هل هذا صحيح !؟

[amal]

السلام عليكم ورحمة الله وبركاته
اليوم لما رحت الجامعه سمعت البنات يقولوا ان البنات اللي يرسبوا في اي مادة من مواد (الريدنق- الرايتنق -الليسننق)
بيحولوهم الى قسم ثاني حتى اذا نجحوا على الحافة حيتبعوا نفس الاسلوب ,,
يعني يحددوا من المستويات الاولى للتخصص تستمري في التخصص ولا لأ مهما كان معدلك ,,
سؤالي /هل هذا الكلام صحيح ؟

ارجو الافادة ,,

[بوليمر®]

اخت amal

انصحك وطالما انك طالبة انتظام ،، الاخبار الي زي كذا راح تشوشر عليك وعلى زملائك

افضل انك تستفسري من قسمك وتاخذي الخبر الأكيد منهم

بالتوفيق

[صمتى حكى بك]

هذا الكلام سمعناه كثير بس مانفذوه ومااظن انه صحيح

[xoxo]

ياليـت ينفذوه صح .. لأن في كثيـر بنات معاي بنفس المستوى
ويشتكو من المواد ويخافو ومادري ايش كأنهم اطفال !
وفي الاخيــر اكتشف انهم جدا سيئات في الانقلش وبيعتمدو ع الحفظ
حفظ الكلام و المصطلحات وكل حاجه .. يعني لو جا شي في الاختبار
من اللي حفظوه بس بطريقه و مفردات ثانيه مايعرفو ويتوهوا !

اعتقد ان هالقرار قرار سليـم ميه بالميه وياليت مره وحده يحطو اختبار
قبول لقسم الانقلش لأن مو كل وحده معدلها مرتفع جيده بالانقلش ..
اعرف وحده دخلت القسم بمعدل عالي وسألتني ايش معني Mine ؟!!

تخصص الانقلش مو لتعلم اللغه ابدا .. هو تخصص لدراستها
من أدب و لغويات وصوتيات و كل شي يخصها ..
واغلب اللي يدخلو القسم على بالهم عشان يتعلموا اللغه !

اذا انتي فاهمه باللغه و تفهمي شرح الاستاذه وتعرفي تتكلمي كويس
وتكتبي تمام .. لا تخافي رح تعدي القسم بسهوله .. وعلى عكس الكلام
اللي تسمعيه .. هالقسم من احلى الاقساااااام في الجامعه مرره مسلي ..

[S0o0Ma]

XoXoخيتووو كلامك صح

بس حب لاخيك ماتحب لنفسك ^_*


بالعربي الفصحى............. لايولد المرء من بطن امه عالما



خيتووamal استفسري زي ما قال اخوي بوليمير..والله يوفقك

[غـــرور]

ماأتوقـع .. مب على كيفهم يحولوا الخـلـق .. عموماً عشآن ترتآحين روحي لـ د. رندآ بنفسك وتأكدي

ولآ يهههمك كلام آلبنآت .. والله إللي تمشي ورى كلام البنآت تتوه .. <- مجربه

وبآلتوفيق

[Rwan]

amal

لاتخافين ولا حاجه حتى احنا في بداية دخولنا للقسم قالولنا نفس الكلام وشوفي الحين والحمدلله اخر مستوى لي في الجامعة ..

notes for xoxo

حبيبيتي اول حاجه صحيح انو اللي الانقلش حقوا مو قد كيدا راح يتعب شويه
بس عاتي لانو مافي حاجه تيجي من دون تعب ..
والمتل يقول من طلب العلا سهر الليالي

تانيا بما انها جامعة ومفتوحه للكل وفق شرووط معينه فما لاحد الحق انو يحدد عن التاني ايش يختار من الاقسام او ايش القسم اللي مولازم يدخلوا .. يعني بالعربي كل واحد ابخص بنفسه ..
وازا ادارة قسم الانقلش موعاجبه دا الشي تقدر تسوي اختبار اجتياز وتريح نفسها ..

تالتا واخيرا ترى الجامعه ماهي نهاية العلم بالعكس هي بداية المشوار
يعني الواحد بعد مايتخرج يطور من نفسه كمان وكمان ..

< وهـ بص فديتني صايرهـ انقط حكم

[amal]

مشكورين على المرور ,,
روااااان كلامك عين العقل >>من جد حكيمة خخخ

[اللغات الأوروبية - طالبات]

السلام عليكم

لا هذا الكلام غير صحيح.

[xoxo]

المشاركة الأصلية كتبت بواسطة Rwan notes for xoxo حبيبيتي اول حاجه صحيح انو اللي الانقلش حقوا مو قد كيدا راح يتعب شويه بس عاتي لانو مافي حاجه تيجي من دون تعب .. والمتل يقول من طلب العلا سهر الليالي تانيا بما انها جامعة ومفتوحه للكل وفق شرووط معينه فما لاحد الحق انو يحدد عن التاني ايش يختار من الاقسام او ايش القسم اللي مولازم يدخلوا .. يعني بالعربي كل واحد ابخص بنفسه .. وازا ادارة قسم الانقلش موعاجبه دا الشي تقدر تسوي اختبار اجتياز وتريح نفسها .. تالتا واخيرا ترى الجامعه ماهي نهاية العلم بالعكس هي بداية المشوار يعني الواحد بعد مايتخرج يطور من نفسه كمان وكمان .. < وهـ بص فديتني صايرهـ انقط حكم

ادارة القسم مو عاجبها هالشي والا ليش هالتركيز الشديد في تصحيح الـwriting ؟
واللي طلع منو رسووووب كثيـــر من البنااااات .. وهذا يدل ان اغلبية طالبات الانقلش
مو متمكنين من اللغه بقدر المطلوب منهم .. وانا اشوف ان هالشي حرام وظلم للي ماقدر
يتخصص بقسم اللغه اللي هو حابه وفاهم فيه .. عشان كذا اقول المفروض في اختبار
قبول ومايعتمدو ع المعدل ابدا فقط .. شي يقهر كيف عدد كبيـر من البنات يدخلو هالقسم
وهما مو فاهمين فيه اي حاجه واذا سألتيهم ليش دخلتو انقلش يقولو مافي الا هوا اجل ندخل
تاريخ و علم نفس ؟ .. وفي الاخيـر ياخذو ترمين ثلاثه بعدين يحولو لقسم تاني ..
وبنات غيرهم يستحقو يدخلو وماقدروا .. بس ياخذو اماكن ع الفاضي