بنات فرع الشرفية ، ممكن مسآعدة

[Huda Al3moudi]

ممم دخلت القسم قلت اشوف العالم يمكن احد بدو مساعدة
ع العموم الشرفية حلوة خاصة انها صغيرة وكدا

بسم الله نبدا
خطة أ
الرياضيات: درستني عواطف الجدعاني جدا جييييدة واذا مافهمتي منها تروحي لها المكتب وماتقصر وكمان يمدحون اماني السلمي

الفيزيا
درست عن نجلاء الحربي شرحها كان كويس وكانت نهاية كل شابتر تنزل في موقعها واجب نحلو عشان نقدر فهمنا وتعطينا مسائل وكدا مايجتاج نحضر سكشن

الاتصال
نايلة جمبي احلى مافيها ماتدقق وتعطيكي كامل ع النشاطات >>لان المادة الوحيدة لها نشاطات ومافيها غير دوري ثاني ونهائي

الحاسب
درست مع فاطمة بالعمش وكانت تمام ممم ومااعتقد الاستاذه تفرق لان في الاخير لازم تقرئي الكتاب بفهم وخلاص

خطة ب

الاحصاء
درست مع هديل الرويثي كان شرحها بنسبة ليا تمام وكانت تطمنا قبل الاختبار
ممم هذه المادة صروري تحضري السكشن حقها حينفعك كثيييييييييييييير
وكمان استاذة فاتن حضرت لها مرة فري قود واستاذة هزار جييدة

الكيمياء
د.سميرة مصلي ممتااااااااااازة

اما الاحياء وماادراك ماالاحياء
مايفرق مين تدرسك قد مايهم انك تدرسيه اول باول ونصيحة لا تغلطو غلطتنا وتهملو:(

ع العموم د.فريال بوقس خطييييرة تشرح لنا بالافلام الوثائقية >>هذه حقت الحيوان
اما النبات د امل ود امال >>يقرؤا السلايدز وبس في وحدة فيهم تشرح والثانية لا

مممم بالنسبة للكتب لاتشتري ولا كتاب لين مايقولولكم لان الكتب تتغير وبعض المواد ماتحتاج


وبس ربنا يوفقكم وشدو حيلكم^^