الحاسب والمعادله (( متاهة الحيرانين ))

[ااااه يا جامعة الملك سعود]

المشاركة الأصلية كتبت بواسطة m!ss bonbon السلام عليكم ورحمة الله وبركاته كيفكم ان شاء الله طيبين حاادخل في الموضوع ع طول انا روحت عند دكتورة الحاسب وسألتها كم سؤال حابه انكم تستفيدو من الاجوبه طبعا دكتورتي مرااا حبوبه الله يسعدها وخايفه لا يغيروها ليا سالتها يا دكتورتي الحبيبه لو انتي مكاني ايش تسوي في الحاسب تعادليه ولا لا ؟!!! قالتلي : شوفي يا عزيزتي لو انا مكانك رح اخد الماده واذاكر واختبر الدوري الاول والتاني ولو شوفت والله انو درجاتي حلوه ورافعه المعدل يسير اكمل وادخل النهائي... ماسار الحاسب بيرفع المعدل وشايفه انو الحاسب بينزل من المعدل اعادل وكفى الله المؤمنين شر القتال قولتلها طيب والمعادله مو لازم تكون دحين؟!! قالتلي: لا الحلو في الحاسب انو مفتووووووووووووووووووح عندك باب المعادله حتى اليييييين قبل الاختبار النهائي بكم اسبوع يعني لو شوفتي الحاسب بيرفع ادخلي الاختبار النهائي .. والله مابيرفع لا تدخلي وعادليه.. طيب وكم النسبه اللي رح يرتفع فيها المعدل لو اخدنا الماده؟!!! مو الشي الكتير بس يرفع شويا احسن من انو مايرفع ولا شي <<< اجابتها مقنعه بعض الشي طيب بالنسبه للبنات انا اعرف معهد الفنار لشهادة icdl والاولاد والله ماعندي فكره للأسف وبالإمكان يا بنوتات يا حلوات لو حصل لا قدر الله مارفع الحاسب المعدل تروحي المعهد وتاخدي الدوره في اسبوعين فقط اللي كان عندي قلتو وان شاء الله تكونواستفدتو للناس الحيرانه من المعادله سمعتي يا روفانتي ماابا اسمع كلمة شكرا او ثانكس ابا دعوه حلوه انو ربي يعطيني مرادي دمتم في محبة الرحيم ورعايته

لا يا أختي الفاضلة المعادلة لاي مقرر تكون في فترة معينه أو لما تتخصصي في الاقسام مثل الكيمياء والاحياء يكون فيها تجارب(كل اسبوع تجربة او تجربتين حسب الكورس) ولاقدر الله رسبتي في المقرر يحق لك الترم الي بعده أنك تثبتي الدرجة الي أخذيتها في اللاب وعادة تكون من 20 أو 25 من 100 وهذا نظام يطبق في كل الجامعات السعوديه.... بمعنى اخر يعني مهو بكيفك متى شفتي نفسك خبصتي في الكورس تروحين تعادلين الكورس ...
ولي يدرسني مادة الحاسب يقول أخر موعد للمعادلة يوم الاربعاء الي يسبق أختبارات الدوري الاول...
وحبيت أقول لك شي في موضوع خاااص لطلاب وطالبات خطة أ لو التجمع يكون هناك يكون أفضل أحسن من التشتت...
أتمنى أني أكون أفدتك
ااااه يا جامعة الملك سعود

[ااااه يا جامعة الملك سعود]

طبعا كلاااام الدكتور ينطبق على الاولد أما البنات مدري بس على ما أعتقد النظام واااحد ومادة الحااسب سهلة جدا وبلعربي مثلها مثل مهارات الاتصال بس لازم يكون فاهمة المصطلحات بلنجليزي الي في الوورد والاكسل والاكسس متصفح النت اكسبلاور طبعا وافضل حل انك تقلبي جوالك ولابتبك أنجليزي...
وشهادة icdl الي قلتي أخذها في اسبوعين أشتري الكتب وذاكرها لحالي وأجي أختبر ومشي ولا نظاااام دراااسه في المعهد ؟ ممكن تفهميني ...

