مشُورة من طالبات الفيزياء *

[سحابة صيف ،]

..


السلام عليكم

أنا مستجدة ()
.. أبغى أستفسر عن الجدول ..
طبعًا تخصصي فيزياء ،

انا الان موادي حسب الخطة

* فيزياء 2
* فيزياء 3
* تفاضل و تكامل
* أمن و سلامة مختبرات كيمياء
* أمن و سلامة مختبرات فيزياء
* عربي 1

كيذا كاتبيلي مجموع الوحدات : 16

كيف شايفين الساعات ، كثيرة ؟ ولا مُناسبة
ولا قليلة !
و المعامل كيف وضعها ؟

أنا بالنسبة لي بتأقلم عادي مع الوقت
بس أهم شي أساعد نفسي هذا الترم بالمعدل ،

بس بما إني فرفرت على نصايحكم للبنات
قريت اللي قالت لا تحطي فيزياء 2 مع فيزياء 3
صح كلامها .. إش أسوي ؟

و مدري ليش فبالي أدخل كمان ثقافة !
أو أستبدلها بأي مادة ...

رأيكم ..



+
قال صلى الله عليه و سلم : ( من سعى في حاجة أخيه المسلم قضيت له أو لم تقض غفر له ما تقدم من ذنبه وما تأخر, وكتب له براءتان: براءة من النار, وبراءة من النفاق )

[بوارق الامل]

وعليكم السلآم ..
انا زيك مستجدة فيزياء
بس لما شيّكت في الاودس على ( الطالب >التسجيل >الحذف والاضافه >المواد المتبقية من الخطة الدراسيه )
لقيت في الخطة نفس المواد اللي كتبتيهآ .. بس زيادة عليها معمل فيزياء عامه ..
وصار المجموع 17 سآعه
واستفسرت بالمنتدى عن اذا اخلي جدولي زي ماهو او احط مواد ثانيه لاني صرآحه كان نفسي بـالثقافه
بس ردوآ علي (الله يجزاهم خير ) ان احسسن اخليه زي ماهو .. وما قدرت احط الثقافه لانها بـ ساعتين
وراح يكون المجموع 19 والحد الاقصى 18
وقالو انه بيكون شويه ضغط بس راح تسهل علي بالاترام الجآيه

ادري طولتها وهي قصيره
اتمنى اكون افدتك ولو في شي بسيط
وان شاء الله البقيه يردوآ عليك ع سالفة المعامل

دعوآتك ..

[LeLou]

يا حلوات..
أتمنى تحطوا استفساراتكم في موضوع الجدوال المثبت..
عشان الكل يستفيد و أقدر أرد عليكم في مكان واحد..
أعتذر أنا عارفة أني متسلطة..
بس كذا أفضل للجميع..
//

و شكرًا ||~

[أمل وطموح]

كنت راح أسأل نفس السؤال (شكراً)

[picasso]

المشاركة الأصلية كتبت بواسطة سحابة صيف ، قال صلى الله عليه و سلم : ( من سعى في حاجة أخيه المسلم قضيت له أو لم تقض غفر له ما تقدم من ذنبه وما تأخر, وكتب له براءتان: براءة من النار, وبراءة من النفاق )

......
1+

[LeLou]

المشاركة الأصلية كتبت بواسطة سحابة صيف ، .. السلام عليكم أنا مستجدة () .. أبغى أستفسر عن الجدول .. طبعًا تخصصي فيزياء ، انا الان موادي حسب الخطة * فيزياء 2 * فيزياء 3 * تفاضل و تكامل * أمن و سلامة مختبرات كيمياء * أمن و سلامة مختبرات فيزياء * عربي 1 كيذا كاتبيلي مجموع الوحدات : 16 كيف شايفين الساعات ، كثيرة ؟ ولا مُناسبة ولا قليلة ! و المعامل كيف وضعها ؟

و عليكم السلام و رحمة الله و بركاته..

الساعات مناسبة إن شاء الله..

بالنسبة للمعامل راح تكون مرة بالأسبوع و المعمل 3 ساعات..
معمل 203 فيه شغل شوية..
بس كان ممتع الصراحة,, أحلى من 281 رغم أنه التجارب كان شغلها أكثر..

معمل 202 مرة سهل و ما تطولوا فيه و أغلب تجاربه ما فيها شغل و لا حسابات كثير..
//

أنا بالنسبة لي بتأقلم عادي مع الوقت بس أهم شي أساعد نفسي هذا الترم بالمعدل ، بس بما إني فرفرت على نصايحكم للبنات قريت اللي قالت لا تحطي فيزياء 2 مع فيزياء 3 صح كلامها .. إش أسوي ؟

طيب حلو كذا..
لا ما عليكي من الكلام الفاضي دا أنا أخذتها من بعض و عدت على خير..
بس شدي حيلك في 203 و اشتغلي شوية على 202..
و إن شاء الله تعدي على خير..
صح كان ضغط ما أنكر,, المستوى الثالث أكثر مستوى انكرفت فيه..
لكن حتتعبي بعدين أكثر لأنه كل مواد المستوى الرابع متطلبة 202 + 203..
و لمعلوماتك لما توصلي لمستويات متقدمة زي الخامس مثلاً,, حتصير المناهج أصعب بمراحل..
لذلك وقتها احذفي و ألعبي بالخطة مو الآن،، لأنه بعدين حتضطري تضغطي نفسك في وقت إنتِ محتاجة تخففي مواد..
الــ 15 ساعة الآن مو زي الــ 15 ساعة بعدين..

+

في موضوع مثبت أنا متكلمة فيه عن مواد المستوى الثالث..
و دا رابطه:
خآص بمواد طلاب وطالبات كلية العلوم <كيميآء +فيزيآء+فلك
اطلعي عليه..

و مدري ليش فبالي أدخل كمان ثقافة ! أو أستبدلها بأي مادة ... رأيكم ..

أنا أخذتها بدل العربي..
و كان حلو..
و أخذت في المستوى الرابع تقافة 2 + عربي 1..
و ما حسيت أنهم ضغطوني..
لكن..
المستوى الرابع معاملي كانت أقل بس معمل كيمياء..
لأني أخذت فيزياء 281 في المستوى الثالث..
بس ما أنصحك في وضعك دا تضيفي كمان ثقافة خلاص كفاية..
يا تاخذيها هي أو العربي..


بالتوفيق + أتمنى أي استفسارات ثانية توضع في المواضيع المثبتة عشان الكل يستفيد من دي المعلومات||~