طلبوا مني أتخصص علم نفس وبعدها يحولوني لغة إنجليزية هل كلامهم صحيح ؟ [مُع ـدل]

[هند الحربي !]

السلام عليكم
وجمعة مباركة

انا عندي استفسار طبعا انا كلية آداب لسة مستجدة وتم استبعادي انا وصحباتي من التخصصات رحنا لهم يوم الثلاثاء عشان نكتب اسمأنا في التخصصات رحنا قسم الانجليزي وطبعا سجلنا قالت لنا السكرتيرة تبع القسم عندكم اختبار تحديد لغة ورحنا كلمانا الشؤون التعليمية شي زي كدا في نفس الكلية قلنا لها لو ما اجتزنا الاختبار نخصص نفسنا في اي تخصص قالت ايوا ودحين اكتبوا أسمائكم في التخصص التاني وحنسكنكم في تخصص علم النفس ولو اجتزتو الاختبار حيتغير من علم نفس ل انجليزي سؤالي بعد دي القصة هل احد صارلو كدا وهل كلامها صحيح حيغيرو ولا بس كلام زي عادتهم طيب متى الحذف والاضافة يقفل وهل يمكن أغير رغبتي من علم نفس ل اعلام لو ما اجتزت الاختبار؟!


اعرف أني طولت وسامحوني !!

[عـ ـلآء | Ālอ'อ]

وعليكم السلام ،

علينآ وعلى كافة المسلمين .

ما أتوقع يتم تحويلكم لـ اللغات الأوروبية بعد تسكينكم في علم النفس ،
لا تتسكنوا إلا في الرغبة الأولى لكم لأن الجامعة مالها أمان وكلآمهم مو محل ثقة .. وفي نفس الوقت تقدروا تقبلوا أي تخصص لغرض رفع المعدل ،
الحذف والإضافة ينتهي اليوم عن طريق الأوديس وينتهي بعد أسبوع أو أكثر عن طريق الجامعة ،
بخصوص الإعلام عند الطالبات المعدل المطلوب عالي جداً جداً ولآزم ترفعوآ معدلآتكم لأعلى حد ممكن .

[nour al3mr]

وعليكِ السلام و رحمة الله و بركــآته

حيـآك أختِ
كلامهم صحيح و هي الأفضـل لتضمني وجودك في تخصص آخـر في حال لا قدر الله لم يتيسـر الأول

لكن هل سبب عدم قبولك في تخصص اللغـآت الأوروبيــة لعدم استيفاءك شـرط المُعـدل و شــرط درجـآت الإنجليزي في السنة التحضيـرية ؟

[هند الحربي !]

علاء شكرًا لك ^^

[هند الحربي !]

المشاركة الأصلية كتبت بواسطة nour al3mr وعليكِ السلام و رحمة الله و بركــآته حيـآك أختِ كلامهم صحيح و هي الأفضـل لتضمني وجودك في تخصص آخـر في حال لا قدر الله لم يتيسـر الأول لكن هل سبب عدم قبولك في تخصص اللغـآت الأوروبيــة لعدم استيفاءك شـرط المُعـدل و شــرط درجـآت الإنجليزي في السنة التحضيـرية ؟

انا درجات الانجليزي عالية والحمد لله بس اللي تعسر معاية االمعدل هما طالبين 4وما فوق انا معدلي 3.81 فعشان كدا قالتلي لازم تختبري بس حبيت أسئل هل اعمل الحذف والاضافة للمواد ولا لا بس قالو أستنو السبت عشان النظام متعطل وعشان يحطو التخصص لأنو لين دحين ما حطو التخصص بس مكتوب آداب مستجد !!

[nour al3mr]

جـآوبك مشرفنـآ عـــــلآء و ما ركـزت
الله يعطيكْ العـآفيـة .

المشاركة الأصلية كتبت بواسطة هند الحربي ! انا درجات الانجليزي عالية والحمد لله بس اللي تعسر معاية االمعدل هما طالبين 4وما فوق انا معدلي 3.81 فعشان كدا قالتلي لازم تختبري بس حبيت أسئل هل اعمل الحذف والاضافة للمواد ولا لا بس قالو أستنو السبت عشان النظام متعطل وعشان يحطو التخصص لأنو لين دحين ما حطو التخصص بس مكتوب آداب مستجد !!

تمـآم إن كان المعـدل
أوضحلك نظـآمهم اللي سـآروآ عليه من سنـة تقريباً سـواء للمنتظمـآت أو المُنتسبـآت في قسم اللغـآت .

لما أقر قسم اللغـآت نظـآم اختبـآر القبـول تم تقسيمه لقسميـن :

القسم الأول : في حال اجتيـآز الطـآلبة للإختبـــآر يتم قبولهـآ مُبـآشـرة بالتخصص و تثبت به رسمياً
القسم الثـآني : في حال تجـآوزت الإختبار بدرجـآت متوسطـة يتم قبولها قبول مشـروط
القصد منه بأن الطالبة تتخصص في أي تخصص ثـآني و تدرس مادتي القـراءة lane 212 + مادة الكتـآبة lane 213
في حال اجتـآزت المـآدتين بدرجـآت عاليـة لا تقل عن نسبة محددهـ [ أفتكـر أنها 75 وفوق]
يتم تثبيتها بالقسم رسميـاً
أما إن لم تجتاز المادتين فلا يتم تخصيصهـآ بقسم اللغـآت و تكمل الطـآلبة في القسم اللي اختارتـه كبديـل

::

حاليـاً إن اختـرتي قسم علم النفس حتدخلي الإختبار الأسبـوع القـآدم ولازم تروحي السبت تسجلي اسمك عند السكرتـآريـة .
بيكون عبـآرة عن اختبار كتـآبي Paragraph عن موضوع خارجي هما يعطوكم إيـآهـ
تراعي فيه كل شروط الكتابة الصحيحة و إن اجتزتيه تتخصصي باللغـآت و تروي بعدها غرفـة 119 و يعملوا لك جدولك لأن النتائج تآخذ أسبوع تقريباً إلى ما يعلنوا عنها في القسم

إن ما اجتزتيه لا قدر الله .. تدرسي موآد عـآمــة في تخصص علم النفس أو أيّـآ كـان
بحيث ترفعي المعـدل بعدهـآ قدمي لتحويـل لقسم اللغــــآت التــرم الثـآني .

معذرة على الإطـآلـة و الله ييسـر أمـــــرك .

[عـ ـلآء | Ālอ'อ]

المشاركة الأصلية كتبت بواسطة nour al3mr جـآوبك مشرفنـآ عـــــلآء و ما ركـزت الله يعطيكْ العـآفيـة .

يعافي قلبك ،
ما قصرتي تبارك الرحمن ،
شكراً لكِ .

[هند الحربي !]

إها دحين فهمت مشكورين وما قصرتو ❤

[nour al3mr]

المشاركة الأصلية كتبت بواسطة عـ ـلآء | Ālอ'อ يعافي قلبك ، ما قصرتي تبارك الرحمن ، شكراً لكِ .

ويعـآفيـك الرب من كل ســــوء

المشاركة الأصلية كتبت بواسطة هند الحربي ! إها دحين فهمت مشكورين وما قصرتو ❤

الله ينور دربك

دورت لك على أقـرب نقآش دآر حول الإختبــآر
في هذآ أطلعي عليه :


لكل من اختبر او بيختبر اختبار القبول باللغة الانجليزية .. ارجو الدخول