[ROoOFaNA]

اللي كان عندي قلتو وان شاء الله تكونواستفدتو للناس الحيرانه من المعادله سمعتي يا روفانتي


ماابا اسمع كلمة شكرا او ثانكس ابا دعوه حلوه انو ربي يعطيني مرادي

دمتم في محبة الرحيم ورعايته[/quote]

الله يوفقك بنبونه ويسعدك وان شاء الله رب العالمين يحقق لك حلمك ومرادك

[Swεεŧ AŋGзL]

تسلمي ياعسل عالمعلومات

بس انا امس كلمت معهد الفنار بنفسي

ومافيه شهادات icdl بس دورات تاخذيها كدا عالفاضي

يعني تاخذي الدورهـ وبس...

يعني مابتفيد في معادلة الحاسب لانهم يبغوا شهادة

وبس ...

ولو تحبوا تدخلو اختبارات بس وتاخذو الشهادة

فيه معهد اسمه العربي بــ 650

لكن مشكلتهم يطولو على بال ماتاخذي الشهادة

يعني تجلسي شهر

وبالتوووووووووووفيق

[الفيصل الأخير]

حسب معلوماتي لا يمكن معادلة المادة بشهادة من معهد خاص
الرجاء التأكد من المعلومة حتى لا تدفعوا الفلوس وبعدين ماكو معادلة

[.SuperGirl]

المشاركة الأصلية كتبت بواسطة ااااه يا جامعة الملك سعود وشهادة icdl الي قلتي أخذها في اسبوعين أشتري الكتب وذاكرها لحالي وأجي أختبر ومشي ولا نظاااام دراااسه في المعهد ؟ ممكن تفهميني ...

سامحيني يا بونبونه عالامبراش...

بانسبة للدورة فهي مكونة من 7 محاضرات لكل مادة محاضرة
والمحاضرة ساعتين عادتاً الا الاكسل والآكسس 4 ساعات او اقل

يعطونا ملزمة و ينزلولنا برنامج اختبارات تجريبية (بمئة ريال) نحل الاختبار في المحاضرة
ونرجع نذاكر بالاختبار ومن الملزمة شوية ومن اسئلة اضافية من الاستاذة

وبعدين ندخل الاختبار وماشاء الله البعض يجيب 100% لانو تقريبا نفس الاسئلة التجريبية والاضافية

اعمامي وابويا (حاسب) مو مصدقين اني حاخدها في اقل من شهر...

[.SuperGirl]

المشاركة الأصلية كتبت بواسطة جامعيه ودق التحية بس انا امس كلمت معهد الفنار بنفسي ومافيه شهادات icdl بس دورات تاخذيها كدا عالفاضي

بالنسبة لمعهد الفنار فقبل حوالي اسبوع او اسبوعين انتهى عقده مع الشركة
فما يقدروا يختبروا الا بعد تجديد العقد وقد يتطلب الموضوع حوالي سنة الا كم شهر لتجديد العقد
(سألتهم عن الموضوع)

ولكن هم يستقبلون الطالبات كبقية معاهد جده ولكن يختبروهم في معاهد اخرى
(يزبطولك الاختبار في معهد تاني وتروحي تختبري هناك بس تحددي المواعيد وكل شي مع الفنار)


اليوم انا كدا سولي لانو بقيلي كم اختبار ارسلوني لمعهد تاني واختبرت والحمدلله نجحت!!


من اروع مميزات معهد الفنار انهم مرنين فيعطو دورات في الاجازات صباحية ومسائية
فكنت اذا صعب عليا الذهاب في الصباح اذهب في المساء
ولان دوراتهم يعيدوها كل اسبوعين اذا غبتي تستطيعي الحضور مع الدفعة اللي بعدك او اذا لم تفهمي

والاستاذة ممتازة ماشاء الله...

والدورة خفيفة وتخلص في وقت قياسي ومعتمدة دوليا (رخصة قيادة الحاسب الآلي)
وصحباتي كلهم اللي اختبروا قبلي عادلوها وانحذفت من الجدول


اسأل الله لي ولكم التوفيق والتميز ونيل اعلى المراتب في الدنيا والآخرة
دمتم

[m!ss bonbon]

