رأي الملياردير السعودي سليمان الراجحي حول راتب الـ 3000 ريال للمواطن السعودي .. عجبي

[سملّق :)]

واضح أن فيه شوي تشنج من السادة الأعضاء :)

طيب هدوا أعصابكم روقوا المنقا ... كل هالتشنج عشان شايب يهلس على جريدة !!
طيب ماتخلوه يكككذب لييين يشبع ... وش علينا منه ؟؟


أنا مدخولي الشهري مع المكافأة الجامعية حوالي 2000 ريال !
وعزوبي .. وسيارتي يبي لها اقل شيء 3000 ريال ومتعطلة ... والبيت فاضي .. والمطاعم ذبحتني ومصاريف بنزين وفواتير وايجار ...... الخ

وعايش أحلىىى عيشة ياربي لك الحمد على النعمة .. ولا عمري مديت ولا فكرت امد ايدي لأحد حتى الوالد يحاول يعطيني ،، لكن أنا قنوع باللي عندي ولا ابي اكثر من كذا .. ولو أعطاني رجعتها له


احنا شعب نعيش في اسوأ الاحوال والضروف الجوية والمالية والاقتصادية والسياسية ههههههه
ومستانسين ... وأحلى حياة

وأنا ولله الحمد .. أكثر مايهمني في الحياة
الصلاة مع الجماعة في المسجد + اني احفظ كرامتي ولا أذل نفسي لأحد يصرف علي + أني أدرس وأتعلم

انا مقتنع اقتناع تام : ان لو عندي فلوس زي نص فلوس الراجحي ،، كان ما عشت مثل هالعيشة والراحة النفسية :)
ومقتنع أقتناع تام : ان هالعيشة اللي انا عايشها .. يتمناها الكثيررر ..

والله ياجماعة اللي يروح الاحياء القديمة ويسولف مع الناس هناك ويعرف أحوالهم .. انه يشكر ربه ويحمده على النعمة اللي الله سبحانه مخليه فيها !!



قاعدتي في الحياة :
( دائماً أنظر لمن هم أدنى منك مادياً ، وحاول أنظر لمن هم أكثر منك علماً )

فبالأولى : تشكر ربك على النعمة اللي أنت فيها وتحمده :)

وبالثانية : تزيد من أصرارك وحبك لطلب العلم والوصول للقمة :)