المستوى الثالث طالبات نحتاج آرائكم في الدكاترة و الدكتورات

[Bayan.J.S]

وعليكم السلام (:

مبادىء محاسبة 117

مع دكتورة شريفة أو سحر أو إقبال

زمان كانوا يدونا واجبات و عليها 10 درجات التوتال
بس الترم الي فات ماعملوا كدا للبنات

المهارات اللغوية 101
ماحيفرق معاكي كتير لانه تفاهات بصراحة

أنا أخدته مع أستازة عايشة ، كانت طيبة و تشرح باخلاص

مبادىء الإقتصاد الجزئي 107

دكتورة إيمان حسن علي بدون مناااازع
أنا أخدت معاها الكلي ، مرة تحببك فيله و تشرح بأمانة و الله يسعدها

الجزئي أخدته مع أستازة نادية
بصراحة شرحها مو مية مية لكن تساعدك مساعدات وجدانية هع

و كان في واجبات و مشروع

لغة انجليزية متقدمة 201

أستازة عايشة أو أستازة صايمة
كلهم فلة و طيبين و كل حاجة

إحصاء الأعمال 271

دكتورة تغريد عبدالرازق و دكتورة لمياء باحارث

أنا درست مع الأولى و حضرت مراجعة مع التانية

الله يسعدهم شرحهم ممتاز و وافي و طيبين

و كان عندنا واجبات برضوا بس سهل أغلبها ان شا الله

ربنا يوفقك يارب :)