل المستجدات في ورق على الجدر في مبنى 2 في الدور الأرضي يصير كل وحدا تدور على اسمها وتشوف مين مرشدتها وتروح تدور على غرفة المرشدة الين تلقاها وبعد كدآ تضبط لها الوضع مدري هذا بس الي في بالي اللحين و شكرًا

العفو ياعسل وحيآكم الله في الكلية