تجربتي في فرع الفيصلية امس

[asoom4ever]

ع العموم بنات انتوا لازام تروحو يوم السبت الي تخصصو انجلش وتسؤلوهم عن الاختبار لانو انا بعد ماخرجت من الاختبار ضعت في الاسياب ماعرفت وين اروووح الا باصدفة لقيت غرفة اسمها وحدة التحويل والتخصص دخلت قولتلها انو انا من المحولين انتظام قالتلي اديني الرقم الجامعي اخدتوا ودخلت ع الكمبيوتر وقالت لسا اسمك ماجانا تعالي السبت وبعدين قولتلها عن اختبار الانجلش وانا شوية وراح ابكي وهي اخلاقهاااااا زففتتتتت بمعنى الكلمة قولتها طيب انا ماكونت اعرف انو في اختبار تقدروا تحذفوا اسمي اوو تعيدولي هو لانو ماحليييت شي قالتلي لأ طبعا احمدي ربك انك دخلتي الاختبار لانو اليوم اخر يووم واذا جبتي درجة عالية دخلتي التخصص ماجبتي تعالي عشان نغيرلك التخصص كيده بكل بسااااطة وانا آآآمااالي وطموحاتي ع الانجلش بس لعلها خيرة انشاءالله عشان كيدة روحوا يوم السبت واسألوهم ع الاختبار اهم شي لانو قالولي مافي يوم السبت اختبااار والبنت الاي ماختبرت ماراح تتخصص

[asoom4ever]

المشاركة الأصلية كتبت بواسطة جوليـــا اسوم كيف اختبروكي وانت معملتي اخلاء طرف من الانتساب يعني لساكي منتسبة ...كم بنت كانو معاكي ؟ يعني الاختبار مو بس تعبير كمان فيه اسئلة ... انا شكلي حفضل انتساب انجليزي كمان مااستحمل ابعد عن اهلي في المدينة ان شاء الله خير بالتوفيق

الاختبار اسئلة تستخرجي الاجوبة من القطعة لكن حبيبتي انا مافضل انتساب انجلش لانو الانتظام اذا فيه خطأ تصححلك هو المعلمة وتسالي عن اي شي. بالنسبة لاخلاء الطرف تصدقي ماجاء ع بالي ابدا بس بما انو جاتنا رسالة معناتو احنا خلاص تحولنا انتظام ولا؟؟ بس هما معرقليين علينا في التخصص

[ahlam gha]

:'( :'( :'( :'( :'( :'( :'( :'(


ي رب رحمتك

[asoom4ever]

المشاركة الأصلية كتبت بواسطة عبير منشي عذراً أختي ايش قصدك ان القطعة اللي عليها اسئلة اختيارية ؟ يعني ما عليها درجات ؟! والريدنق يعني خلوكم تقرأوا شي ؟

شوفي القطعة عليها اسئلة اختيار متعدد فهمتي وعلى القطعة 50 درجة والرايتنج 50 درجة, ماخلونا نقرأ شي ابدا هع ياليت كان خلوني اقرأ اقلها فلحت في شي من الاختبار وضمنت درجة

[asoom4ever]

المشاركة الأصلية كتبت بواسطة ahlam gha بنات انا وربي احس اني بابكي يعني يوم السبت اروح السليمانية واقدم اخﻻء طرف وبعدين اروح الفيصلية ومدري ايش اختبار تحديد المستوى يعني ما ادري ليه يصعبوها على الناس انا جايبة في الالكا كلها 100 ومعدلي 4،8 امانه هذا مو ظلم اني احتمال ما ادخل تخصصي الي ابيه بسبب نظام جامعي ظالم انا تعبت تعب محد يعلمه غير ربي ربي يسهلها وهم يصعبونها المهم انا سأذهب يوم السبت لفرع الفيصلية واخذ شهادتي مثل ماهو مكتوب في الايميل ونشوف وش السالفة اختم تعليقي بهذا الحديث الشريف وهو دعاء نبينا عليه الصﻻة والسﻻم )اللهم من ولي من امر امتي شيئا فشق عليه ،فاشقق عليه ،ومن ولي من امر امتي شيئا فرفق بهم ، فارفق عليه ( رواه مسلم

