بنات فرع الشرفية ، ممكن مسآعدة

[Hakuna Matata]

السلام عليكم و رحمة الله و بركآته ..
عندي كم سؤال لـ البنآت اللى درسوآ في الشرفية

أول شيء / ممكن تعطونآ أسماء أستآذات درستوآ عندهم و كآنو كويسين أو سمعتوآ من أحد عليهم بالنسبة لـ للخطتين ..

ثآني شيء / أنا قريت في أكثر من موضوع إنه بعض البنآت مايشترو كتب ، أو مايحتاج يذآكرو منهآ ، طيب كيف أعرف ، يعني الاستآذة بنفسهآ تقول لا تشتروآ و ذآكروا من ذي الملخصات ولا كيف !

ثالت شيء / بالنسبة للملخصات ، هل أحملها من المنتدى ! و إذا كان التحميل من المنتدى ، ممكن تعطوني الروابط ..
أو أشتريها من مكان معين !

و شكرآ ، و الله يوفق الجميع

[دره جده]

وعليكم السلام ورحمه الله وبركاته
حقولك رأيي .. بس اذا مالقيتيهم معناته نقلو او جابو اساتذه جدد لأني ملاحظه ذا الشئ كتير

بالنسبه لخطه ( أ)
الماث : كنت عند استاذه منى السلمي وماشاء الله كويسه لوكنتي معاها اول بأول .. بس استاذه لجين كان شرحها ارووووع واكوس وحده تقريبا .. مادرستني بس حضرتلها كم مره.

الفيزكس : عموما الأساتذه الكويسين دكتوره ميمونه وسميره القحطاني

الحاسب والاتصال : والله م اعرف مين افضل .. بس لاتشيلو همه لأنه عموما يعتمد عليك ..

.............

بالنسبه لخطه ( ب)

الاحصاء : استاذه فاتن .
الأحياء : برأيي اشوف دكتوره فريال بوقس كويسه .. بس كله ف النهايه كلام وحفظ يعني كلهم سوا و مح تفرق كتير
الكيمياء : يقولو استاذه فاتن.. وياليت احد يفيدك ..
.....
بالنسبه للانجليزي والله برأيي لو كنتي عند وحده سعوديه افضل .. وهذا الشئ غيري ملاحظه مو بس انا ..

........
واخيرا اتمنى اكون افدتك .. وان شاء الله الاعضاء م يقصرو حتى تعم الفائده

[Hakuna Matata]

المشاركة الأصلية كتبت بواسطة دره جده وعليكم السلام ورحمه الله وبركاته حقولك رأيي .. بس اذا مالقيتيهم معناته نقلو او جابو اساتذه جدد لأني ملاحظه ذا الشئ كتير بالنسبه لخطه ( أ) الماث : كنت عند استاذه منى السلمي وماشاء الله كويسه لوكنتي معاها اول بأول .. بس استاذه لجين كان شرحها ارووووع واكوس وحده تقريبا .. مادرستني بس حضرتلها كم مره. الفيزكس : عموما الأساتذه الكويسين دكتوره ميمونه وسميره القحطاني الحاسب والاتصال : والله م اعرف مين افضل .. بس لاتشيلو همه لأنه عموما يعتمد عليك .. ............. بالنسبه لخطه ( ب) الاحصاء : استاذه فاتن . الأحياء : برأيي اشوف دكتوره فريال بوقس كويسه .. بس كله ف النهايه كلام وحفظ يعني كلهم سوا و مح تفرق كتير الكيمياء : يقولو استاذه فاتن.. وياليت احد يفيدك .. ..... بالنسبه للانجليزي والله برأيي لو كنتي عند وحده سعوديه افضل .. وهذا الشئ غيري ملاحظه مو بس انا .. ........ واخيرا اتمنى اكون افدتك .. وان شاء الله الاعضاء م يقصرو حتى تعم الفائده

تسلمين حبيبتي ، الله يعطيك آلعآفية ..

[مفتون قلبي]

و عليكم السلام و رحمة الله و بركاته
رجعتيني لقبل سنه من دحين
ترا انا مرا حبيت الشرفيه << خلصينا

المهم

انا بدأت بخطه ب عشان كدا حتكلم عنها اول

نبدأ

الكيمياء : عند استاذة جميلة اظن لقبها الزهراني كويسه ما شاء الله
و كمان د.سميره مصلي مرا ممتازه و د.فاتن زيني نص و نص

الاحصاء : استاذه فاتـــــــــــــــــــــــــــــن لا تدوري غيرها
اذا ما حطوكي عندها انصحك تشتري ملخصات جمال السعدي

الاحياء : ما تهم الاستاذه , لانو اعتمادك ع نفسك لازم تحفظي
السلايدات و نصيحه حاولي تحفظي اول بــ اول قد ما تقدري لكن
لا تضغطي ع نفسك كتير عشان لا تكرهي الماده اذا كنتي ما تحبي الحفظ