المشاركة الأصلية كتبت بواسطة ااااه يا جامعة الملك سعود لا يا أختي الفاضلة المعادلة لاي مقرر تكون في فترة معينه أو لما تتخصصي في الاقسام مثل الكيمياء والاحياء يكون فيها تجارب(كل اسبوع تجربة او تجربتين حسب الكورس) ولاقدر الله رسبتي في المقرر يحق لك الترم الي بعده أنك تثبتي الدرجة الي أخذيتها في اللاب وعادة تكون من 20 أو 25 من 100 وهذا نظام يطبق في كل الجامعات السعوديه.... بمعنى اخر يعني مهو بكيفك متى شفتي نفسك خبصتي في الكورس تروحين تعادلين الكورس ... ولي يدرسني مادة الحاسب يقول أخر موعد للمعادلة يوم الاربعاء الي يسبق أختبارات الدوري الاول... وحبيت أقول لك شي في موضوع خاااص لطلاب وطالبات خطة أ لو التجمع يكون هناك يكون أفضل أحسن من التشتت... أتمنى أني أكون أفدتك ااااه يا جامعة الملك سعود

اخي الفاضل الكلام اللي قلتو انا من مصدر رسمي بالنسبه للبنات من دكتورتي لكن بالنسبة لكم انتو الاولاد مااعرف لكن احنا البنات قالت مفتوح عندك باب المعادله للحاسب انا بتكلم عن الحاسب الييين بعد الدوري التاني وقبل الاختبار النهائي بكم اسبوع زي ماقولت والدكتوره بنفسها قالتلي انو تقدري تشوفي نفسك لو ماشيه اوكي في الماده وبترفع المعدل ادخلي النهائي ولو شوفتي انو منزل المعدل عادليه والمعادله مفتوحه حتى بعد الدور التاني بمده بس للأمانه ماقلتلي المده بس قالت انو قبل الاختبار النهائي بكم اسبوع والبنات لو حابين يتاكدو يسألو دكتوراتهم وبالتوفيق للجميع

[m!ss bonbon]

المشاركة الأصلية كتبت بواسطة ااااه يا جامعة الملك سعود طبعا كلاااام الدكتور ينطبق على الاولد أما البنات مدري بس على ما أعتقد النظام واااحد ومادة الحااسب سهلة جدا وبلعربي مثلها مثل مهارات الاتصال بس لازم يكون فاهمة المصطلحات بلنجليزي الي في الوورد والاكسل والاكسس متصفح النت اكسبلاور طبعا وافضل حل انك تقلبي جوالك ولابتبك أنجليزي... وشهادة icdl الي قلتي أخذها في اسبوعين أشتري الكتب وذاكرها لحالي وأجي أختبر ومشي ولا نظاااام دراااسه في المعهد ؟ ممكن تفهميني ...

انا شايفه انو فيه اختلافات بين الاولاد والبنات
احنا ندرس الحاسب بالانقلش كلووووووووووووووووو انقلش مافيه كلمه عربي والاختبار ع قولتهم بالعربي كيف يسير كدا مااعرف بس هما لسى مو متأكدين من لغة الاختبار عربي ولا انقلش لكن الاكيد انو احنا بندرس الحاسب بالانقلش الله يستر منهم ومن اختاراتهم

وفيما يتعلق بالاختبار سو جاوبتك لانو هيا اخدتها واتمنى انك تكون فهمت ..وبالتوفيق للجميع

دمتم في رعاية المولى

[m!ss bonbon]

المشاركة الأصلية كتبت بواسطة جامعيه ودق التحية تسلمي ياعسل عالمعلومات بس انا امس كلمت معهد الفنار بنفسي ومافيه شهادات icdl بس دورات تاخذيها كدا عالفاضي يعني تاخذي الدورهـ وبس... يعني مابتفيد في معادلة الحاسب لانهم يبغوا شهادة وبس ... ولو تحبوا تدخلو اختبارات بس وتاخذو الشهادة فيه معهد اسمه العربي بــ 650 لكن مشكلتهم يطولو على بال ماتاخذي الشهادة يعني تجلسي شهر وبالتوووووووووووفيق

يا عسولتي امكن انتي فهمتيهم غلط انا اعرف بناااااااااات اخدو الشهاده من عندهم وعادلوها ومنهم روفانا وسو ومس افروديت والقمر جانا و و ووووو

لو حبيتي انك تساليهم اتفضلي
وبالنسبه للمعهد اللي قولتي عليه صراحه انا اول مرا اسمع عنو مااعرف فيه شي بس اعرف عن معهد الفنار واللي البنات سجلو فيه ومعهد العربي ماسمعت عنو شي ومن قال لا اعلم فقد افتى

دمتي عسولتي في حفظ الرحمن