والهي مرررة حاسة فيكي لكن اش تقولي عليا انا دخلت الاختبار وماااحلييييت شي شكلي ماراح يقبلوني انجلش مااااااعرف اش اقووووول عن جد ماعرررف اش اقوووول من امس مبلمة وتفكيري مشتت

[ahlam gha]

بنات لو ﻻ سمح الله ما قبلونا ﻻزم الي جايبين درجات ومعدﻻت عالية نجتمع ونكلم رئيسة الهم الي حطة هذا القانون بس نروح جماعة كبيرة وربي حرام كذا

[عبير منشي]

المشاركة الأصلية كتبت بواسطة ahlam gha بنات لو ﻻ سمح الله ما قبلونا ﻻزم الي جايبين درجات ومعدﻻت عالية نجتمع ونكلم رئيسة الهم الي حطة هذا القانون بس نروح جماعة كبيرة وربي حرام كذا

أنا معاكي.
خصوصاً اني اتخصصت في النت وانقبلت حسب كلام كل اللي سألتهم وقالوا لي مدام التخصص طلع جنب اسمك في الاستعلام الاكاديمي الشامل يعني انقبلتي.
عاد لو هي شرطها في الفيصلية لازم امتحان قياس كان أعلنوا عنه لو فمنتدى الجامعة الرسمي أو فمنتدى كليتهم أي مكان رسمي المهم يعلنوا عن شروطهم !

لازم نجتمع ونروح لها و نركز على هالنقطة بالذات.. إننا ما ندري انه فيه امتحان قياس وانه ينتهي الأربعاء ! لأن نتايج تحويلنا طلعت الثلاثاء بالليل.

أنا لي ساعة احاول احصل للكلية الاداب بالفيصلية بروشور ع النت فموقع الجامعة فيه تعليمات عنهم واجراءات قبولهم للطالبات المحولات مو محصلة ! يعني أبسط مقومات تعرّف الطالبات بشروطهم قبل ما يروحون لهم مافي.. لازم نركز على هالنقاط .

ماعندي استعداد ادرس تخصص ثاني غير الانقلش. و لو هم مبسوطين باستبدادهم و نسيوا إنه فوق كل قوي اللي اقوى منه احنا ما ننسى اننا مو لوحدنا و إنه قوتنا في الله عز و جل.

لازم ندعي و نصلي الليلة و بكرة ركعتين في جوف الليل و بإذن الله ما نخيب.

أنا حكون في الفيصلية السبت على 9 الصبح ان شاالله. مدري الباص متى يكون هناك لكن اقول ان شاالله. أول مرة اطلع فباص من مكة لجدة و لوحدي اقطع كل هالمسافة !

أشوفكم بالجامعة ان شاالله و ربنا كريم. بس كيف اعرفكم ؟

[عبير منشي]

+ لو الرئيسية أو وت ايفر عقدتها وأصرت ع الامتحان مو مشكلة ندخله. أما إنهم يحرمونا من كل شي بحجة انتهاء الوقت طيب جامعتهم لطعتنا شهر و نص الين طلعوا نتايج تحويلها و الدراسة بدأت و الجداول انعملت واحنا ولا شي !
ولما هم يعلنوا عن النتيجة يبغونا نكون جالسين فسياراتنا وفوراً نشغلها ونروح لهم ؟! حتى كون إننا بنات مو أولاد ومواصلاتنا أصعب ماله هالشي مراعاة ؟

[إيمــان خالد]

بالتوفيق بنآت ..
مبروووك عليكم التحويل وعقبال فرحتكم بالتخصص اللي تبوه ..

[ahlam gha]

عبير منشي لو سمحتي ارسلي لي رقمك او بنك او اي شي اتواصل معاكي فيه عشان نتفق نروح سوا

بنات وﻻ وحدة تسكت عن حقها نروح كلنا لو سمحتو لمن كل وحدة لحالها ما راح يعطونا وجه