نجي لخطه أ

الفيزياء : سميرة القحطاني رقم واحده ما شاء الله عليها انسانه راقيه
و منظمه و تعرف ايش ممكن يجي ف الاختبار يعني تختصر عليكي
وقتك ف المذاكره اللي يميزها انها مسويه المنهج سلايدات تشرح منها
و انا و الله ذاكرت من السلايدات حقتها و جبت a , و اذا حطوك
عند د. شاديه نصيحه نصيحه نصيحه انقلي من اول اسبوع تكتشفي
انك عندها و الله اني شلت الماده عندها !!! لازم تكوني تحبي الفيزيا
من الثنوي عشان تقدري تستمري عندها و الله يبعدك عن الرسوب

الريضيات : استاذه نوال الزيد ما شاء الله عليها انا اشوفها ممتازه
و يمدحوا لوجين ابو الحمايل انا ما جربتها

الحاسب : كنت عند دلال بخيت تراعي ف عملي و تساعد شويتين
لكن مو مهمه الاستاذه لانو بالعربي

الاتصال : كنت عند سهى الهذلي اخلاق ما شاء الله عليها لكن مو
مهمه الاستاذه لانو برضو بالعربي

الانقليزي : انتي وحظك لانو مو سهل تغيري الاستاذه

اذا عندك اي سؤال انا بالخدمه

كدا انا انتهيت ^_*

بالتوفيــــق لك يا رب و لكل الدفعه ^_^

[لوتي الطويرقي]

كلام اللي فوق ماشاء الله + 100
مني السلمي مرا كويسسسسسة انا درست عنها
واماني ولجين سمعت انهم كويسين

[لوتي الطويرقي]

وفي جميلة الحربي فيزيكس سمعت انها كويسة

[Dr.ReRo]

المشاركة الأصلية كتبت بواسطة hakuna matata السلام عليكم و رحمة الله و بركآته .. عندي كم سؤال لـ البنآت اللى درسوآ في الشرفية وعليكم السلااام يَ حلووة والف مبرووك عليكي القبول في شرفيتينا الجمييلة حتنبسطي فيهاا ان شاءالله أول شيء / ممكن تعطونآ أسماء أستآذات درستوآ عندهم و كآنو كويسين أو سمعتوآ من أحد عليهم بالنسبة لـ للخطتين .. بالنسبة للدكتورات حقون خطة (أ) الماث: سمعت عن استاذة اماني السلميي كتير يمدحوها بس انا ماجربتها الفيزيكس : عندك دكتوورة ميموونة دي الادميية مررة شي جمييل ماشاءالله عليها انا كنت بروح عندها وقت مايكون عندي بريك لانو كنت عند وحدة اسمها نزييهه ومررة ماعجبتني صح انو في البداية تحسيها مررة كويسة بس لمن وصلنا للشباتر الي فيها مسائل مررة ماكنت افهم منها وفي استاذة سميرة القحطاني اظن كدا اسمها سمعت البنات يمدحوها برضو الحاسب+الاتصال زي ماقالو البنات مومهم الاستادة لانو بيعتمد عليكي وكمان سهل لانو بالعربي نيجي لخطة(ب) الاحصاء: روحي عند استادة فاااااتتتن هيا احسن وحدة وان شااءالله حتضمني a+ فيه لانو مررة سهل ومع استاذة فاتن بيسهل اكتتر الكيميااء: انا كنت بحضر عند استادة جميلة الاحمرري مررة شرحها حلو بس مشكلتها انها تعصب بسررعة واهم حاجة ادا كنتي عندها تحضري السكاشن اللي بتعملها لانو وقت المحاضرة مابتلحق تحل مسائل كتيرر فبتحلها في السكشن وتشرح طرريقة حلها بالتفصصيل وعندك استادة سميرة مصلي كتيرر بيقولو انها كوويسة بس انا ماقيد جربتها ونصيييييحة ادا كنتي عند استادة سهيير اشررودي على طوول لانو مرررة سيييئة انا كنت عندها وماكنت بفهم حاجة فكنت اروح عند جميلة الصبح والظهراروح عند سهيرر بس عشان التحضير وكمان دكتورة امييرة العطاس مررة مايمدحووها صحباتي كانو بيدرسو عندها الاحياء:مو مهم الاستادة لانو بيعتمد عليكي برضو اهم حااجة انك تزااكري السلايدات اول باول ترى الاحيااء مرررة سهل بس عيبو انو طويل شويتين بس ادا كنتي بتزااكري اوول باول صدييقييني حتضمني ال a+ ان شااءالله بالنسبة للانجلش فما اقدر افيدك فيلو كتيرر لانو ماخدت الا لفل واحد بس ودرسوني فيه عشروومية استادة جربت الهنديه والمصريه والكندية والسعودية وكلوو بس حسيت انو السعوودية هيا احسن وحدة ثآني شيء / أنا قريت في أكثر من موضوع إنه بعض البنآت مايشترو كتب ، أو مايحتاج يذآكرو منهآ ، طيب كيف أعرف ، يعني الاستآذة بنفسهآ تقول لا تشتروآ و ذآكروا من ذي الملخصات ولا كيف ! شوفي ي حلوة انا في السنة كلها ماحتجت الا كتاب الماث والاحصاء والفيزكس وافضل انو تشتري الفيزكس مصور لانو الكتاب مررة كبييير ومابتاخدو كل حاجة فيه +كتاب الاتصال والحاسب لانو بتزاكرو منها بالنسبة للملخصات فالاستادة ماحتقولك اشتري منها لانها ملخصات عاملينها اساتذه خصوصين يعيني مابيدرسو في الجامعة من اصلو بس بتساااعدك كتييييير خصوصا ادا كانو استاذاتك ما يفهمو ثالت شيء / بالنسبة للملخصات ، هل أحملها من المنتدى ! و إذا كان التحميل من المنتدى ، ممكن تعطوني الروابط .. أو أشتريها من مكان معين ! ادا تبغي تحمليها اعتقد موجودة في المنتدى بس نصييحة الافضل انك تشترريها من المكتبة لانو سمعت انها تتغير كل سسنة و شكرآ ، و الله يوفق الجميع

