انقبلت ادارة وشكلي مابتحول منها اه بس ممكن استفسارات

[khaled.91.11]

شوفي اني ارتبلك هم اعتماد على الفهم أو الحفظ شي صعب لانه كل التخصصات لو ما فهمتي ما تقدري تحفظي ولو ما حفظتي حيكون صعب انه تجاوبي
بس شوفي باختصار:

المحاسبة
فكرتها باختصار انك لازم تعرفي كل شي دخل وخرج وتسجليه
يعني مؤسسة أو شركة أو دولة دفعوا مصاريف أو اشتروا معدات أو جاتهم فلوس أو باعوا بضايع .....
كله لازم يتسجل وطبعا التسجيل مو اعتباطا لازم يكون بنظام معين

التمويل
تحليلي البيانات اللي اعطاكي هيا المحاسب وعلى اساسها تخذي القرارات وكيف تقدري انك تمويلي مشاريعك ومن فين تجيبي الفلوس وتحللي مشاكل كل طريقة

التسويق
فكرته انه مو بس كيف تبعي المنتج
لا لازم تعرفي المستهلك وايش هو محتاج وكيف تصممي المنتج وتسعريه و توزعيه وتبيعيه وتاخذي انطباعات المستهلك وتعدلي في المنتج ومتى تسوي الخصم وعلى أي أساس
يعني تتعلمي كيف تفهمي المستهلك وكيف تأثري عليه

الموارد البشرية
تتعلق بالموظفين كيف تديريهم وتحفزيهم وتخليهم يعطوا أكثر ما عندهم وهم مبسوطين

النظم
ببساطه كيف تدخلي التقنية الجديدة في الشغل وكيف تقدري انك تستفيدي منها بأقصى شكل ممكن

الادارة
هي تخصص جامع هدفها في النهاية انك تربطي كل شي ببعضوا

باختصار
المحاسبة والتمويل تتعاملي مع أرقام
النظم مع كمبيوتر وأجهزة
التسويق والموارد والادارة مع أشخاص