بنات البحث و التدريب bus 495

[samaa]

السلام عليكم ..

بنات الانتساب اللي أخذوا مادة البحث والتدريب لإدارة الاعمال الدوليه bus 495 ياليت تساعدونا بالإجابه عن الأسئله عشان نفهم إيش السالفه :)


1 - هل لازم أسجل في شعبه تتوافق مع موادي اللي سجلتها هالفصل؟ أنا أحس مالها دخل بما ان مافيها إختبار المفروض ما يكون في تعارض وكذا .. !

2 - إيش رأيكم و نصائحكم عن الماده ؟

3 - مين أفضل دكتوره ؟

4 - إيش أفضل أختار تدريب أو بحث ؟

5 - كيف طريقة التقييم و هل يشترط حضور للمناقشه ؟

6 - متى يبدأ العمل على البحث أو التدريب ؟ ومتى وقت التسليم ؟

أنتظر إجاباتكم


جزاكم الله خير و الله يوفقنا جمعياً و نتخرج و نهيص

[دروووب]

1 - هل لازم أسجل في شعبه تتوافق مع موادي اللي سجلتها هالفصل؟ أنا أحس مالها دخل بما ان مافيها إختبار المفروض ما يكون في تعارض وكذا .. !
هوه صحيح ماله دخل لان مافيها امتحان .. بس م يسمحون تنزل وفيه تعارض على ما اعتقد ..,


2 - إيش رأيكم و نصائحكم عن الماده ؟
الماده على حسب استاذتها .. نصايحي رتبي نفسك من بدري .. حطي كم موضوع ببالك..وابحثي عن مراجع وشوفي ايش المواضيع اللي متوفر لها مراجع .. شوفي اماكن للتدريب .. وواحسني اختيار الاستاذه


3 - مين أفضل دكتوره ؟
واللهي من خبرتي شفت بنات مدحو امل تركستاني .. قالو هيه صح متعبه بس ماتجيبي اقل من ال a معاها
ومن تجربه دكتوره شيماء ممتازه ..


4 - إيش أفضل أختار تدريب أو بحث ؟
الماده بحث وتدريب .. يعني تتدربي وتسوي بحث من تدريبك .. الموضوع مش اختياري


5 - كيف طريقة التقييم و هل يشترط حضور للمناقشه ؟
كل استاذه وتقسميها للدرجات .. بس تقيمك ع تقييم مكان التدريب اللي اتدربتي فيه والبحث اللي سويتيه والمناقشه .


6 - متى يبدأ العمل على البحث أو التدريب ؟ ومتى وقت التسليم ؟
يبدآ من بداية الترم .. لازم تبحثي وتحطي لنفسك خيارات عشان موضوع البحث ..
ويبدا العمل الحقيقي وقت ما تتحدد الاستاذه حقتك وتعرفي ايش طلباتها .. اما وقت التسليم ف بالعاده يكون ايام الامتحانات او قبل ب اسبوع .. حسب اتفاقك مع الاستاذه تبعك ..

وسلامتك
موفقه : )

[samaa]

[ دروووب ]

شكراً عزيزتي .. ماقصرتي والله :)
الله يسعدك و يوفقك آآآآآآآمين