"(‘ تَجمع لطلآب وطآلبآت ‘, التحَويل الخآرجي ‘)"

[تركي فايز]

الله يعطيكم العافيه .. ملخصا للموضوع .. اشكر الأخوان والأخوات اللي نصحوني وردوا على الكلام اللي كتبته

بالنسبه للي حصل يوم الاربعاء .. روحت للعماده ، وطبعا اتجهت لموظفي الاستفسارات ( بجانب مكتب مدير القبول اللي كان اسلوبه غير واضح يوم الثلاثاء ) .. المهم رحت للموظف وقلت انا امس جيتك وفتحت لي التعديل وانا رفعت اوراقي من جديد ، واكدت الطلب، قال هات البطاقة الهويه، واعطيته راح تاكد من الجهاز ورجع لي قال خلاص انت تم تحويل طلبك إلى الفرز النهائي ، وعليك مراجعه النت بالفتره الجايه ولا تسحب ملفك من الجامعه لحد ما يجيك القبول النهائي لا تضيع نفسك هنا وهناك .. بالنسبه لموعد النتائج غير محدد لحد الآن لكن راجع النت<< يعني بعكس كلام مدير القبول الي قال جيب اوراقك وانسى الموقع >> .. المهم انا طلعت على طول على مكتب عميد القبول والتسجيل ، وقلت لازم اقابله عشان اشرح له وضع الطلاب المحولين ومشاكل التاخير وكلام مدير القبول بان المواد ما تتعادل .. المهم ( سالفه طويله عريضه لحد ما وصلت له ) وكلمته بالموضوع وقلت مدير القبول يقول انسى الموقع وجيب اوراقك وروح اسحب ملفك من جامعتك وكل كلامه عشوائي للاسف يا دكتور امين ( طبعا الناس متجمعه حواليه ومركزين ) .. قلت له احنا طلاب التحويل الخارجي مقدمين لنا شهرين للأسف حاصل لنا تهميش مو طبيعي ، وبالاخير نراجع ويقول انسوا الموقع، وعلى اي اساس يتم فتح تحويل خارجي عن طريق الموقع اذا لم نستطع إتمامه بنفس الطريقه .. وقال ايضاً ان مواد السنه التحضيريه ما تتعادل ( اثناء ما أتكلم كان ينظر لمواد السجل تبع جامعتي ) وقال لي بالحرف الواحد ، ( يا ابني انت درست سنه تحضيريه بجامعتك واشوف ان المواد نفسها يعني المواد تتعادل)؟؟ .. المهم العميد تفاعل معي وقال كلام مدير القبول غير صحيح وكل الإجراءات تتم عن طريق الموقع ومواد السنه التحضيريه تتعادل ( قلت مزبوط يا دكتور امين واصلا هذا مكتوب في شروط التحويل ان مواد السنه التحضيريه يجب ان تدرس او تعادل واللي يبغى يتأكد يرجع للشروط بداية التقديم ).. وقالي والآن اكتب معروض بخصوص وضعك ووضع الطلاب المحولين واعطيه السكرتير وانا عندي اجتماع اول ما أرجع راح اشوف .. وتراجعنا السبت

طبعاً نصيحتي لاخواني واخواتي المقدمين على التحويل .. هي كالآتي :

1- إذا طلبك ما زال تحت التدقيق لابد تراجع العماده وعند موظفين الاستفسارات تسأل عن موظف اسمه فيصل وتعطيه بطاقه الأحوال وهو راح يحول طلبك إلى الفرز النهائي..
ولا تفكر للحظه انك تروح لمكتب مدير القبول(ابراهيم الغبان ) لانه إنسان بدائي للأسف وكلامه كان غير صحيح وقال لي المواد ما تتعادل وكسر مجاديفي وحطمني وقال ان معدلك ما يعتبر شيء عندنا ..(كلام كثير )..

2- بالنسبة للطالبات ما عندي خلفية عن الوضع بشكل واضح ولكن اللي طلبها ما زال تحت التدقيق لازم تراجع لحد ما يتحول للفرز النهائي .

3- لازم يكون معاكم توصيف المقررات اللي درستوها خصوصا مواد السنه التحضيريه لان وقت معادلة المواد راح يطلبوها منكم ولا تهتموا لكلامهم انه ما في معادلة لمواد السنه التحضيريه لان على كلام العميد فيه ، وفيه موضوع بنفس هذا المنتدى للتحويل الخارجي عام 2010 واحدى الطالبات كاتبه بالردود انه ( الحمدلله يا بنات عادلوا لي جميع مواد السنه التحضيريه وحولوني لكلية بنفس التخصص )..

4 - لا تضيع نفسك بجامعتك الأساسية تروح هناك تحضر وحبذا لو تخلي لك احد هنا يراجع الجامعه ويروح لمكتب عميد القبول والتسجيل ويرفع معروض طلب بأن يتم النظر في طلب التحويل ولا يتم التاخير أكثر من كذا

والله يوفقنا ويسهل امورنا ويكتب لنا الخير أينما كان

ملاحظة:
أختي ( من يقول انك تحب ) اشكرك على نصيحتك وعلى عيني وراسي.

أختي المشرفة ( غلا روحي ) أتمنى السنة القادمه عندما يتم فتح موضوع التحويل تعطي الطلاب الجدد فكره بإختصار عن اللي راح يحصل لهم وبأن ما يقعوا بمثل الخطا تبعنا أننا انتظرناهم شهرين ونص لحد الآن بدون رد..

واشكرك من أعماق قلبي على جهدك الرائع في فتح مثل هذه المواضيع التي نفعتني كطلاب بعد الله في التواصل مع بعضنا.

وأي استفسار انا جاهز.. بالنسبة لي انا حجزت يوم الاحد اروح لجامعتي واداوم هناك ويوم السبت راح أراجع الجامعه جده هنا واشوف ايش صار على المعروض وبنفس الوقت أتابع الموقع.