طالب مستجد واستفسار ضروري بخصوص الحذف والاضافه

[A7sas 5jo0ol]

الله يسسسسسعدگ نبهتيني
تقدري تساعديني في اختيار المواد والاستاذات وايش تنصحيني اخذ في السمستر الاول (عشان ابغى احول طب اسنان إن شاء الله)

[ho0oby]

المشاركة الأصلية كتبت بواسطة a7sas 5jo0ol الله يسسسسسعدگ نبهتيني تقدري تساعديني في اختيار المواد والاستاذات وايش تنصحيني اخذ في السمستر الاول (عشان ابغى احول طب اسنان إن شاء الله)

من عيوني يا عسل بس ايش تخصصك ؟

[A7sas 5jo0ol]

يسلمووووو
أنا تخصص أحياء

[ho0oby]

شوفي يا عسل دي خطة قسمك

http://sciences.kau.edu.sa/Files/130...Plan%20Bio.pdf
حاولي تاخدي منها المواد اللي ممكن تفيدك في طب الاسنان

و هاذي خطة طب الاسنان

http://dentistry.kau.edu.sa/Pages-%D...%8A%D8%A9.aspx

حاولي تسددي وتقاربي

اما على مواد الاحياء انا اخدت احياء 202 مع دكتورة ندى ادريس مرا طيبة و تعتمد نظام اللي يدخل ف الدوري ما يدخل ف النهائي و نصيحة مني ترجمي السلايدات بعدين ذاكريها انا مشيت على كذا جبت فيها A+ رفعتلي المعدل مرا الحمدلله لانها باربعة ساعات

اما معمل الاحياء سهل لكن محتاج حفظ وتركيز لانو عيناتو كتيييير مررا اذا قدرتي تتعرفي عليها راح يسهل الباقي

اما الخلية راح اخدها الترم دا و صاحباتي اخدوها يقولو سهلة و كمان المايكرو راح اخدها الترم دا ( الاحياء الدقيقة )

واذا ناوية على تحويل خدي عربي1 و ثقافة1 مواد عامة راح تنفعك ف كلا التخصصين
عربي انا اخدتها ف الترم الصيفي مع دكتورة نادية فلاتة شرحها ممل عموما المادة مملة شويا فيها تلاتة اقسام الاول مهارات اتصال و بعدين نحو واخر قسم صرف كلها درستيها سابقا
الثقافة تتكلم عن العقيدة و نظرة الفرق الاخرى للحياة و اغلب الاسئلة تجي من المخلص الموجود اخر كل وحدة

دا اللي اقدر افيدك فيه لاني كيميا حيوي
ان شاء الله بنات الاحياء يفيدوكي اكتر مني
وبالتوفيق :)

[ho0oby]

طبعا نسيت اقلك انا في الفيصلية :)

[A7sas 5jo0ol]

يعطييييييييك ألف عاااااافية
ربي يوفففقك
وانا كمان في الفيصلية

[إحسآإس]

طيب ايش هيا خطة الطب البشري عشان انا نفسي احول طب بشري قسم طب الاطفال .. وابغى احاول قد ما اقدر ارفع المعدل واحول ..