عفواا وماسوينا حاجة لانو كنا في يوم زييكم محتاجين احد يساعدنا
واي سؤاال يجي في بالك اسئلي نحنا حاضرين وماحنقصر معاكي ان شاءالله

[WED!]

موضوعع كثير مفيد انا عني لسه مانزلت اسماء الاساتذه اذا نزلت اكيد بيكون لي بآكك هنا

( عندي استفسار بعيد عن الموضوع يخص مستوى الانجليزي انا مستوى رابع
اختي قبل سنتين كانت تحضيري في السلمانيه تقول اللي كآنوا مستوى رابع درسوا في بدايه الترم اسبوعين او ثلاثه بعدين قالوا لهم بنتظرون المستوى الثالث ينتهون ويدرسون معاهم من جديد المستوى الرابع )

^ ياليت اللي من الشرفيه وكانوا مستوى رابع يقولوا لي كيف كأنت دراستهم بداوعلى طول ولا لا .

* ومعلومات زياده عن تجربتهم اكيد ماراح تضر

وشكرا مقدما !

[szoza]

بناااات ..
اقدر اغير الاستاذة وانا بالتحضيري ؟؟؟!!

[Dr.ReRo]

المشاركة الأصلية كتبت بواسطة wed! موضوعع كثير مفيد انا عني لسه مانزلت اسماء الاساتذه اذا نزلت اكيد بيكون لي بآكك هنا ( عندي استفسار بعيد عن الموضوع يخص مستوى الانجليزي انا مستوى رابع اختي قبل سنتين كانت تحضيري في السلمانيه تقول اللي كآنوا مستوى رابع درسوا في بدايه الترم اسبوعين او ثلاثه بعدين قالوا لهم بنتظرون المستوى الثالث ينتهون ويدرسون معاهم من جديد المستوى الرابع ) ^ ياليت اللي من الشرفيه وكانوا مستوى رابع يقولوا لي كيف كأنت دراستهم بداوعلى طول ولا لا . * ومعلومات زياده عن تجربتهم اكيد ماراح تضر وشكرا مقدما !

شوفي يَ سوكررة انا كنت ليفل فور وبدئنا الانجلش بعد الحج قالولنا نستنى الناس اللي لفل 3 الين مايخلصو عشان عددننا كان مررة قليل
والله انا تجربتي كاانت جدا سيئة مو عشاان المنهج وكدا بالعكس المنهج جداااااا سههههل
واغلب البنات بيقولو انو اسهل من لفل 3 بس عشان استاذتنا مرضت في اول اسبوع وكل مررة كانو بيجيبولنا تيتشر غير الييين مارجعت ع نهااية الترم
تخييلي كل مررة تجيكي وحدة غير وكلهم بيختلفو في طريقة الشرح والتعامل وكدا بس لااتخاافي دي الحاالة ناادرة جداا خخخخ
وصدقييني ترى الانجلللشش مررة سهههل ويررفع معدللك كماان انتبهي لاتهملي ويضيع منك

المشاركة الأصلية كتبت بواسطة szoza بناااات .. اقدر اغير الاستاذة وانا بالتحضيري ؟؟؟!!

ايوا تقدرري بس لازم تستاذني من استاذتك والاستاذة اللي بتروحي عندها
ادا وافقوا يصير تحضري مع الاستادة الجديدة
بس الاختبارات تختبيرها مع استاذتك الاولى