ممكن تفيدووني عن هؤؤؤلاااء الدكاتره....ادخلووا بليييز قبل مايفوت عليا:'(

[RHF]

مو يا حبيبتي انا ماشية على نظام خالف تعرف ههههاي

شوفي ، نادية تجيبلك امثلة واضحة ، انا انصحك ، يكون معاكي سلايداتك ، كل كلمة نادية تنطقها اكتبيها اي مثال تقولو بالانقلش انتي اكتبيه بالعربي في سلايداتك ، وقت المزاكرة حتحسي كلو سهل ،

بعدين عارفة الصقي فيها ههههه وطفشيها ، افهمي كللللل شي ، اي حاجة منتي فاهمتها في الكلاس خليها تشرحها لكي ، وترا ما تمل ما شاء الله عليها تشرح مرة و اتنين وعششششششششرة المهم في النهاية تفهمي منها

انا كانت سلايداتي مليييييييانة كلاااااااام وشخاميط فكنت لمن قبل الاختبار ازاكر الاقي كل شرحها كاتبتو عندي ولمن اوصل لنقطة احس انها صعبت عليا ( لاني بعض الاحيان اكتب بدون ما افهم ) اقوم اروحلها تاني يوم وتفهمني هي

انا ترا من نادية حبيت الاقتصاد لدرجة اهلي قالولي انتي شكلك حتتخصصيه هههههه

ولو كنتي كويسة معاها وخلاص عرفت اسمك و شكلك ، ممكن في الاختبار تساعدك شوية وازا حزنت عليكي تقولك الاجابة خخخخخ

//

بس للأمانة انا كنت احضر المراجعات مع حنان ، كانت ممتازة واستفدت منها كتير

لانو نادية تعطيكي السلايدات و التست بنك وخلاص

بالزات التست بنك خلاص انتي تحليه مع نفسك < انا قدرت احلو من شرحها والله

بس في اشياء مرة فيها لف و دوران لمن حضرت مع حنان لقيتها تشرح للبنات كللللل الاسئلة

//

فاما خدي مع حنان دي ،

اما خدي مع نادية وبعدين احضري المراجعات مع حنان او اي احد !!!


يلا طولت كتبت الي في عقلي كلو

واي استفسار اخر ، انا حاضرة