نبذه عن بعض مواد الانتاج ؟

[mr_x_7]

تقدر تاخدها في ترم واحد
اصلا كل ماده في جهه

ماده الاستاتيك متوسطه الصعوبه(في ملخصات مازن انصحك بيها جدا جدا جدا)
وان شاءالله لو عرفت كل شي فيها + امثله الكتاب(ان شاءالله اضمنلك a+)
-----------------------
الثيرمو صراحه في ملخصات اشرف حراء (انا مااعرفها لكن الشباب كثير كان يمدحوها)
واعتقد في ملخصات برضو لمازن(لو تروح تدور احسن)
ويقولو شبانا وانا درست عند واحد هندي ابعد عنو مني فاكر اسمو
بس في واحد التركي لقبو ممكن تاخد عندو(اخويا اخد يقول شررريح ويفهمك الماده صح)
------------
ماده علم المواد من اتفه المواد (اذا كانت فقط مسائل) اما النظري حقها يجيب المرض
لكن مااعرف كيف سارت طريقتو بعد ما مسكها دكتور ثاني
اعتقد سارت اسهل
اان شاءالله الشباب اللي اخدوها في الصيف يفيدوك في دكتور الوزان
لكن الماده مهي بذيك الصعوبه
ومعملها استهبال ما عليه اختبار ولا شي مجرد تروح تتفرج ويعطوك كتاب وتكتب رقمين(ينقلك هيا المهندس) وكل معمل كذا نهايه الترم تعطيهم الكتاب تاخد 20 من 20
------------------------
ماث 205 اسهل من 204 اكييييد
لانو 204 تعتمد اعتماد كامل على التفاضل والتكامل تحتاج سرعه حل وتحتاج تفهم
اما 205 حفظ قوانين ادخل طبق والسلام

انا انصصصصصصصصصصحك من طالب الحمدلله فاهم الماث
خد الماث عند صالح زين العابدين (شرح من الاخر) واكتب معاه كل شي (ولو حاب تضمن a+) خد دفتر عبداللطيف من واحد هناك حتشوف نفس الامثله وعندك زياده من عند صالح واللي عند عبداللطيف زياده خدو عندك اول باول وصدقني ان شاءالله a+ وانتا تضحك
204 خدها عند اشرف زنقور
لانو جيد في الشرح وقبل الاختبارات يركز على حاجات مهمه تجي في الاختبار
واصلا سار يجي بالنص من اسئله الدفتر بعد ما مسكها الدسوقي
بالتوفيق